Qalesia 2:7 - Vato Vari Vakameka Voru Ia Batu Ne

⁷ Ria iri mia rove bana so God iteke nava go era, zazu go tuna tarama ne qira go vano iriki Jiu go kaega Tarama Velaka, gerena so iteke bana ne go Pita zazu go ia tina tamana qirae go vano Jiu Tarama Velaka.

Qalesia 2:7 ပူးပေါင်းရင်းမြစ်များ

Zazu Ria Apostoloro 15:12

Osiqira iri duduli lupo, mana iri gata Pol mana Banabasi iru sine vasadake go osina pata vavagazama mana vari vapoloso ro i zazu ne go God de iri koego basoero iriki Jiu go kaega.

Zazu Ria Apostoloro 18:6

Ṉalu basoero ne iriki gata kaega tamana ro ia, mana iri sine seko sakata ro de ikoego ia, Pol i seko vamoqere de iri koego, i tavore lodu ikoego roku ia mana i sine ne qira, “Ṉalu ramu tamuna zaza kakavata e de ikoego God, ikoe to riqo ramu tanuqamu, iki riqo era kaega. Ninidena era tuna kasi ne qamu mana tuna zae de iri koego vano iriki Jiu go kaega.”

Zazu Ria Apostoloro 28:28

Mana Pol i sine valupolupo ne qira, “Era ma sine ne qamu go tamuna rove Tarama Velaka ia God sauna vari vakavele i valama bana ze de iri koego vano iriki Jiu go kaega, ria tarina gata rove ṉalu iri gata go seko dena.”

Zazu Ria Apostoloro 9:15

Do Batu ne i sine ne ia, “Ono za aro, tanego era qa vine, ia tina basoe zazu era, mana ia tina varove qira basoero iriki Jiu go kaega mana batu lavataro mana vano na Izirel sauna vitoṉoqu era.

Leta Ia Pol I Karo Ne Qira Basoero Na Rom 1:5

Mana de ikoe go Kristo God i teke nava era mazala go tuna apostolo go mazazu ne vasadakena Kristo, go basoero na vudu pua mara vaogote mana lulua ia.

Leta Ia Pol I Karo Ne Qira Basoero Na Rom 11:13

Era qa seko atu ninidena de qamu koe go ramu vano qamu ki Jiu go kaega. Era qa lete vazaka ze God zazu era qa zazu ne go, tanego era to qa tavine ne go tuna apostolo ne qamu ramu vano qamu ki Jiu go kaega.

Kameka Korinti 9:17

Do ṉalu tanuqu tu vine go zazu dena, era tuna pala voli qu, do era qaki vine kaega na pala voli. Qa toqe ne zazu dena, tanego qa zazu neso pata i sine nava God na zazu ne go.

Qalesia 1:16

i vasadaka nava Sale ia, go era tuna tarama ne go Tarama Velaka ia de iri koego vano iriki Jiu go kaega. Zazu era dena qaki taqi ze kaega kaki basoe go tina vatatanava go,

Qalesia 1:18

Taramuzina kapisa ave, qa ule za Jerusalema qa za seko tabe Pita, mana torana karua vuiki qa kotavise iago.

Qalesia 1:6

Era qalete poloso sasakata, ramu qamu katikili go vananena God, ikoru bana qamue go lulu na Tarama Velaka na Mana ia Kristo.

Qalesia 2:11

Do ṉalu Pita ilamae Antiok, era qa lete seko lavate ia tarakenaqa qira vano lotu, tanego pata izazu ne go iki totoloṉo kaega.

Qalesia 2:14

Iago ṉalu era qa mia iriki lulua kaega de igogo totoloṉo na zuka na vaogoto na Tarama Velaka, era qa sine ne ze Pita tarakenaqa qira basoero topu. Qa go, “Aro qo valeke Jiu, do qo lulua go vatovato ria vano iriki Jiu go kaega mana ko aro do qoki gere qira kaega vano Jiu. Iago ava tina go tono vatutubo qirae vano iriki Jiu go kaega, go tarina lulua go vatovato ria vano Jiu na?”

Qalesia 2:9

Jemisi, Pita mana Jon to iri mimia gere go vano iri kenaqa ne go lotu, go iri mia rove go God iteke nava go era zazu mazala qa pala go dena, iato go iri sikani qaru raru Banabasi, ilalana raru qaru zazu kamekae go de iri koego. Ianae go remu qimu varitoqe ne raru Banabasi taruna zazue de iri koego vano iriki Jiu go kaega, mana ria tarina zazue de iri koego vano Jiu go.

Kameka Tesalonika 2:4

Kaega! Remu osina ṉalu qimu seko ne so pata i soko go God timuna sine go, tanego ia i mia vatora qemue remu timuna seko ne go Tarama Velaka dena. Remu qimuki soko kaega vakula na basoe, do qi soko vakula na God ia i mia mego pata ikoego loborona puṉu qemu.

Kameka Timoti 1:11

Varivatatana ogoto i koe Tarama Velaka ne, i teke nava go era God go tuna sine vatatavata go evaqelio dena, iato i tarama velaka sivala mana i karaputa mazala go, i reqe me de ikoego God i lete totoloṉo sivala go.

Kameka Timoti 2:7

iato go God i vine ava era tuna apostolo ia, mana tuna sine vasadaka Tarama Velaka ia de iri koego vano iriki Jiu go kaega, mana vatatana qira e vaogoto ni ogoto go. Era qa sine pata ogoto, qaki poqe kaega.

Karua Timoti 1:11

God i vine ava era tuna kaki apostolo mana basoe vari vatatana iago, go tuna sine vasadake Tarama Velaka ne.

Karua Pita 3:15

Muna mia de igogo God, ia i losi so, mana i teke ne qamu ṉalu. Ia to go iki lama katikili ne kaega. Iago, ramu muna mia pata dena, i ṉalu raramu to go tina vakavele qamu go. Gerena God i teke ne nanao velaka Pol, go i karo bana ne qamu go.