Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Qalesia 1:6 - Vato Vari Vakameka Voru Ia Batu Ne

6 Era qalete poloso sasakata, ramu qamu katikili go vananena God, ikoru bana qamue go lulu na Tarama Velaka na Mana ia Kristo.

အခန်းကိုကြည့်ပါ။ ကော်ပီ




Qalesia 1:6
33 ပူးပေါင်းရင်းမြစ်များ  

Jesu i lete nureke sasakata ne qira basoero ne, tanego i kaega ne qira to vaogoto.


Do valeke ne i vane qira dena, “Kaki pata vari vapoloso bana go, go ramu qamuki rove kaega de i reqe mego, do ia iva mimia va era!


Ba ita go qata vaogote tatana za kavele loborona Mana ia Jesu Batu ita, gere napu qira so vano iriki Jiu go kaega.”


Iriki rove kaega zuka na de igogo God go i vatotoloṉo girae go basoero ne de ikoego tanuna. Iri lete pada neso valuluze na vatovato ria tanuqira, iago iriki vamaone kaega God go tina valulu ze go zuka na de gogotina vatotoloṉo ze go basoe de ikoego tanuna.


Loborona vaogoto Kristo i varove qitae ita Mana ia God i teke volomo ne qita go qata too e go manava nae ninidena. Ita qata kula ne ruruqe ia tatana pala tavise go karaputa ia God kene ṉalu.


Ita qata rove God izazu ne go osina pata sauna velaka ia de iri koe go ria iri mamaligara ne go. Ria to nae i koru bana qira go tarina vasadaka mego pata velaka ikoego nanao ia.


Iago ria i vine bana me qira go God, ia i koru napu me qira go i vatotoloṉo napu me qirae de ikoego tanuna, mana i teke napu ne qira too menomeno ia.


Patavolomo tara ko ne qamu manoga mau basoe tara vatatana qamue too ia Kristo, kameka so basoe i gere go tamaqamu. Tanego loborona too ramu qamu vakameka ne Jesu Kristo, era to qa tamaqamu go, tanego era to qa pala kenaqa zatue de qamu koe go ramu Tarama Velaka.


Era qa momokolo napu ne qamu, tanego qa mia dego qamu va malumu ne qira ria iri lama e de qamu koego. Qamu vaogote tarama na Jesu ni kakavata nego keqi tarama ne remu, mana qamu toqe ne toṉove na spirit iri pui nego, ni kakavata nego Spirit tabo qamu tonovo ze de qi koe go remu, mana qamu toqe ne Tarama Velaka iri sine vasadake go, patavolomo i kakavata ne ke qi sine vasadake go remu.


Remu qiki gere qira kaega kerone basoero iri lete tarove ne zazu dena. Iri tarama ne Tarama Velaka ne, gere so kaki pata iri mazala soba ze vavagado, go tarina too ne. Do remu qi lete vaogote mana nanao vamazale zazu ro remu, qi tarama ne Tarama Velaka ia, gerena so de i soko go God, qi sine vasadake seko ia tanego qi vano zazu ia Kristo.


Ma sine ne qamu turaquro, sauna Tarama Velaka qa tarama ne qamue go iki reqe me kaega basoe.


Do loborona Mana ia God, ia i vine banava era torana qara koego sopa na kanae. I koru ava tuna zazu ne ia, mana ṉalu i lama doka to ṉalu itaru bana ze go nanao na,


Do pata ogotona ne, ikaega napu kaki Tarama Velaka, tanego kakiaro basoe iri lama vasakate nanao qamu mana pada ne itane na Tarama Velaka ia Kristo. Igo nae ia tanego qa sine ne qamu go.


Iago ṉalu era qa mia iriki lulua kaega de igogo totoloṉo na zuka na vaogoto na Tarama Velaka, era qa sine ne ze Pita tarakenaqa qira basoero topu. Qa go, “Aro qo valeke Jiu, do qo lulua go vatovato ria vano iriki Jiu go kaega mana ko aro do qoki gere qira kaega vano Jiu. Iago ava tina go tono vatutubo qirae vano iriki Jiu go kaega, go tarina lulua go vatovato ria vano Jiu na?”


Era qa zae de gogo ne, tanego God i vasadaka nava tuna za, mana qa vapepeu vamiki qira vano iri kenaqa ne go lotu mana qa sine vavelaka ne qira sauna Tarama Velaka qa tamana qirae go vano iriki Jiu go kaega. Tanego qa nanao iri niki vanoto, pata qa zazu bana ne, mana pata tunara zazu ne go.


Do remu qimuki toqe ne kaega pataro iri soko go vakitaka poqepoqe ro nae! Pata qi soko go remu ne, seko ogoto na Tarama Velaka ne mare zadave de qamu koego ramu.


Ria iri mia rove bana so God iteke nava go era, zazu go tuna tarama ne qira go vano iriki Jiu go kaega Tarama Velaka, gerena so iteke bana ne go Pita zazu go ia tina tamana qirae go vano Jiu Tarama Velaka.


Tanego osina Tamana ro iri lama voto lupoe so kameka Tamana dena, “Ono mamaligara ne qira kero ne basoero ne, gerena qo mamaligara nigo tanumu.”


Ramu qamu pada ne vatotoloṉo zena tanuqamu de ikoego God go qamu lulua go Tamana. Iago ramu qamu vakuziki ne ze tanuqamu de ikoego Kristo, mana qamu vanane to Mana ia God.


Tarama Velaka qimu sine ne qamu go, God ikoru qamue ramu tamuna pala tavise go karaputa menomeno ia Batu ita Jesu Kristo.


Mana Batu ita ne i zuga me topu na Mana ia de qa koego era, mana i teke nava vaogoto mana mamaligara, iato ike ita loborona vari vakameka de ikoego Jesu Kristo.


Era qa soko aro ono koe Epesus, gerena so qa sine bana nigo ṉalu qa zae go Masedonia. Kakiaro basoero iri koego Epesus in vanvatatana ne pata poqe ro, iago ono sine ne qira go tarina mamanava.


God i vakavele bana qita, mana i koru qitae basoero ia iki sauna kaega zazu ro ita, do loborona so nanao ia, tanego i mamaligara ne qita. I teke ne qita Mana dena ṉalu ivalame go Jesu Kristo, tarakenaqana iara tupi go osina pata,


Sale era, ono karaputae loborona Mana i ke ita go loborona vari vakameka ita de ikoego Jesu Kristo.


Tanego God i koru bana qamu go i tabo, iago ramu muna ko mana va tabotabo too ramu, mana osina pataro qamu zazu ne to go.


Loborona karaputa ia God, Kristo i teke ne qita osina pataro i tora go too ita, go tatana lulua go totoloṉo ia God. Loborona rove ita de i koe Jesu Kristo, ia i koru bana qita go tatana pala tavise go menomeno na karaputa mana totoloṉo iago.


Go Mana ia Jesu Batu ne mara ko tavisi qira osiqira basoero ia God.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ