Qalesia 3:17 - Vato Vari Vakameka Voru Ia Batu Ne

¹⁷ Iato dena talupasana pata qa sine go, God i teke Abra-am kameka varitoqe, mana God i pui ne tina zazu vavoto ne go. Taramuzina vasivasa pisaṉaulu ave Tamana iara lama go. Do Tamana nae i makure tina vanoto go varitoqe ia God de ikoego Abra-am.

Qalesia 3:17 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 1:17

God i tekene Tamana ia de ikoego Mosese, do Mana mana seko ogoto i reqe me de ikoego Jesu Kristo.

Zazu Ria Apostoloro 7:6

Iato dena seko ia God dekoe Abra-am, ‘Popodo ria salesalero aro, tarina za koe vudu kakavata, de gogone tarina va seka qira mana vasasakata ne qira go, torana vasivasa ave.

Leta Ia Pol I Karo Ne Qira Basoero Na Rom 3:25

God i valame Kristo go i komakoma ne go sauna le ia, go tina vakuziki ne go vasakata pata, go God tina nanao ule ne go vasakata pata ro ria basoero ne. Loborona vaogoto ria de ikoe go Kristo, God i zazu ne pata dena go mara vasadake totoloṉo ia Tanuna igo. De i lupo bana mego ia iki muma katikili kaega, mana i mia vana ne so vasakata pata ria vano basoero.

Leta Ia Pol I Karo Ne Qira Basoero Na Rom 3:3

Tane do, bana go kakiaro ria iriki lulu kaega seko ia God i teke bana ne qira, lago iki ko vanadue kaega pata ni pui bana ne go ba?

Kameka Korinti 1:12

Iato dena tane pata qa sine go era, go qamu poro vari valegu ne, kakiaro ramu qamu go “Remu qi lulua Pol” kakia iri go, “Remu qi lulua Apolosi,” kakiaro iri go, “Remu qi lulua Pita,” mana kakiaro iri go. “Kaega! Remu qi lulua Kristo.”

Kameka Korinti 1:17

Kristo iki turi vae kaega era tuna lama vari va bapitema do ia i turi nava era tuna tarama ne Tarama Velaka ia, na sine vasadake, do tuniki vazazua kaega tarove ia basoe, go tuna vatatavata velake le i vaego Kristo koluse ne, iki pala vakuziki ne kaega karaputa ro ia.

Kameka Korinti 10:19

Avigo tane talukasana pata qa sine go era sauna pata gege iri tavatavara ne za qe beku, i zari mazalana?

Kameka Korinti 7:29

Vakitaka ro era, iato dena talupasana pata qa sine go, ṉalu iara ko go, iki loda to kaega, mana ninidena valeke ro busi, mara ria ko gere iriki busi go kaega,

Karua Korinti 1:20

Loborona de ikoego Jesu, osina pata i pui nego God i lama voto lupo, iato go qata sine ‘Amen’ loborona vitoṉo na Jesu Kristo.

Karua Korinti 9:6

Nanaotarua ka basoe i leba go kavia paturu, tina toṉove kavia so pata lebaleba, ba iani leba go topuna paturu tina toṉove topuna pata lebaleba.

Qalesia 3:15

Ramu turaquro, ma sine ne qamu kameka va padapada, de igogo vatovato ita vano basoe. Ṉalu kaki karua basoe iru pui ne kaki pata mana vanadua vatovato riru gogo ne, kaega napu kakia riru tinara pero go, ba tarupoka napu ze na kaki pata.

Qalesia 3:21

Iago Tamana ivae pui ro ia God ba? Kaega! Tanego ṉalu tara pala bana mego vano basoe, kameka Tamana, de ikoego God imazala go valame na too ogoto, ṉalu nae ne osina basoe tara ko totoloṉoe de ikoego God, sauna luluna Tamana ia.

Qalesia 5:16

Iago, pata qa sine ne qamu go era, muna vamao ne Spirit tabo go mara kenaqa ne too ramu, go tamuniki lulua go kaega pata ni siko go basoe na vudu pua dena.

Qalesia 5:4

Ramu qamu pada ne vatotoloṉo zena tanuqamu de ikoego God go qamu lulua go Tamana. Iago ramu qamu vakuziki ne ze tanuqamu de ikoego Kristo, mana qamu vanane to Mana ia God.

Epesus 2:12

Ṉalu nae ramu qamu ko kakavatae de ikoego Kristo, mana qamuki basoero ia kaega God, tanego qamu ki basoero tavine ia kaega. Loborona seko na vari toqe ia God, de iri koego basoero tavine ia, ramu qamuki tavine tavise kaega, mana iato nae i lavate go pui ia God, de iri koego basoero ia. Iago loborona ko ramu vudu pua dena ramu qamu ko volomo so, mana i kaega ne qamu ruruqe de ikoego God.

Epesus 4:17

Loborona vitonona Batu ita ne, era qa seko vabanabana qamu ramu, kasi ko gere napu qira vano rodoko tanego nanao ro ria, izaza volomo so.

Kolosia 2:4

Ma sine ne qamu, kasi vamalumu ne na kaki basoe go mara va bulaṉoi qamue e seko poqepoqe ro.

Iburu 11:13

Basoero dena iri vaogote God, gogo i doka ṉalu iri le go, loborona ara too iri vaego iri ara kaebo so pala na pata i pui ne go God, do iri ko valaqalaqa mana iri kula ne zaqe so, mana iri sine vasadake iri go, remu qi basoero na vudu kakavata mana qi basoe zazu so go, iri go.

Iburu 7:18

Iago tamana bana ro ne iri vakuziki ne, tanego i pela mana i patavolomo go.

Kameka Pita 1:20

Tarakenaqana me God iara va zaria go vudu pua, ia i vine bana Kristo go tina vakavele qamu, mana torana dena go tina za mamanava go vudu pua, Kristo i lama bana, i zazu ne go pata dena sau qamu ramu.