Qalesia 2:1 - Vato Vari Vakameka Voru Ia Batu Ne

¹ I sivala to manoga kavasi ave, qa lulua Banabasi qaru ule napu za Jerusalema mana qa pala napua Taetusi ilulu napu nava.

Qalesia 2:1 ပူးပေါင်းရင်းမြစ်များ

Zazu Ria Apostoloro 11:25

Taramuzina nae Banabasi izae Tarsus iza taqia Sol.

Zazu Ria Apostoloro 11:30

Gonae iri qoqone kesa, mana iri vapala qirue Banabasi mana Sol mana iru za teke ne qira to kazigarata na ro lotu iri koego Jerusalema.

Zazu Ria Apostoloro 12:25

Banabasi mana Sol iru valupo to zazu riru mana iru ule za Jerusalema, iru lulua Jon Maka go.

Zazu Ria Apostoloro 13:2

Ṉalu iri vazaka God mana iri qaniqani go, Spirit tabo ne i sine ne qira, “Muna taru vakakavata qiru Banabasi mana Sol, go tiruna zazu nego zazu qa koru qirue go era.”

Zazu Ria Apostoloro 13:50

Do vano batu batu ria vano Jiu iri vagatagata seko qira vano kenakena na ro komala lavata dena, mana qolero mazamazala ro iri vazaka go God, go mara ria vasasakata ne qiru Pol mana Banabasi mana kakale vakuziki qirue kena ria iri go.

Zazu Ria Apostoloro 14:12

Iri vitoṉo ze Banabasi, Zeu, mana iri vitoṉo ze Pol, Emesi, tanego iato i valeke sekoseko go.

Zazu Ria Apostoloro 15:25

Iato go remu qimu pepeu mana toqe ne karua basoe qiturine zatue de qamu koe go ramu. Mana riru tiruna lulu zatu karua vakitaka velaka remu, Pol mana Banabasi.

Kameka Korinti 9:6

Ba, raru Banabasi so taruna zazu tanuquru go taruna paia pata i tora go taruna too ne?”

Karua Korinti 2:13

Do era qa lete maqata tanego qaki soba kaega vakitaka ita Taetusi, iago qava tarutaru qira basoero na Troas mana qa za napue Masedonia.

Karua Korinti 8:16

Remu qi seko velaka ne God, i teke go Taetusi nanao go i soko go tavisi ne qamu, gerena so remu qi soko go tavisi ne qamu.

Karua Korinti 8:23

Do Taetus ne, muna nanao tarua i varuaqu era, qaru kameka zazu sauna tavisi ne qamu ramu. Karua basoe iru lulu zatu go Taetus ne, iru degere ne sauqira basoero lotu mana zazu riru iru vazakazaka Kristo.

Qalesia 1:18

Taramuzina kapisa ave, qa ule za Jerusalema qa za seko tabe Pita, mana torana karua vuiki qa kotavise iago.

Qalesia 2:13

Mana kero ne vano Jiu iri vaogoto go iri koego komala dena, iri lulu napua so de igogo Pita. Iago Banabasi do ilulu napua so de igogo kebu riria dena.

Qalesia 2:3

Aria Taetusi i lulu ava go, i valeke Qrik, do vano iri kenaqa ne go lotu iriki vatutubo ze kaega kosi.

Qalesia 2:9

Jemisi, Pita mana Jon to iri mimia gere go vano iri kenaqa ne go lotu, go iri mia rove go God iteke nava go era zazu mazala qa pala go dena, iato go iri sikani qaru raru Banabasi, ilalana raru qaru zazu kamekae go de iri koego. Ianae go remu qimu varitoqe ne raru Banabasi taruna zazue de iri koego vano iriki Jiu go kaega, mana ria tarina zazue de iri koego vano Jiu go.

Kolosia 4:10

Aristakus qaru koego bara ne, iva garetua seko kula ia mana gere napua so Maka iru tamakena kavakava go Banabasi, remu qi va rove bana qamu e de go vagado velaka na basoe, iago vagere napu ze so de koe Maka ṉalu igo atu go nae.

Taetusi 1:4

Qa karo nigo aro Taetusi, loborona vaogoto ituru qa va gere goe sale ogoto era. Go God Tamana mana Jesu Kristo vari vakavele ita mana teke nigo Mana mana ko bulebule iago.