Qalesia 3:1 - Vato Vari Vakameka Voru Ia Batu Ne

¹ Ramu vano Qalesia qamu vano bulaṉoe! Akena to i poqe qamu go i toqo vakakavata qamu go na? Ramu qamu gata va velaka bana me pepeu na Jesu Kristo ile go koluse, qi sine bana ne qamu go.

Qalesia 3:1 ပူးပေါင်းရင်းမြစ်များ

Matiu 24:24

Tanego Mesia poqepoqe ro mana propeta poqepoqe ro tarina lama, mana tarina zazu ne topu na zazu mazalaro mana zazu vari vapoloso ro go, go tarina pada ne vosoru qirae basoero tavine ia God i vine bana qira go.

Matiu 7:26

Do basoero iri gere go basoe bulaṉoe, izazu ne ze go pade ia karakoni.

Luka 24:25

Gonae Jesu i sine qiru, “Avana to ka bulaṉoe qaburu, i makuru qaburu vaogoto katikili na osina pataro iri sine go ria propeta ro ne!

Zazu Ria Apostoloro 16:6

Iri go za loborona kolabana Praeqia mana Qalesia, tanego Spirit tabo ne iki vamao ne qira kaega tarina tarama ze Tarama Velaka ne loborona kena Esia.

Zazu Ria Apostoloro 6:7

Mana seko ia God, i zadava mana zaza popoka napu. Topu qira ria disipoloro iri koego Jerusalema iri lete topu ziki, mana topu ria vano Patere ro iri toqe napu ne vaogote na Jesu.

Leta Ia Pol I Karo Ne Qira Basoero Na Rom 10:16

Do iki osiqira kaega iri toqe ne go Tarama Velaka dena. Gerena Isaia i sine ne go, “Batu, ava via ria tane iri vaogote go tarama reremu?”

Leta Ia Pol I Karo Ne Qira Basoero Na Rom 2:8

Ba ria basoero iri soko so zazu ne na pata iri soko go zazu ne na tanuqira mana iriki soko kaega pata velaka do, iri lulua so pata sakata ro, God tina lete muma ne qira mana vakimata qira go.

Leta Ia Pol I Karo Ne Qira Basoero Na Rom 6:17

Iago mata seka velaka ne God, tanego de i lupo bana mego ramu qamu seka ia vasakata pata. Do ramu qamu vaogoto ze puṉuqamu vatovato ogoto qamu pala ze go vari vatatana iri teke bana ne qamu go.

Kameka Korinti 11:26

Talupasana osina ṉalu qamu ge bureri dena mana besia vino ikoego kapu dena ramu qamu va mia qirae kero ne basoero ne, le i vaego Batu ne, go tina doka go ṉalu Batu ne tina lama napu go.

Kameka Korinti 2:2

Tanego torana ko tavisi qa vae qamu go, era qa nanao kasupe ne osina pata, do qa taru ze so nanaoqu de ikoego Jesu Kristo i le go koluse ne.

Karua Korinti 10:5

qi pero vakuziki ne vatovato vazakanapu ro ria basoero i vamidiki qirae go rove na too ia God, qi teke qira nanao velaka ro go tarina vaogote Kristo.

Karua Korinti 11:3

Do qa sareki ne pata i doka bana go Eva niki doka qamu ramu. Dole ne ilete tarove, ia i va soru ze vasakata pata Eva. Iago tina gere napua so, nanaoqamu ramu ṉalu tamuna za riro mana tamuniki nanao vamazale kaega Kristo go.

Qalesia 1:2

Osiqira to ria turaqita lotu iri koego dena iri vakameka nava era, go qimu vagaretua go seko kula, de qamu koego ramu, vano lotu qamu koego kolabana Qalesia.

Qalesia 1:6

Era qalete poloso sasakata, ramu qamu katikili go vananena God, ikoru bana qamue go lulu na Tarama Velaka na Mana ia Kristo.

Qalesia 2:14

Iago ṉalu era qa mia iriki lulua kaega de igogo totoloṉo na zuka na vaogoto na Tarama Velaka, era qa sine ne ze Pita tarakenaqa qira basoero topu. Qa go, “Aro qo valeke Jiu, do qo lulua go vatovato ria vano iriki Jiu go kaega mana ko aro do qoki gere qira kaega vano Jiu. Iago ava tina go tono vatutubo qirae vano iriki Jiu go kaega, go tarina lulua go vatovato ria vano Jiu na?”

Qalesia 3:3

Avigo tane qamu bulaṉoe go! Ramu qamu vatupize too ramu Spirit ia God, do ninidena ramu qamu soko valupo zena karaputa ramu tanuqamu?

Qalesia 4:9

Do ninidena ramu qamu rove to God ogoto, do era mago, God tane irove kenaqa qamu go ramu, do avigo tane qamu taleqe ule go manuru sakata memelaka na ro vudu pua dena, mana avigo tane qamu soko go vele seka napu ne qira go na? Avigo qamu soko tamuna seka ne pata igogo ne?

Qalesia 5:11

Ba tepa rera ne turaquro, ṉalu tara ogoto go era qa tamana ne go va mazalana kosi, avigo tane basoero ne iri vasasakata nava go era? Ṉalu tara ogoto go, ianae vano Jiu tara muma nava kaega era qa tamana ne Kristo i le go koluse ne.

Epesus 3:8

Era to qa lete qoqoro sivala ne qira go basoero ia God. Do God i teke nava mazala, go tuna pala za Tarama Velaka de iri koego vano iriki Jiu go kaega, sauna vavagado na velaka ro ia Kristo, i kaega go ka lupolupona.

Epesus 4:14

Iago, ita mata kasi gere qira salero iri teteṉe ne go za gata na vari vatatana poqepoqero iri gere go pupuakana masi i lama kiuru pero vanaqe go sokoro ne. Iago ita mata kasi lulu qira vano vari vatatana poqepoqe ro, iri soko go vazazao vasakata qitae pata tatakiu ro iri zazu ne go.

Epesus 5:15

Iago, muna miasoka de igogo too ramu. Kasi gere qira vano bulabulaṉoe, do muna ko gere qira vano tarove.

Karua Tesalonika 1:8

tina pala me nako ugulu, go tina vakimata qira basoero iri legulegua go God, mana ria iriki lulua kaega Tarama Velaka ia Jesu Kristo Batu ita go.

Kameka Timoti 6:4

basoero nae puṉuqira i purake vazakanapu mana iriki nanao rove so kaega kaki pata go. Nanao qira i mokoso iato go iri soko so varivalegu ne seko mana talupasana ro go. Pataro nae to i vapuro mego qora, pera, seko sakate na kene basoe, nanao sakata qira basoero go

Iburu 11:8

I sauna to vaogoto ia, Abra-am i lulua koru ia God go tina zae go vudu i pui ne go God. Abra-am i kasi ne vudu ia, mana iki rove kaega adepa tina za koego.

Iburu 5:9

Ṉalu i valupo to osina zazu, God i vazakazaka ia, iato i vari va kevele ogoto, ria iri toqe ne ia tarina pala too i ko sivala go,

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Kameka Pita 4:17

Ṉalu ia God tina varitanae go, i lama to mana basoero tarina koego varitanae kenaqa ia God, ita to basoero ia tanuna. Ṉalu God tina varitanae kenaqa ne qamu go, ava tina goto basoero iriki vaogote go kaega Tarama Velaka ia ne.

Karua Pita 2:18

Iri zazu ne seko vazakanapu mana vari va bulaṉoi. Iri vaqalo qira basoero go mara va zazua nanao sakata, visara na tokama qira, go ia mara vasoru qira basoero iri ara vatupiana ne go vana nena too sakata ro ria ne, iri go.

Revaleson 18:3

Osina basoero na kolabana pua ne iri gere to pata iri bulaṉoe ne go loka sakata ne, tanego iri lulua vatovato sakata ro ia mana iri vagabua iago. Vano iri zazu nego pata volivoli ro ria iri lete vavagado napu ne so zazu vari vagabu ro de ikoego ia.”

Revaleson 2:20

Do kameka so pata qaki soko ze go kaega era de qamu koego. Ramu qamu vamao qole Jezebele tina ko tavisi qamu, i poqe, igo tanuna i propeta ia God. Loborona vari vatatana ia i va soru qira vano zazu era, go iri zazu nego soso vatovato sakata ro ne, mana iri ge patagege iri tavatavara ze go banara poqepoqe ro ne go.