Qalesia 3:23 - Vato Vari Vakameka Voru Ia Batu Ne

²³ Do tarakenaqana iara lama go vaogoto dena, Tamana ilete palataru vanadu qita ita go iara lama sadaka go vaogoto.

Qalesia 3:23 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 3:34

Basoe ni turi ne mego God, i sine so seko ia God, tanego God i teke ne ia tutukununa Spirit tabo go tina tavisi ne ia.

Leta Ia Pol I Karo Ne Qira Basoero Na Rom 11:32

Tanego God i vakimata napu qira so basoero iri legulegua go mana taramuzina iara vasadaka ne qira go nanao ule ia de iri koego.

Leta Ia Pol I Karo Ne Qira Basoero Na Rom 3:19

Ninidena ita qata rove osina pata i koe so loborona tamana, mana i zaeto de iri koe go vano iri too e go polana tamana go tina vamamanava go osina seko vavariqo ria basoero ne, mana vasadaka me varitanae ia God de iri koego basoero na vudu pua.

Qalesia 3:19

Iago, ava sauna tane Tamana i zari go? God i palu zaqe Tamana dena go mara vasadaka me zazu kebu ro qata zazu ne go ita, go tina za doka go ṉalu Sale ni pui bana ne go God de ikoego Abra-am tina lama go. Tamana dena i reqeme de iri koego aqeloro ne, iri teke nego Mosese valeke ni zazue go vari loborina God mana basoero ne.

Qalesia 4:21

Era ma tana ne qamu ramu vano qamu lulua go Tamana. Avigo qamu rove ramu tane pata ni sine go Tamana?

Qalesia 5:18

Do ṉalu Spirit tabo i kenaqa ne qamu osina ṉalu, Tamana iki ara batu ne qamu to kaega.

Iburu 11:13

Basoero dena iri vaogote God, gogo i doka ṉalu iri le go, loborona ara too iri vaego iri ara kaebo so pala na pata i pui ne go God, do iri ko valaqalaqa mana iri kula ne zaqe so, mana iri sine vasadake iri go, remu qi basoero na vudu kakavata mana qi basoe zazu so go, iri go.

Iburu 12:2

Mata reṉa taru vanadu ne Jesu, tanego de koe ia i tupi e mana i valupolupo ego vaogoto ita. Ṉalu ia i le go koluse ne, iki pela ne kaega, “Kaega to,” tanego la i nanao va mazala zaqe kulakula iara ko mego, iki nanao vamazale so kaega vokara mana le i pala ze go koluse ne, la to go ninidena i kolokue tepa matauna God mana i vatovato tavisi ne rago.