Qalesia 3:21 - Vato Vari Vakameka Voru Ia Batu Ne

²¹ Iago Tamana ivae pui ro ia God ba? Kaega! Tanego ṉalu tara pala bana mego vano basoe, kameka Tamana, de ikoego God imazala go valame na too ogoto, ṉalu nae ne osina basoe tara ko totoloṉoe de ikoego God, sauna luluna Tamana ia.

Qalesia 3:21 ပူးပေါင်းရင်းမြစ်များ

Luka 20:16

Tina lama mana vae vale lupo qira so ria iri zazue go barue ne, mana tina teke napu ne qira kaki vano napu tarina miasoka go barue vain nae.” Do ṉalu basoero ne iri gata iadena iri go, “Ke kaega!”

Leta Ia Pol I Karo Ne Qira Basoero Na Rom 3:31

Iago sauna vaogoto dena ita qata vakuziki ne tane Tamana go ba? Kaega! Ita qata vanadu velaka to Tamana.

Leta Ia Pol I Karo Ne Qira Basoero Na Rom 3:4

Kaega! God i ogoto taru so osina ṉalu. Do osina vano basoe so iri zazu ne go poqe. Gerena Buka tabo i sine go sauna God, “Aro ono vasadake totoloṉo aro ṉalu qo seko go. Ṉalu vano basoe iri pada zigoe kaki pata, aro ono karaputa sivala ne de iri koe go ria.”

Leta Ia Pol I Karo Ne Qira Basoero Na Rom 3:6

Kaega! Ṉalu God tariki totoloṉo go kaega, ava tina gogo tina vari tanae napu ne qira go vano basoe na vudu pua ne.

Leta Ia Pol I Karo Ne Qira Basoero Na Rom 9:31

Do vano Izirel iri lulua so Tamana go tina vatotoloṉo qirae go de ikoego God, iri go, do iriki soba so kaega Tamana nae.

Karua Korinti 3:7

Tamana ro ia Mosese iri karo ze karua ipaka, mana tatavata mazala ia God i sadaka me ṉalu ia i soso ne go, patavolomo tane tatavata na tarakenaqana Mosese i vele kaega go, do i lete karaputa, iago iara makuru qira basoero na Izirel tarina reṉa vaumata ne tarakenaqana Mosese. Ṉalu go Tamana i valame le i lama vasadake karaputa ia, avigo napu karaputa na de go zazu ia Spirit, karaputa ia Spirit i lete sivala ne Tamana i valame go le.

Qalesia 2:17

Remu qi ruqe God, go timuna basoe totoloṉo, tanego qi vakameka ne Kristo. Do ṉalu basoero ne iri nanao remu qi vae Tamana, gere qira vano iriki Jiu go kaega, avigo i talupase Kristo tanego i zazue de qi koego, go qi vae go Tamana nae?

Qalesia 2:19

Tanego Tamana ivae ava era, go era tuna too e deikoego God. Iato nae tanego iri vae vale palu zave go era Kristo koluse ne.

Qalesia 2:21

Era qaki kasia kaega mamaligara ia God. Do ṉalu basoe iko totoloṉoe de ikoe God sauna luluna so Tamana, ṉalu igogo nae, le ia Kristo i patavolomo so.

Qalesia 6:14

Do de qa koego era ne, tuna vazakanapu ne koluse ia Batu ita Jesu Kristo. Tanego pata izazu ne go Kristo ṉalu ile go koluse ne, i sauna to vatovato na vudu pua dena i le bana ne to nanaoqu era mana era qa le palu bana to Kristo. Iago, ma kasi luluna vatovato ia vudu pua dena.

Iburu 11:7

Loborona vaogoto ia, Noa i vaogote seko vabanabana ia God sauna pataro iara komego, mana pataro iara kaebo mia na go. Noa i zazu ne kameka koluka mana iva kavele ze ko tatamana iago. Tanego Noa i tatadaṉa e de ikoego God, iago i vasadake basoero na vudu pua ne iri vano sakata, iago God i va sadake Noa i valeke totoloṉo tanego Noa i vaogote God.

Iburu 7:18

Iago tamana bana ro ne iri vakuziki ne, tanego i pela mana i patavolomo go.

Iburu 7:19

Tanego Tamana ia Mosese i makuru tina vavelake kaki pata. Do ninidena God i papaqa kameka zuka qata mazala vanadu ze na nanao qita mana i vagarogaro qitae de ikoego God.