Qalesia 3:28 - Vato Vari Vakameka Voru Ia Batu Ne

²⁸ Iago ikaega so kaki pata i varivakakatae ne de iri koego vano Jiu ba vano iriki Jiu go kaega, vano seka ba vano ko talukasa, valekero ba qolero go, osiqira pataro dena iri kameka pata so de ikoego Kristo.

Qalesia 3:28 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 10:16

Era iko napu nava kakiaro sipi, iri ara kaebo lama kebae na bara ne. Era tuna pala valama qira, go ria tarina gata rove seko qu era, mana osiqira tarina kameka ko, mana kameka basoe so tina miasoka qira go.

Tarama Velaka Ia Jesu Kristo I Karo Go Jon 11:52

Tiniki le ne qira so kaega vano Jiu, do sau napu qira salesalero ia God iri repe go soso dia ro, Jesu tina le, go osiqira basoero tarina kameka qoqoṉo mana kameka basoe so go.

Tarama Velaka Ia Jesu Kristo I Karo Go Jon 17:11

Era tuna gado atu to, tuniki koe kaega vudu pua dena, do ria de tarina koe vudu pua de. Mamae, aro qo Tabo go! Bara ne qirae karaputa na vitoṉomu, iato vitoṉo qo teke nava go era, go ria tarina kameka so, gere qituru ituru qaturu kameka go.

Leta Ia Pol I Karo Ne Qira Basoero Na Rom 1:16

Qa taru lupo zeto ruruqe era loborona Tarama velaka. Tanego iato i karaputa iago God go i mazala go va kavele qira go osiqira basoero iri vaogote go. Vano Jiu iri gata kenaqa mego, mana taramuzina iri ara gata go vano iri ki Jiu go kaega.

Leta Ia Pol I Karo Ne Qira Basoero Na Rom 3:22

God i vatotoloṉo napu me qira basoero de ikoego tanuna. Ia i zazu ne pata dena de iri koe go basoero iri vaogote go Kristo, tanego vano Jiu mana vano iriki Jiu go kaega iri vari pada ne qira so.

Leta Ia Pol I Karo Ne Qira Basoero Na Rom 8:1

I kaega ka basoe tina sine go ita qata kebu sauna ko kameka ita de i koe Jesu Kristo.

Leta Ia Pol I Karo Ne Qira Basoero Na Rom 9:24

Tanego ita to basoero i koru bana qita go God. Iki vano Jiu miki so kaega do ita napu to vano qatiki Jiu go kaega go.

Kameka Korinti 7:14

Tanego ka valeke busi i vakameka ne qole ia, God i toqe ne ia, patavolomo iki vaogote kaega Kristo. Taraki go kaega, salero riru tara gere qira salero iri koego rodoko, do God i toqe ne pala va gere qirae salero la.

Kameka Korinti 7:19

Tanego valeke i kosi ba, iki kosi kaega i patavolomo so, pata ni lete mazala go, vaogote na tamana ia God.

Qalesia 3:14

Zuka nae to Kristo i voli qitae go, go basoero iriki Jiu go kaega tarina pala tavise go, pata i pui ne go God tina teke go Abra-am. Mana zuka nae to, ita qata vaogoto go qata mazala pala na Spirit tabo i pui bana ne go God.

Qalesia 3:26

Loborona to vaogoto ramu de ikoego Jesu Kristo osiqamu qamu salero ia God.

Qalesia 4:14

Do patavolomo mokoso na tokamaqu era, iki va makuru qamu kaega. Tanego ramu qamuki niniqi nava kaega mana qamuki silava kaega go. Do ramu qamu soti vagere ve kameka aqelo ia God. I pata ogoto qamu soti vagere ve Jesu Kristo.

Qalesia 5:24

Vano iri ke iago Jesu Kristo, iri vae vale bana to ria too na vudu pua dena ni soko go zazu ne na osina pata sakata ro ne.

Qalesia 5:6

Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.

Epesus 1:1

Era Pol loborona soko ia God qa apostolo ia Jesu Kristo, qa karo ne qamu ramu vano na komala Epesus qamti vanadue go too ramu loborona Jesu Kristo.

Epesus 4:4

Kameka tokama dena so ita qata lama kamekae go, mana kameka Spirit tabo dena, qata toṉove go osiqita, gerena kameka pata so qata ruruqe go, mana iato nae, God ikoru bana qamue go.

Pilipae 1:1

Pol mana Timoti, karua basoe zazu ia Jesu Kristo, iru karo go leta dena, de iri koego basoero ia God iri koego Pilipae, ria iri kameka ego Jesu Kristo, ria napu batubatu na lotu mana vano iri zazu tavisi go.

Kolosia 1:4

Tanego qi gata de go vaogoto ramu de i koe go Jesu Kristo, mana de go mamaligara ramu de iri koego baso basoero ia God.

Kolosia 3:11

Sauna to ianae, i kaega so kapata iri vari vakakavatae ne vano Jiu ba vano iriki Jiu go kaega, vano iri kosi ba vano iriki kosi go kaega, vano iri pala vari vatatana ba iri ko piru, vano iri seka ba vano iri ko talukasa go. Tanego Kristo i sapu lupo qira mana Kristo i koe loboro qira, iago osiqira iri kameka basoe lupo so.

Kameka Timoti 1:12

Qa teke seko velaka era de ikoego Jesu Kristo Batu ita, ia i teke nava karaputa loborona zazu era, qa teke ne seko velaka era tanego i mia va tora ve era pala na zazu ia, mana i vine ava go tuna zazu ne iago,

Karua Timoti 1:1

Era Pol qa kakia apostolo ia Jesu Kristo, tanego God i soko ava tuna apostolo ia, go tuna sine vasadake pui ia, go ita tatana pala too loborona vari vakameka de ikoego Jesu Kristo.