Qalesia 3:29 - Vato Vari Vakameka Voru Ia Batu Ne

²⁹ Ṉalu ramu qamu keia to Kristo, ramu to qamu popodo ro ia Abra-am mana tamuna toṉove pata i pui nego God.

Qalesia 3:29 ပူးပေါင်းရင်းမြစ်များ

Matiu 3:9

Muniki vapala zeso sine na ramu tamaqamu Abra-am, iago God ki mazala kaega vakimata qemu, ma sine ne qamu, God i mazala so palana ipakaro dena mana zazu vatopu zego salero ia Abra-am.

Leta Ia Pol I Karo Ne Qira Basoero Na Rom 8:17

Ita qata salero ia God, iago ita tatana toṉove go pataro i toṉove go God ni soti ne qita go ita basoero ia, go tina vamakaolo qita, mana ita napu tatana soti tavisi ze Kristo pataro ni soti bana go ia. Tanego ṉalu ita qata pala tavise go vokara ro ia Kristo, ita napu tatana tonovo tavise kulakula na rani ne.

Kameka Korinti 15:23

Do nogotona basoe tina lulua dego zukazuka na, ṉalu tarina too me tepa le, kenaqana. Kristo, mana taramuzina ṉalu tina za ule me, ita to basoero ia God go.

Karua Korinti 10:7

Ramu qamu reṉa neso pekapeka na pataro qamu mia go. Ka basoe i sine tanuna i ke ia Kristo, basoe nae mara nanao velaka, tanego remu do qi ke ia Kristo, gerena so basoe igogo ne.

Qalesia 3:16

God i taruze pui ro ia de ikoego Abra-am mana popodo iago. Buka tabo iki sine kaega, “Popodo,” salero igogo, na nanao zego topuna basoe, do igo, “Popodo aro.” Ianae i vatalukasa ze kameka minena so basoe, mana basoe nae to Kristo.

Qalesia 3:18

Avigo luluna tamana tina teke ne qita pataro i pui nego God? Kaega! Ṉalu qata pala ze pataro igogo ne tanego qata lulua Tamana, ianae ne iki reqe me kaega pui ia God go. God i teke ne pataro Abra-am lulua so pata i pui nego.

Qalesia 3:28

Iago ikaega so kaki pata i varivakakatae ne de iri koego vano Jiu ba vano iriki Jiu go kaega, vano seka ba vano ko talukasa, valekero ba qolero go, osiqira pataro dena iri kameka pata so de ikoego Kristo.

Qalesia 3:7

Iago ramu muna mia rove to. Vano iri vaogoto go ria to salero ia Abra-am.

Qalesia 4:1

Seko rera qa mazala vane na dena. Ṉalu basoe iara sale go iki mazala kaega tma kenaqa ne patapata ia tamana, do ia tina gere so basoe zazu. Ba osina patapata ro ia tamana, iato tinara tonovo lupo go kene ṉalu.

Qalesia 4:7

Iago ramu qamuki basoe seka to kaega, do qamu salero ia God. Iago God tina teke ne qamu osina pata itoṉove go ni pui bana ne qamu go.

Qalesia 5:24

Vano iri ke iago Jesu Kristo, iri vae vale bana to ria too na vudu pua dena ni soko go zazu ne na osina pata sakata ro ne.

Qalesia 6:16

Sauqira ria iri lulua go vatovato dena, qa pene God go mara teke ne qira bule mana manava ia, go mara kotavisi qira mana osiqira basoero ia God go.

Epesus 3:6

Pata ogoto iko pipika bana mego dena ne, loborona tarama velaka ne igo, vano iriki Jiu go kaega iri pala tavise ria tane makaolo ia God iri pala bana go vano Jiu. Osiqira iri kamekae so kameka tokama, mana iri pala tavise pui ia God, ni vazuka me ze go de ikoego Jesu Kristo.

Taetusi 3:7

go ita tatana toṉove go too iki rove go kaega lupo. Too qata vaogote go tatana za pala go ne God i manava ne qita, mana i taru vatotoloṉo qitae tarakenaqana tanuna go. Seko dena i pata ogoto, qa soko sine vamoqere nigo, ono sine vasadake vari vatatana dena, go basoero iri vaogote go God, mara teke ne ṉalu ro ria zazu na pataro ni velaka go. Pataro i velaka go ne, iato i mazala go tavisi ne qira go basoero ne.

Iburu 1:14

Aqelo ro ne, iri spirit so, iri ko mana osaka ne God mana God tina turine qira me, go tina tavisi ne qira basoero iri soko go pala na vari vakavele.

Iburu 11:18

God i sine ne ia, “De ikoego to Aisak tina podo ego popodo aro naqa pui bana ne go.”

Iburu 11:7

Loborona vaogoto ia, Noa i vaogote seko vabanabana ia God sauna pataro iara komego, mana pataro iara kaebo mia na go. Noa i zazu ne kameka koluka mana iva kavele ze ko tatamana iago. Tanego Noa i tatadaṉa e de ikoego God, iago i vasadake basoero na vudu pua ne iri vano sakata, iago God i va sadake Noa i valeke totoloṉo tanego Noa i vaogote God.

Iburu 6:17

God i soko vatatavata ne qira basoero tarina pala go pata i pui ne go, ia tiniki ara kavale kaega nanao na, iato go i odo odo ne go pata i pui ne go.

Jemisi 2:5

Gata turaquro, God i vine qira vano situ na vudu pua dena go mara vavagado vaogoto ria, mana ria mara toṉove komala ikoe go vari miasoka ia ni pui bana ne qira go basoero iri mamaligara ne go.

Revaleson 21:7

Basoe i karaputa nego varitara ia ne, tina pala go pataro dena. Era qa God ia mana ia i sale ia.