Qalesia 2:4 - Vato Vari Vakameka Voru Ia Batu Ne

⁴ Do kakia ria basoero so iri poqe mana iri go iri vano lotu mana iri keba siko me deqi koego remu, tanego iri soko go mara kosia ia iri go, do basoero dena iri vano lama mimia siko so, de igogo ko talukasa reremu mana vari vakameka remu de ikoego Jesu Kristo. Iri soko mara vaseka qemue remu tamana ro ria.

Qalesia 2:4 ပူးပေါင်းရင်းမြစ်များ

Luka 5:38

Do vino voru ne tina zele zaqe so pata tarutaru vino voru ne!

Zazu Ria Apostoloro 15:1

Kavia basoero na Judia iri lamae Antiok iri vatupia vatatana qira vano kristiano, iri go, “Ṉalu ramu qamuki kosi go kaega gerena i sine go Tamana ia Mosese, God tiniki vakavele qamu kaega.”

Zazu Ria Apostoloro 15:24

Remu qimu gata bana kakiaro basoe iri reqe de qimu koego iri vamakuru qamu mana vamaqata qamue ramu sauna pata iri sine go. Do de qimu koego remu iriki pala ze kaega kaki tamana igogo, go tarina zazu ne go vatovato nae.

Zazu Ria Apostoloro 20:30

Tina lama doka ṉalu kakiaro basoero qamu kameka zazu go, tarina sine seko poqe ro, mana kakiaro basoero iri vaogoto go tarina zaza kakavata napu.

Leta Ia Pol I Karo Ne Qira Basoero Na Rom 8:15

Tanego Spirit ia God i teke ne qamu go, iki zazu ne kaega go tina vaseka qamu ramu, mana vasareki qamu go. Do Spirit tabo i varove qamue qamu salero ia God, mana karaputa na Spirit tabo qata koru ze go God, “Mamae! Tamaqemu!”

Karua Korinti 11:13

Basoero dena iriki apostolo ogoto kaega, iri apostolo poqepoqe so, iri poqe ne zazu ro ria mana iri va mimia vagere qirae tanuqira iri apostolo ogoto ia Kristo.

Karua Korinti 11:17

Pata ogoto pata qa sine go era ninidena, Batu ne iki soko kaega tuna sine go, do loborona vazakanapu dena era qa gere sekoseko na basoe bulaṉoe.

Karua Korinti 11:20

Ramu qamu kula ne qira so, patavolomo iri vazazu volomo qamu, ba zazu tatakiu ne qamu, ba vaqalo qamu, ba mia vaqoqoro qamu, ba iri lakape tarakenaqa qamu.

Karua Korinti 11:26

Topu na ṉalu zaza ro era, qa ko makuru ne kiale, mana vano sikosiko go, qa soba ze makuru de iri koego vanovano era vano Jiu, mana vano iriki Jiu go kaega go, qa soba ze makuru ro komala lavata ro mana sasaniqa go, mana de iri koego ria vakitaka poqepoqe ro era go.

Karua Korinti 3:17

Takoboro dena ne, vitoṉo ‘Batu’ ne i spirit ia God, mana de ikoego Spirit i Batu go, i koe vari vatalukasa.

Qalesia 1:7

Do pata ogotona ne, ikaega napu kaki Tarama Velaka, tanego kakiaro basoe iri lama vasakate nanao qamu mana pada ne itane na Tarama Velaka ia Kristo. Igo nae ia tanego qa sine ne qamu go.

Qalesia 4:25

Ega i talukasana kubolo Sinae ikoego vudu Arabia, do i dudulena napu so komala lavata Jerusalema iko seka go ninidena. Tanego osina basoero iri ko seka taru so.

Qalesia 4:3

Gerena napu so ita, torana qatara kaebo go rove na God ita qata ko seka ne so osina pata na ro vudu pua dena.

Qalesia 5:1

Kristo i lukasa qita ita, go qata ko talukasa go. Iago degere vanadu gere qira basoero iri ko talukasa, mana kasi vamao nena kaki basoe go mara vaseka napu qamu.

Qalesia 5:10

Ba era qa ruqe qamu ramu. Loborona too ba va kameka ita de ikoego Batu ne, qa vaogote ramu tamuna lulua so nanao qu era. Patavolomo basoe ivaqoqore go nanao qamu, do God tinara vakimate ia.

Karua Timoti 3:6

Kakiaro valeke ro iri kebae pade ro mana iri poqe qira qolero, iki nadu go kaega vaogoto ria, mana iri ara agava ne so vasakata pataro iri zazu bana nego. Qolero iri lulua go seko sakataro ne,

Jemisi 1:25

Do basoe i vanoto zaqe nanao na tamana totoloṉo ni lukasa qira go basoero ne, mana iki gata vanane kaega, do ilulua. Basoe nae tina pala makaolo de ikoe go God osina pataro izazu ne go.

Kameka Pita 2:16

Ramu muna ko gere qira vano iri ko talukasa, do ko talukasa ramu muniki nanao go tamuna zazu nego pata sakata, kaega! Muna ko gerena basoe zazu ro ia God.

Karua Pita 2:19

Vano vari vatatana poqepoqe dena iri pui ne qira basoero ne ko talukasa, do tanuqira iriki ko talukasa kaega, iri ko seka eso too ni vasakata qira go. Tanego basoe i vakenaqa ze go too ia kaki pata, iato nae i seka nego osina ṉalu.

Kameka Jon 4:1

Ramu turaquro kasi vaogoto qira basoero iri go, iri toṉove Spirit tabo. Do muna pada mana mia va velake ṉalu go Spirit iri toṉove go ireqe ogoto me de ikoe God. Tanego topu propeta poqepoqe iri zaza goe to osina dia.

Judi 1:4

Tanego kakiaro basoero iri keba siko me de qata koe go ita vano lotu mana ria dena iriki soko kaega osaka ne na God mana iri itane Mana ia God valulu ze vatovato sakata ro mana iriki toqe ne kaega Jesu Kristo qata va Batua go ita. Do Buka tabo ne i sine bana meso ia tane kimata tina pala qira basoero dena.