Qalesia 3:2 - Vato Vari Vakameka Voru Ia Batu Ne

² Muna sine nava era kameka pata dena. Avigo qamu pala ze Spirit tabo ia God, tanego qamu lulua pata i sine go Tamana ba go qamu vaogote go Tarama Velaka qamu gata go?

Qalesia 3:2 ပူးပေါင်းရင်းမြစ်များ

Zazu Ria Apostoloro 15:8

Mana God i rove go nanao na osina basoe, i vasadaka velaka bana me so i soko napu qira so kerone basoero go. Tanego i teke napu ne qira so ria Spirit tabo gerena i teke bana ne gita go ita.

Zazu Ria Apostoloro 2:38

Pita i vane qira dena, “Muna nanao vana ne vasakata pata ro ramu mana bapitemae loborona vitoṉona Jesu Kristo, go ia tina vatalukase go vasakata pata ramu.

Zazu Ria Apostoloro 8:15

Ṉalu iru za dokae Samaria, iri pepene ne qira vano iri vaogoto go, go tarina toṉove go Spirit tabo ne.

Leta Ia Pol I Karo Ne Qira Basoero Na Rom 1:17

Tanego Tarama velaka i vasadake de igogo God i vatotoloṉo napu me qira go basoero ne de ikoego tanuna. Gerena i sine go Buka tabo ne. “Basoe i vatotoloṉo napua go vaogoto ia de ikoe go God, basoe nae tina pala too ogoto.”

Kameka Korinti 9:21

Ivari pada so ṉalu qa zazue go de iri koego vano iriki Jiu go kaega, era qa gere qira vano iriki Jiu go kaega, qaki lulua kaega Tamana. Qa zazu ne iago, go na tavisi ne qira vano iriki Jiu go kaega tarina vaogote Kristo. Patavolomo nae, era qaki vasakate kaega Tamana ia God, tanego era qa lulua Tamana ia Kristo.

Karua Korinti 11:4

Era qa momokolo napu ne qamu, tanego qa mia dego qamu va malumu ne qira ria iri lama e de qamu koego. Qamu vaogote tarama na Jesu ni kakavata nego keqi tarama ne remu, mana qamu toqe ne toṉove na spirit iri pui nego, ni kakavata nego Spirit tabo qamu tonovo ze de qi koe go remu, mana qamu toqe ne Tarama Velaka iri sine vasadake go, patavolomo i kakavata ne ke qi sine vasadake go remu.

Qalesia 3:14

Zuka nae to Kristo i voli qitae go, go basoero iriki Jiu go kaega tarina pala tavise go, pata i pui ne go God tina teke go Abra-am. Mana zuka nae to, ita qata vaogoto go qata mazala pala na Spirit tabo i pui bana ne go God.

Qalesia 3:3

Avigo tane qamu bulaṉoe go! Ramu qamu vatupize too ramu Spirit ia God, do ninidena ramu qamu soko valupo zena karaputa ramu tanuqamu?

Qalesia 3:5

Avigo God iteke ne qamu Spirit ia, mana izazu ne ze pata vari vapoloso de qamu koego, tanego qamu zazu ne pata isoko go tanuna ba, tanego qamu gata so Tarama Velaka mana vaogote so go?

Iburu 2:4

Tanuna God i vakaraputa napua seko dena loborona ro zazu mazala ro mana zazu vari vapoloso go, mana kenakena na sosovolomo i reqe me Spirit tabo de koe basoero i soko go tanuna.

Iburu 4:2

Ita qata gata bana Tarama Velaka ne, gere na ria iri gata bana go. Ria iri gata bana go tarama ne, do tarama nae iki tavisi ne qira kaega, tanego iriki toqe ne kaega vaogoto na ṉalu iri gata go.

Iburu 6:4

Do ava tarina go ria iri tabali kakamu ne Kristo, tarina tabali ule mana manava sakata go? Tanego basoero nae iri ko bana eto tatavata ia God, mana iri pala bana soso i teke qira go God i reqe me rani ne, mana Spirit tabo i lama ko tavisi bana qira go,

Kameka Pita 1:12

Iago, God iva sadaka me ze de iri koego propetaro ne sauna zazu iri zazu nego, iki sauqira so kaega tanuqira, do i sauna to tavisi ne qamu ramu. Mana pataro iri sine bana go ria ne, iato qamu gata qirae go vano iri sine vasadake go tarama velaka de qamu koe go. Ṉalu ria iri tamana ne go Tarama Velaka nae, Spirit tabo iva karaputa qira, ituri ne me God ikoego rani ne, iato pataro dena to aqeloro ne iri soko go nanao rove na.