Qalesia 3:19 - Vato Vari Vakameka Voru Ia Batu Ne

¹⁹ Iago, ava sauna tane Tamana i zari go? God i palu zaqe Tamana dena go mara vasadaka me zazu kebu ro qata zazu ne go ita, go tina za doka go ṉalu Sale ni pui bana ne go God de ikoego Abra-am tina lama go. Tamana dena i reqeme de iri koego aqeloro ne, iri teke nego Mosese valeke ni zazue go vari loborina God mana basoero ne.

Qalesia 3:19 ပူးပေါင်းရင်းမြစ်များ

Luka 16:31

Do Abra-am igo, ‘Ṉalu iriki gata go kaega pataro iri sine go Mosese mana propeta ro, patavolomo ṉalu kaki basoe i za too napu me tepa le ne, ria iriki mazala kaega vaogote na ia.’ ”

Tarama Velaka Ia Jesu Kristo I Karo Go Jon 1:17

God i tekene Tamana ia de ikoego Mosese, do Mana mana seko ogoto i reqe me de ikoego Jesu Kristo.

Tarama Velaka Ia Jesu Kristo I Karo Go Jon 15:22

Ṉalu go tuki lama va pepeu bana qira kaega basoero na kolabana pua, ria tariki mia rove kaega vasakata pata ro ria. Do ninidena kaega ka basoe i mazala go legu va kaega na vasakata pata ia.

Zazu Ria Apostoloro 7:38

Mosese iato i ko tavisi qira basoero na Izirel iri teṉo e ulana ne, i ko tavisi qira me vanovano bana ita, mana aqelo i seko tabe ze ia Kubolo Sinae mana iato i pala mego tarama too ia God i ara teke ne qita go ita.

Zazu Ria Apostoloro 7:53

Ramu to qamu pala go Tarama Velaka ia God, iri teke qamu go ria aqelo ro, do ramu qamuki vaogote so kaega.”

Leta Ia Pol I Karo Ne Qira Basoero Na Rom 2:13

Tanego, gata na so kaega Tamana basoe i totoloṉoe de ikoego God, do ia tina zazu ne mana lulu a go pata ro i sine go Tamana.

Leta Ia Pol I Karo Ne Qira Basoero Na Rom 4:15

Tamana tane i vazari mego muma ia God, ba ṉalu tara kaega go Tamana, basoe tariki vasakate kaega Tamana.

Qalesia 3:16

God i taruze pui ro ia de ikoego Abra-am mana popodo iago. Buka tabo iki sine kaega, “Popodo,” salero igogo, na nanao zego topuna basoe, do igo, “Popodo aro.” Ianae i vatalukasa ze kameka minena so basoe, mana basoe nae to Kristo.

Iburu 2:2

Seko iri soso bana ne go aqelo ro ne de iri koe vano ṉalu bana ro ita, i lama ogoto, ka basoe iki lulua kaega ba ki vaogote kaega tina pala lepulepu ia vatora ze legulegu ia.

Iburu 2:5

God iki taru qirae kaega aqelo ro tarina kenaqa ne kolabana pua voru tinara lama go, iato kolabana pua qata seko nego dena.