Qalesia 3:18 - Vato Vari Vakameka Voru Ia Batu Ne

¹⁸ Avigo luluna tamana tina teke ne qita pataro i pui nego God? Kaega! Ṉalu qata pala ze pataro igogo ne tanego qata lulua Tamana, ianae ne iki reqe me kaega pui ia God go. God i teke ne pataro Abra-am lulua so pata i pui nego.

Qalesia 3:18 ပူးပေါင်းရင်းမြစ်များ

Leta Ia Pol I Karo Ne Qira Basoero Na Rom 8:17

Ita qata salero ia God, iago ita tatana toṉove go pataro i toṉove go God ni soti ne qita go ita basoero ia, go tina vamakaolo qita, mana ita napu tatana soti tavisi ze Kristo pataro ni soti bana go ia. Tanego ṉalu ita qata pala tavise go vokara ro ia Kristo, ita napu tatana tonovo tavise kulakula na rani ne.

Qalesia 2:21

Era qaki kasia kaega mamaligara ia God. Do ṉalu basoe iko totoloṉoe de ikoe God sauna luluna so Tamana, ṉalu igogo nae, le ia Kristo i patavolomo so.

Qalesia 3:10

Basoero iri degere vanadue go Tamana, iri pala tulaṉa loborona too ria. Tanego Buka tabo ne igo, “Ka basoe iki lulua go kaega osina pata i karo banae go buka na Tamana, i pala tulaṉa de ikoego God.”

Qalesia 3:12

Ba tepa ia Tamana ne, iki zazu ne kaega vaogoto, do gerena i sine go Buka tabo ne, “Basoe i lulua go osina pata i sine go Tamana tina za kavele.”

Qalesia 3:16

God i taruze pui ro ia de ikoego Abra-am mana popodo iago. Buka tabo iki sine kaega, “Popodo,” salero igogo, na nanao zego topuna basoe, do igo, “Popodo aro.” Ianae i vatalukasa ze kameka minena so basoe, mana basoe nae to Kristo.

Qalesia 3:26

Loborona to vaogoto ramu de ikoego Jesu Kristo osiqamu qamu salero ia God.

Qalesia 3:29

Ṉalu ramu qamu keia to Kristo, ramu to qamu popodo ro ia Abra-am mana tamuna toṉove pata i pui nego God.