Qalesia 2:20 - Vato Vari Vakameka Voru Ia Batu Ne

²⁰ Iago iki too era kaega tanuqu go qa too go dena, do Kristo i too e go loboroqu, mana iteke nava too iago.

Qalesia 2:20 ပူးပေါင်းရင်းမြစ်များ

Matiu 20:28

gere na era Tuna basoe qaki lama ne kaega go basoero tarina zazu nava, do qa lama go tuna basoe zazu ria basoero ne, mana teke too era go tuna voli vaule qirae sauna vasakata pata ro ria.”

Matiu 4:3

Gonae Satana i lama pada ne Jesu, i sine ne, “Ṉalu aro qo Tuna God, mo sine ne qira i pakaro dena mara kavala go mara bureri.”

Tarama Velaka Ia Jesu Kristo I Karo Go Jon 1:49

Natanel i vataule, “Valeke vari vatatana, aro qo Tuna God! Aro to qo Batu lavata na Izirel.”

Tarama Velaka Ia Jesu Kristo I Karo Go Jon 10:11

Era to qa valeke miasoka sipi velaka, mana qa mao tuna le ne qira sipi ro era go.

Tarama Velaka Ia Jesu Kristo I Karo Go Jon 15:13

Ka basoe i le ne sauqira vakitaka ro ia, i vasadake basoe nae to i ko nego mamaligara ilete lavata sivala, i sivala ne qira kero ne basoero ne.

Tarama Velaka Ia Jesu Kristo I Karo Go Jon 17:21

Mamae, qa peni go, go osiqira basoero iri vaogoto ava go era, tarina kameka, gere na ituru qaturu kameka go. Qa peni go, go basoero dena tarina kamekae de qaturu koego, go basoero na kolabana pua dena tarina vaogote, aro qo turi nava era.

Tarama Velaka Ia Jesu Kristo I Karo Go Jon 3:16

God i lete mamaligara ne qira basoero na vudu pua dena, iato go i turi valame ava go era kameka Tuna, go ka basoe i vaogoto ava go era tiniki le go kaega, do tina toṉove too iki rove kaega lupo.

Tarama Velaka Ia Jesu Kristo I Karo Go Jon 3:35

Tamana i mamaligara ne Tuna, iago i teke ne ia karaputa de ikoego osina pataro.

Tarama Velaka Ia Jesu Kristo I Karo Go Jon 6:57

Mamae ni soso ne go too iki rove go kaega lupo, ia to i turi nava go era, mana era qa pala too tanego iato iteke nava go. I gere na napua so, ṉalu ka basoe i ge go tokamaqu era ne, ia tina pala too iki rove go kaega lupo, tanego era tuna teke ne ia.

Tarama Velaka Ia Jesu Kristo I Karo Go Jon 6:69

Remu qi vaogote mana qi rove aro to qo tabo qo reqe mego de ikoego God.”

Zazu Ria Apostoloro 8:36

Loborona zaza iru vaego zuka ne, iru lama dokae de i koe kaki besi, valeke na Itiopi i sine ne Pilipi, “Besi to dena. Avana tane tinara va makuru ava go era go tuniki bapitema go kaega?” [

Zazu Ria Apostoloro 9:20

Iza totoloṉe so Pade Lotu ria vano Jiu, mana i tamana ne, Jesu i Tuna ogoto to God.

Leta Ia Pol I Karo Ne Qira Basoero Na Rom 1:17

Tanego Tarama velaka i vasadake de igogo God i vatotoloṉo napu me qira go basoero ne de ikoego tanuna. Gerena i sine go Buka tabo ne. “Basoe i vatotoloṉo napua go vaogoto ia de ikoe go God, basoe nae tina pala too ogoto.”

Leta Ia Pol I Karo Ne Qira Basoero Na Rom 14:7

Kaega kakia i mazala go too ne go too ia tanuna, mana kaega kakia i mazala go ile ne le ia tanuna go.

Leta Ia Pol I Karo Ne Qira Basoero Na Rom 3:22

God i vatotoloṉo napu me qira basoero de ikoego tanuna. Ia i zazu ne pata dena de iri koe go basoero iri vaogote go Kristo, tanego vano Jiu mana vano iriki Jiu go kaega iri vari pada ne qira so.

Leta Ia Pol I Karo Ne Qira Basoero Na Rom 4:25

Ria iri vae vale ia, ia i le ne sauna vasakata pata ita mana i too napu me tepa le ne, go ia tina vatotoloṉo qita ita de i koe go God.

Leta Ia Pol I Karo Ne Qira Basoero Na Rom 5:2

Loborona vaogoto Kristo i varove qitae ita Mana ia God i teke volomo ne qita go qata too e go manava nae ninidena. Ita qata kula ne ruruqe ia tatana pala tavise go karaputa ia God kene ṉalu.

Leta Ia Pol I Karo Ne Qira Basoero Na Rom 5:6

I lama doka to ṉalu i vine bana me God, Kristo i le ne sau qira vano iri vasakata pata go. Tanego sauna vasakata pata ria ni makuru qira go vakavele qira go tanuqira.

Leta Ia Pol I Karo Ne Qira Basoero Na Rom 5:8

Do God i vasadaka ne qita lavata na mamaligara ia de qata koe go ita; ṉalu ita qatara vasakata pata go Kristo i le ne sauqita ita.

Leta Ia Pol I Karo Ne Qira Basoero Na Rom 6:13

Mana kasi ara va malumu nena kaki takoborona tokama qamu go tamuna lulua go vatovato sakata. Do muna teke lupo ne God too ramu, mana gere qira basoero iri le bana, go God i vatoo napu qira go. Muna teke lupo ze too ramu de i koe ia, go ia mara vazazu qamue ramu too totoloṉo.

Leta Ia Pol I Karo Ne Qira Basoero Na Rom 6:8

Pasi ita qata le palua Kristo, ita qata vaogote tatana too palua ia.

Leta Ia Pol I Karo Ne Qira Basoero Na Rom 8:10

Pata ogoto tokama tina le, tanego sauna vasakata pata. Do ṉalu Kristo i too e loboro qamu, madau qamu tina too e Spirit tabo, tanego God i vatotoloṉo bana qamue de ikoego tanuna.

Leta Ia Pol I Karo Ne Qira Basoero Na Rom 8:37

Do ita mata kasi pela nena pataro dena. Kristo i mamaligara ne qita go qata karaputa ne go pataro dena osina ṉalu.

Kameka Korinti 6:17

Do basoe i va kameka ne tanuna de ikoego Batu ne, iva kameka ze too ia.

Karua Korinti 1:24

Remu qiki soko ne kaega vele batu ne na vaogoto ra ramu, qi rove ramu qamu degere vanadue vaogoto ramu, ba remu qi zazu tavisi ne qamu so sauna kulakula ramu.

Karua Korinti 10:3

Iogoto ita qata koe vudu pua dena, do ita pua dena.

Karua Korinti 11:10

Seko ogoto ia Kristo i koe de qa koego era, ma sine vasadake, kaega kaki basoe na Akaia tina va mamanava ve era seko vazaka napu ro dena.

Karua Korinti 13:3

Ramu qamu soko miana ogotona Kristo i vazuka ze deqa koego era. Ṉalu i zazue de qamu koego ramu ia iki pela kaega, ba ia ne i vasadake karaputa ia loboro qamu ramu.

Karua Korinti 13:5

Muna pada ne tanuqamu mana toere too ramu, go tamuna rove qamu vano vaogoto. Kadigo qamu rove Jesu Kristo ikoe loboro qamu? Ṉalu go qamuki rove go kaega ogoto sivala ramu ramu qamuki moqere to kaega varivose dena.

Karua Korinti 5:14

Remu i kenaqa ne qemu mamaligara ia Kristo, mana ninidena qi mia rove to, kameka so basoe i le nego basoero topu, iadena talupasana, qata pala tavise le ia.

Karua Korinti 5:15

I le ne osiqita, go ria iri too go tariniki too ne kaega tanuqira, do sauna so ia ni le mana itoo napu nego sauqira ria ne.

Karua Korinti 5:7

Tanego too ita i nadu eso vaogoto, mana iki nadue kaega pataro qata mia go.

Qalesia 1:4

Kristo iteke ne tanuna tina le ne sauna vasakata pata ro ita, go ita mata talukase too sakata na pua dena. Loborona vatovato dena to i lulua go soko ia God Tamaqita.

Qalesia 2:16

Do remu qi rove basoe iko totoloṉe de ikoe God, ṉalu i vaogote go Jesu Kristo, do iki reqeme kaega sauna luluna Tamana. Iago, remu vano Jiu do qimu vaogoto napua so Jesu Kristo, go ia God tina vatotoloṉo qemue deikoego Jesu Kristo, do iki sauna kaega luluna so pataro ni sine go Tamana. Tanego, kaega kaki basoe ni totoloṉoe go de ikoego God, ṉalu i lulua go so pataro ni sine go Tamana.

Qalesia 3:11

Iago i tatavata velaka me. Kaega ka basoe tina totoloṉe de ikoego God ṉalu i lulua go so Tamana, tanego Buka tabo ne igo, “Basoe i taruze so vaogoto ia de ikoego God tina kavele go.”

Qalesia 5:24

Vano iri ke iago Jesu Kristo, iri vae vale bana to ria too na vudu pua dena ni soko go zazu ne na osina pata sakata ro ne.

Qalesia 6:14

Do de qa koego era ne, tuna vazakanapu ne koluse ia Batu ita Jesu Kristo. Tanego pata izazu ne go Kristo ṉalu ile go koluse ne, i sauna to vatovato na vudu pua dena i le bana ne to nanaoqu era mana era qa le palu bana to Kristo. Iago, ma kasi luluna vatovato ia vudu pua dena.

Epesus 3:17

Mana qa pene Kristo mara vakomale puṉu qamu loborona vaogoto ramu de ikoego, mana mara vasadaka me mamaligara ramu de iri koego osina basoero ne.

Epesus 5:2

Mamaligara to mara kenaqa ne go too ramu, gerena Kristo i mamaligara ne qita, mana iteke ne qita too, gerena kameka sosovolomo i nonoli meno, mana God ikula ne komakoma nae.

Epesus 5:25

Ramu valekero busi, muna mamaligara ne qira qolero ramu, gerena Kristo i mamaligara nego eklesia ne. Iato go i vamao go vae vale na tanuna go tina tavisi ne eklesia ne,

Pilipae 1:21

Avana tane i talupase go, qata too go? De qakoe go era ne, Kristo i too era, go ṉalu tuna le, tuna pala topu na pata ni velaka sivala.

Pilipae 4:13

I konava karaputa go tuna vatabali zego osina too ro dena, loborona moqere iteke nava go Kristo.

Kolosia 1:27

Nanao ia God isoko tina va vatatavata me pata i pika ne qira go basoero ia. Vavagado mana mazala i pika go dena i soko teke ne qira basoero topu. Iato dena pata i pika go, Kristo i koe loboro qamu, talupasana igo de, ramu qamu mazala to pala tavise na menomeno mana karaputa ia God.

Kameka Tesalonika 1:10

Mana de go ramu qamu piri ne go lama napu na sale ia tina reqe mego rani ne. God i vatoo napu mego ia tepa le ne, mana Jesu to tina vakavele qitae go ita muna mana varitanae ia God kene ṉalu.

Kameka Tesalonika 5:10

Jesu i le ne sau qita ita, go tatana kotavise ia ṉalu tina za ule me, patavolomo qatara too ba qata le bana.

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Iburu 8:3

Osiqira batu Patere ro i vine qira tarina zazu komakoma mana teke sosovolomo ria de ikoego God. Iago batu Patere ita tina zazu napu ne so sosovolomo ia de ikoego God.

Kameka Pita 1:8

Ramu qamuki mia kaega Kristo, do qamu mamaligara ne, mana patavolomo ninidena, qamuki mia kaega, do qamu vaogote ia, mana qamu lete kula ne go. Kula ramu i lete lavata sivala i makuru qita kade tatana sine vane go.

Kameka Jon 1:7

Do ṉalu ita qata koe tatavata gerena God ikoe tatavata, nae ita qata varikitaki napu to tanuqita, mana parasana Jesu Tuna God iva dalo lupo osina vasakata pataro ita.

Kameka Jon 4:14

Remu qimu mia bana Sale ia mana qimu sine bana ne qira basoero ne sauna God Tamaqita ivalame go sale ia, go tina vakavele go basoero na vudu pua.

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.

Revaleson 1:5

Bule mana Mana dena i reqe napu meso Jesu Kristo i basoe totoloṉo i tarama ne go seko ia God, mana iato i too kenaqa me tepa le ne. Mana ia napu to i kone go karaputa i sivala ne qira go vano batu lavata na ro vudu pua dena. Jesu Kristo i lete mamaligara ne qita mana ile ne sauna vatalukasana vasakata pata ro ita.

Revaleson 3:20

Muna gata! Era qa degere tarakenaqana siporaṉa ne mana qa tetedeke, ṉalu ka basoe i gata go seko ro era, mana i paqapaqa siporaṉa ia gogo ne, era tuna kebae loborona pade ia mana ṉaṉa tavise iago.