Qalesia 2:9 - Vato Vari Vakameka Voru Ia Batu Ne

⁹ Jemisi, Pita mana Jon to iri mimia gere go vano iri kenaqa ne go lotu, go iri mia rove go God iteke nava go era zazu mazala qa pala go dena, iato go iri sikani qaru raru Banabasi, ilalana raru qaru zazu kamekae go de iri koego. Ianae go remu qimu varitoqe ne raru Banabasi taruna zazue de iri koego vano iriki Jiu go kaega, mana ria tarina zazue de iri koego vano Jiu go.

Qalesia 2:9 ပူးပေါင်းရင်းမြစ်များ

Matiu 16:18

Iago ma sine nigo Saimon ninidena vitoṉomu, Pita mana aro qo bakoso, mana popokona to bakoso nae era tuna va degere ze go zazu na eklesia era, go karaputa ia le ba kaki pata napu tiniki sivala ne kaega eklesia era.

Luka 22:8

Jesu i turi ne qiru Pita mana Jon i vane qiru dena, “Raburu aburuna za mana vanama ne qita pata qeqe na Pasova.”

Tarama Velaka Ia Jesu Kristo I Karo Go Jon 1:42

Gonae i lulu me Saimon de ikoego Jesu. Ṉalu Jesu i reṉa ne Saimon igo dena, “Aro vitoṉomu Saimon sale ia Jon, do vitoṉomu tina Kepas to ninidena.” Vitono dena i gere napua so Pita, talupasana bakoso.

Zazu Ria Apostoloro 12:17

Pita gonae i vizu vanoto qirae karisi na, go tariniki poro seko, mana i sine lupasa ne qira, de igogo Batu ne i vasiporo ze ia loborona bara ne. Mana i sine ne qira, “Va qata qirae Jemisi mana kero ne vano vaogoto sauna pataro dena.” Goto nae i kasi ne qira mana i za napue kaki dia go.

Zazu Ria Apostoloro 15:13

Ṉalu riru iru seko lupo, Jemisi i seko napu me. “Turaquro qatava era,” igo.

Zazu Ria Apostoloro 15:7

Taramuzina iri vari vaevae lupo ne sekoro ria, Pita i degere, mana igo dena. “Onotoquro, ramu qamu rove ṉalu bana me God i vine ava era loboro qamu ramu go tuna tamana ne Tarama Velaka de iri koego vano iriki Jiu go kaega, go ria, do tarina vaogoto napua so go.

Zazu Ria Apostoloro 4:36

Mana kameka valeke i kome tepa ṉugu Saeprus, ipodoe sinaqe ia Livai, vitoṉona Josepo, do apostoloro ne iri vitoṉo ze ia Banabasi talupasana, “Valeke i vavelake nanao ne kene basoe”.

Leta Ia Pol I Karo Ne Qira Basoero Na Rom 1:5

Mana de ikoe go Kristo God i teke nava era mazala go tuna apostolo go mazazu ne vasadakena Kristo, go basoero na vudu pua mara vaogote mana lulua ia.

Leta Ia Pol I Karo Ne Qira Basoero Na Rom 12:3

Tanego pata i teke bana nava go era God, era ma sine ne qamu. Muniki nanao vazaka qamu so tanuqamu. Do muna nanao lulusu qamu tanuqamu mana va lulu ze vaogoto ramu ni teke bana ne qamu go God.

Leta Ia Pol I Karo Ne Qira Basoero Na Rom 15:15

Do loborona leta dena qa soko vakaraputa ne qamu kavia pata lavata ro qa soko muna nanao tarua ramu qa go. Tanego sauna zazu ia God iteke bana nava,

Kameka Korinti 15:10

Do loborona Mana ia God era qa apostolo ia. Manava i teke nava go era iki vana volomo kaega, do i zari urena. Tata mia zaqe go ne, era qa zazu vokara sivala ne qira kerone apostoloro, do iki zazu miki era kaega tanuqu do Mana ia God i zazu tavisi ava.

Karua Korinti 11:5

Era nanaoqu ne, qaki koe kaega pola qira basoero mazamazala ro qamu vitoṉo qirae go “apostoloro” ramu!

Karua Korinti 12:11

Era qa gere sekoseko na basoe bulaṉoe, do ianae i kebu ra ramu. Ramu to tamu vasadake go zazu velaka ro qa zazu nego era. Iago ṉalu era qa patavolomo, era qaki koe kaega pola qira vano tavine qamu koru qira e go “apostoloro”!

Karua Korinti 8:4

Iri pene qemu remu, iri lete soko tarina tavisi ne basobasoero ia God iri koego tepa Judia.

Qalesia 1:16

i vasadaka nava Sale ia, go era tuna tarama ne go Tarama Velaka ia de iri koego vano iriki Jiu go kaega. Zazu era dena qaki taqi ze kaega kaki basoe go tina vatatanava go,

Qalesia 1:18

Taramuzina kapisa ave, qa ule za Jerusalema qa za seko tabe Pita, mana torana karua vuiki qa kotavise iago.

Qalesia 2:1

I sivala to manoga kavasi ave, qa lulua Banabasi qaru ule napu za Jerusalema mana qa pala napua Taetusi ilulu napu nava.

Qalesia 2:2

Era qa zae de gogo ne, tanego God i vasadaka nava tuna za, mana qa vapepeu vamiki qira vano iri kenaqa ne go lotu mana qa sine vavelaka ne qira sauna Tarama Velaka qa tamana qirae go vano iriki Jiu go kaega. Tanego qa nanao iri niki vanoto, pata qa zazu bana ne, mana pata tunara zazu ne go.

Qalesia 6:3

Ṉalu kaki basoe i nanao tanuna so i mazala igogo ne, i poqe so tanuna.

Epesus 2:20

Ramu napu to go, qamu gere go pade izazu ne go God, mana ria to apostoloro mana propetaro ne to iri kutamana go. Tanuna to Kristo i turu maqana go pade ne.

Epesus 3:8

Era to qa lete qoqoro sivala ne qira go basoero ia God. Do God i teke nava mazala, go tuna pala za Tarama Velaka de iri koego vano iriki Jiu go kaega, sauna vavagado na velaka ro ia Kristo, i kaega go ka lupolupona.

Kolosia 1:29

Go tina zazu go pata dena, era qa lete zazu vokara, qa va zazua karaputa lavata i sosovolomo nego Kristo, mana iato i zazu ego de qa koego era.

Kameka Timoti 3:15

Do ṉalu qaki garetu katikili kaega, qamu mazala toere na leta dena de go too velaka na ko tatamana ia God. Iato nae eklesia ia God i too osina ṉalu. Mana eklesia nae i pala taru vanadua seko ogoto, go kaega kakia tina vasakate go.

Kameka Jon 1:3

Pata qimu mia mana gata gogo ne qimu sine napu ne qamu so ramu, iago ramu muna ko kamekae de qimu koe remu loborona varikitaki qimu pala ze go God Tamaqita, mana de ikoego sale ia Jesu Kristo.

Revaleson 3:12

Basoe i karaputa nego varitara nae, era tuna vagere ze ia kameka turu maqa i degere go vari loborina Pade Lotu ia God era, mana tina ko taru osina ṉalu. Turu nae ne, tuna karo ze vitoṉo voru qu tanuqu, vitoṉo na God era mana vitoṉona komala lavata ia God, iato Jerusalema voru, tina za vaqoqoro me ze rani ne God era.