Qalesia 4:12 - Vato Vari Vakameka Voru Ia Batu Ne

¹² Qa pene vakaraputa qamu turaquro, muna lulua de qa gogo era tanego era do qa gere qamu so ramu de ilupo bana mego. Ramu qamuki vasakatava kaega era.

Qalesia 4:12 ပူးပေါင်းရင်းမြစ်များ

Zazu Ria Apostoloro 21:21

Do ria iri gata bana pata ro iri sine go basoero ne, aro qo va rove lupo qira vano Jiu iri koe go vudu ria vano iriki Jiu go kaega mara ria tarua Tamana ia Mosese, mana qo sine napu ne qira mara ria kasi kosi qira sale ro ria mana lulu na vatovato ṉalu bana ria vano Jiu go.

Karua Korinti 2:5

Iago ṉalu kaki basoe i va maqate kaki basoe, iki va maqata va kaega era, do i va maqata napu qamu ramu. Qa sine iadena tanego qaki soko kaega tuna va makure ia.

Karua Korinti 6:11

Iago vakitaka ro era vano Korint, remu qi sine ne qamu pata ogoto, qi vasadake qi lete mamaligara ne qamu.

Karua Korinti 6:13

Era qa seko e deqamu koego remu ninidena, qa vagere qamue ramu salero era, muna nanao gemu remu, gerena remu qi nanao qamu ramu. Muna papaqa me puṉuqamu de qemu koego remu.

Qalesia 2:14

Iago ṉalu era qa mia iriki lulua kaega de igogo totoloṉo na zuka na vaogoto na Tarama Velaka, era qa sine ne ze Pita tarakenaqa qira basoero topu. Qa go, “Aro qo valeke Jiu, do qo lulua go vatovato ria vano iriki Jiu go kaega mana ko aro do qoki gere qira kaega vano Jiu. Iago ava tina go tono vatutubo qirae vano iriki Jiu go kaega, go tarina lulua go vatovato ria vano Jiu na?”

Qalesia 4:11

Era qalete nanao vokara ne qamu ramu! Qa sareki, niki go osina zazu ro era sauqamu ramu za patavolomo lupo so go.

Qalesia 4:13

Qamu nanao tarua ramu tane de qa gogo era, ṉalu qa garetu tamana kenaqa ne qamue go Tarama Velaka ne, ṉalu nae era qa mokoso.

Qalesia 6:14

Do de qa koego era ne, tuna vazakanapu ne koluse ia Batu ita Jesu Kristo. Tanego pata izazu ne go Kristo ṉalu ile go koluse ne, i sauna to vatovato na vudu pua dena i le bana ne to nanaoqu era mana era qa le palu bana to Kristo. Iago, ma kasi luluna vatovato ia vudu pua dena.

Qalesia 6:18

Qa pene go Mana ia Batu ita Jesu Kristo mara ko tavisi qamu turaquro topu. Amen.