Qalesia 1:7 - Vato Vari Vakameka Voru Ia Batu Ne

⁷ Do pata ogotona ne, ikaega napu kaki Tarama Velaka, tanego kakiaro basoe iri lama vasakate nanao qamu mana pada ne itane na Tarama Velaka ia Kristo. Igo nae ia tanego qa sine ne qamu go.

Qalesia 1:7 ပူးပေါင်းရင်းမြစ်များ

Matiu 24:24

Tanego Mesia poqepoqe ro mana propeta poqepoqe ro tarina lama, mana tarina zazu ne topu na zazu mazalaro mana zazu vari vapoloso ro go, go tarina pada ne vosoru qirae basoero tavine ia God i vine bana qira go.

Zazu Ria Apostoloro 13:10

mana igo dena, “Aro qo sale ia manuru! Aro to qo kana ne go osina pata velaka ro ne. Puṉumu i purake osina pata tatakiu sakata, mana osina ṉalu qo pada ne vapoqe na seko ogoto ia Batu ne.

Zazu Ria Apostoloro 15:24

Remu qimu gata bana kakiaro basoe iri reqe de qimu koego iri vamakuru qamu mana vamaqata qamue ramu sauna pata iri sine go. Do de qimu koego remu iriki pala ze kaega kaki tamana igogo, go tarina zazu ne go vatovato nae.

Zazu Ria Apostoloro 20:30

Tina lama doka ṉalu kakiaro basoero qamu kameka zazu go, tarina sine seko poqe ro, mana kakiaro basoero iri vaogoto go tarina zaza kakavata napu.

Karua Korinti 11:13

Basoero dena iriki apostolo ogoto kaega, iri apostolo poqepoqe so, iri poqe ne zazu ro ria mana iri va mimia vagere qirae tanuqira iri apostolo ogoto ia Kristo.

Karua Korinti 2:17

Remu qiki gere qira kaega kerone basoero iri lete tarove ne zazu dena. Iri tarama ne Tarama Velaka ne, gere so kaki pata iri mazala soba ze vavagado, go tarina too ne. Do remu qi lete vaogote mana nanao vamazale zazu ro remu, qi tarama ne Tarama Velaka ia, gerena so de i soko go God, qi sine vasadake seko ia tanego qi vano zazu ia Kristo.

Karua Korinti 4:2

Qimu vana lupo ne pata pipika remu, too ba vatovato i mazala go vamaqate na basoe, qiki zazu tatakiu kaega ba itana vasakatena seko ia God. Loborona tatavata ogoto remu i koe de ikoego God, mana qi padane vasadakena vatovato velaka mana too totoloṉo, de iri koego basoero i velaka go vatovato mana too ria go.

Qalesia 1:6

Era qalete poloso sasakata, ramu qamu katikili go vananena God, ikoru bana qamue go lulu na Tarama Velaka na Mana ia Kristo.

Qalesia 2:4

Do kakia ria basoero so iri poqe mana iri go iri vano lotu mana iri keba siko me deqi koego remu, tanego iri soko go mara kosia ia iri go, do basoero dena iri vano lama mimia siko so, de igogo ko talukasa reremu mana vari vakameka remu de ikoego Jesu Kristo. Iri soko mara vaseka qemue remu tamana ro ria.

Qalesia 4:17

Ria basoero iri vasadake go varikitaki velaka ro ria de qamu koego, iri soko so, go ramu mamu vana nava era, mana go ramu mamu lulua nanao ro ria gerena de iri vane qamu go nae iri go so.

Qalesia 5:10

Ba era qa ruqe qamu ramu. Loborona too ba va kameka ita de ikoego Batu ne, qa vaogote ramu tamuna lulua so nanao qu era. Patavolomo basoe ivaqoqore go nanao qamu, do God tinara vakimate ia.

Qalesia 5:12

Basoero iri vaqoqore go nanao qamu ramu, itora mara ria kosi vasakate to tanuqira.

Qalesia 6:17

Valupolupona, kaega napu kakia basoe mara teke napu nava era kaki makuru, tanego kilipa i koe go tokamaqu dena i vasadake era qa basoe seka ia Jesu.

Karua Timoti 2:18

iru vana ne zuka na vaogoto mana iru va vizua vaogoto ria basoero ne, iru go ita qatiki ara too napu kaega ṉalu muzi, tanego too nae ne, iato qata pala to ninidena.

Kameka Jon 2:26

Qa karu qamu ramu, tanego i sau qira ria iri pada ne go poqetoni qamu go.

Kameka Jon 4:1

Ramu turaquro kasi vaogoto qira basoero iri go, iri toṉove Spirit tabo. Do muna pada mana mia va velake ṉalu go Spirit iri toṉove go ireqe ogoto me de ikoe God. Tanego topu propeta poqepoqe iri zaza goe to osina dia.

Karua Jon 1:10

Iago ṉalu basoe varivatatana i lamae de qamu koego iki lulua kaega varivatatana ia Kristo, kasi vakeba zena pade ramu, mana kasi sine ne na seko “bule ina ko tavisi qamu”.

Karua Jon 1:7

Topu ria vano poqepoqe iri goe to osina dia vudu pua, mana basoero dena iriki vaogote kaega Jesu Kristo i lama pala go tokama gere qita ita vano basoe. Basoe igogo nae i poqepoqe mana ikana ne Kristo.

Judi 1:4

Tanego kakiaro basoero iri keba siko me de qata koe go ita vano lotu mana ria dena iriki soko kaega osaka ne na God mana iri itane Mana ia God valulu ze vatovato sakata ro mana iriki toqe ne kaega Jesu Kristo qata va Batua go ita. Do Buka tabo ne i sine bana meso ia tane kimata tina pala qira basoero dena.

Revaleson 12:9

Gonae dole ratovo lavata ne mana aqelo ro ia ne, iri kakale vakuziki ne qira to. Dole ratovo dena to, iato i ko bana mego ṉalu bana ne, iato qata vitoṉo zego Satana, iato i poqe qira go basoero na vudu pua go iri vasakata pata go.

Revaleson 13:14

Mazala i vasadake go varuana pata qaraqara piru de, i vasadaka ze tarakenaqana pata piru kenaqa ne, mana i va bulaṉoi qira basoero na vudu pua go. I sine ne qira basoero ne mara zazu ne beku mana vagere ze tatalina pata piru kenaqa niri vae vale bana ze go peqi loda ne do i too ule napu me.

Revaleson 19:20

Valeke i age go ose ne i pala pata qaraqara piru ne mana propeta poqepoqe ne mana i qolo vanadu qiru go. Propeta poqepoqe dena i zazu neze pata vari vapoloso ro tarakenaqana pata piru ne. Sauna to zazu vari vapoloso ro nae, iva qoqo qirae go basoero iri pala go lala ia mana iri vazaka go beku na go. Pata piru ne mana propeta poqepoqe ne iru vana va too too qiru aqe nako i poto sadaka mego loborona pua ne.

Revaleson 2:2

Era qa rove de igogo zazu ramu, mana qa rove de igogo zazu vokara ramu sauna karaputa ramu. Qa rove era tane qamuki soko qira kaega vano sakata. Mana qa rove era tane qamu padane qira vano iri apostoloro iri gogo, do taramuzina ramu qamu rove to, iri vano poqepoqe bana go.

Revaleson 2:20

Do kameka so pata qaki soko ze go kaega era de qamu koego. Ramu qamu vamao qole Jezebele tina ko tavisi qamu, i poqe, igo tanuna i propeta ia God. Loborona vari vatatana ia i va soru qira vano zazu era, go iri zazu nego soso vatovato sakata ro ne, mana iri ge patagege iri tavatavara ze go banara poqepoqe ro ne go.

Revaleson 2:6

Ba kameka pata qamu lete velaka nego ramu, qamuki soko kaega vatovato ria vano iri lulua go vari vatatana ia Nikolasi. Era do qaki soko to kaega vatovato ria nae.

Revaleson 20:3

Gonae aqelo ne i vanaqe zaqe Satana ne bolu na uṉaṉa ne, mana iva roroto vanadua siporaṉa na. Go Satana ne tiniki va soru qirae kaega vasakata pata basoero ne. Do taramuzina kameka mao masirani, ria tarina va sipore Satana desuka so ṉalu.