Qalesia 1:4 - Vato Vari Vakameka Voru Ia Batu Ne

⁴ Kristo iteke ne tanuna tina le ne sauna vasakata pata ro ita, go ita mata talukase too sakata na pua dena. Loborona vatovato dena to i lulua go soko ia God Tamaqita.

Qalesia 1:4 ပူးပေါင်းရင်းမြစ်များ

Matiu 13:22

Paturu ro iri soru ego de i podo ego qolo paqo ro ne, i gere to basoero iri gata go seko ia God, do iri nanao vokara ne pata vavagado na ro pua dena, mana kero ne pataro i vakula qira go. Iago seko ia Batu ne iki ure kaega de iri koego.

Matiu 20:28

gere na era Tuna basoe qaki lama ne kaega go basoero tarina zazu nava, do qa lama go tuna basoe zazu ria basoero ne, mana teke too era go tuna voli vaule qirae sauna vasakata pata ro ria.”

Matiu 26:28

iadena i parasaqu iato i vanadua go pui ia God, parasaqu tina tazele za de iri koego vano vasakata pata go tina lukase go vasakata pata ro ria.

Matiu 26:42

Gonae Jesu i ule mana i za pene napu, igo, “Ke Mamae! Ṉalu go kapu na vokara dena i makuru pala vakuziki ne, go tuna besi bana so era gogo ne, i velaka, soko aro Mamae mara voto to.”

Matiu 6:9

Iago ṉalu qamu pene muna go dena, Tamaqemu qo koego rani, go vitoṉomu aro mara tabo sivala de koe basoero.

Maka 10:45

Patavolomo era Tuna basoe do qaki lama ne kaega go basoero ne mara zazu nava, do qa lama ne zazu ne qira basoero go tuna teke ne too era sauna go tarina kavele go vano basoe.”

Luka 22:19

Gonae i pala bureri i seko velaka zaqe God, i pasia mana teke qira ria igo, “Ia dena tokamaqu, qa teke ne qamu ramu, zazu ne ia dena mana nanao taru ava era.”

Luka 22:42

Mamae igo, “Ṉalu aro qo mao ne go, ono pala vakuziki ne kapu na vokara dena, deqa koego era, mara kasi nanao era tanuqu, do mara lulua so nanao mu aro.”

Tarama Velaka Ia Jesu Kristo I Karo Go Jon 10:11

Era to qa valeke miasoka sipi velaka, mana qa mao tuna le ne qira sipi ro era go.

Tarama Velaka Ia Jesu Kristo I Karo Go Jon 12:31

Torana to ṉalu dena, God ina zazu ne vivine ia dekoe kolabana pua dena, mana karaputa ia Satana ni kenaqa ne zego kolabana pua dena, tina vanaqe.

Tarama Velaka Ia Jesu Kristo I Karo Go Jon 5:30

Jesu igo napu de, “I makuru tuna zazu ne kaki pata, ṉalu qa lulua go so nanao era tanuqu, era qa zazu ne varitanae de iri koego basoero ne, qa lulua so pataro i sine nava go God, iago de igogo varitanae era de iri koego basoero ne, i totoloṉo so, tanego qaki pada ne kaega lulu na soko era tanuqu, do qa zazu neso pata i soko go ia i turi nava go.

Tarama Velaka Ia Jesu Kristo I Karo Go Jon 6:38

Tanego era qa qoqoro me tepa rani, go tuna zazu ne pata i soko go iani turi nava go, era tuniki zazu ne kaega pata qa soko go tanuqu.

Leta Ia Pol I Karo Ne Qira Basoero Na Rom 1:7

Iago, qa karo ne qamu ramu basoero topu qamu koe go Rom, tanego God i mamaligara ne qamu, mana i koru qamue basoero ia tanuna. Go God Tamaqita mana Batu ita Jesu Kristo mara riru teke ne qita mana, mana bule ia.

Leta Ia Pol I Karo Ne Qira Basoero Na Rom 12:2

Kasi vamao ne na too ramu mara lulua go vatotovato na vudu pua dena. Do muna vamao ne God, go mara kavele nanao qamu. Iato nae go ramu tamuna mazala go mia rove na pata ni soko go God, mana go tamunara rove go pata velaka ni va kula go God.

Leta Ia Pol I Karo Ne Qira Basoero Na Rom 4:25

Ria iri vae vale ia, ia i le ne sauna vasakata pata ita mana i too napu me tepa le ne, go ia tina vatotoloṉo qita ita de i koe go God.

Leta Ia Pol I Karo Ne Qira Basoero Na Rom 8:27

Do God i mia mego osina nanao i kome go loborona puṉu qita i rove nanao ia Spirit tabo. Tanego Spirit tabo i pene ne qira basoero ia God go ni valuluze go de ni soko go God.

Leta Ia Pol I Karo Ne Qira Basoero Na Rom 8:3

Tamana i kaega ne karaputa go tina vakuziki ne go vasakata pata, tanego too ita vano basoe i memelaka qatild lulua kaega tamana. Do God so i zazu ne go pata dena ni valame go Sale ia i lama basoe i gere qita ita, mana i pala tavise vasakata pata i vokara ne, mana i le ne go i vakuziki ne go vasakata pata ita.

Leta Ia Pol I Karo Ne Qira Basoero Na Rom 8:32

God do, iki ara pala vaule kaega Sale ia, do i soso ne qita to ita go tina le ne sauna go ni bauru ne qita go ita. Gerena ia i sosovolomo ne qita to osina pata.

Kameka Korinti 15:3

Qa vakava napu qamue ramu, pata qa pala go, iato i lete mazala sivala i karo ego Buka tabo, igo, Kristo i le ne vasakata pata ro ita,

Karua Korinti 4:4

Ria ne iriki vaogote kaega Tarama Velaka ne, tanego Satana, god sakata na kolabana pua de, i lete va kodo qira. Iriki miasoba kaega tatavata i damara poka qira go, tatavata dena i vazazao go Tarama Velaka na tatavata mazala ia Kristo, ia i gere napua so God.

Qalesia 2:20

Iago iki too era kaega tanuqu go qa too go dena, do Kristo i too e go loboroqu, mana iteke nava too iago.

Qalesia 6:14

Do de qa koego era ne, tuna vazakanapu ne koluse ia Batu ita Jesu Kristo. Tanego pata izazu ne go Kristo ṉalu ile go koluse ne, i sauna to vatovato na vudu pua dena i le bana ne to nanaoqu era mana era qa le palu bana to Kristo. Iago, ma kasi luluna vatovato ia vudu pua dena.

Epesus 1:11

Osina pata izazu ne go God i va lulu ze so nanao na mana vivine ia. God i vine qita qata basoero ia, loborona vari vakameka ita de ikoego Kristo. Tanego saunaa nanao lavata ia idegere so pata i vine bana mego kokosona bana me.

Epesus 2:2

Ṉalu nae ramu qamu lulua vatovato sakata na vudu pua, mana qamu lulua Satana, i batu lavata ria manuru na ro varioka ne. Mana iato i kenaqa ne qira go basoero iri legulegua go God.

Epesus 5:16

Tanego ninidena too sakata ikone karaputa, iago muna vazazu velake desuka ṉalu velaka ro qamu pala go.

Epesus 5:2

Mamaligara to mara kenaqa ne go too ramu, gerena Kristo i mamaligara ne qita, mana iteke ne qita too, gerena kameka sosovolomo i nonoli meno, mana God ikula ne komakoma nae.

Epesus 6:12

Iago vakeba osina pata varitara ia God ninidena! Go musaqara sakataro iri lama go, ramu tanuna degere vanadu, go tina tavisi ne qamu varitara ule na de iri koego kana ro ramu, go na dokae to valupolupona, ramu tamuna degere vanadu so.

Pilipae 4:20

De koe God ita mana Tamaqita, karaputa mazala ia iko osina ṉalu mana ka ṉalu gado kutona i kaega. Amen.

Kameka Tesalonika 1:3

Tanego tarakenaqana God Tamaqita, remu qimu nanaotarua de igogo qamu vazazua go vaogoto ramu mana de gogo qamu mamaligara ne zazu vokara ramu, mana de igogo ruruqe ramu ilete nadue go Batu ita Jesu Kristo.

Kameka Tesalonika 3:11

Go God Tamaqita mana Batu ita Jesu Kristo ina kenaqa ne zuka go remu timuna garetu mia napu qamu go ramu.

Kameka Tesalonika 3:13

Loborona to zuka dena, nanao qamu tina karaputa napu. Mana ṉalu Batu ita Jesu Kristo tina ule palu me qira basoero ia, ramu tamuna degere tarakenaqana God Tamaqita, tanego too ramu i velaka mana tabo go.

Karua Tesalonika 2:16

Go Batu ita Jesu Kristo mana God Tamaqita i mamaligara ne qita, Mana ia, i vakaraputa qita osina ṉalu mana i vanadua ruruqe ita go.

Kameka Timoti 2:6

ia i soso ne too ia, go tina voli vaule qira osiqira basoero na pua dena. Loborona vokara vamiki i vae go Jesu, i va sadaka ogoto me ṉalu velaka God i soko ne go va kavele qira osiqira basoero ne,

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Iburu 2:5

God iki taru qirae kaega aqelo ro tarina kenaqa ne kolabana pua voru tinara lama go, iato kolabana pua qata seko nego dena.

Iburu 6:5

iri lete rove bana seko ia God i lete velaka, mana iri gatarove bana karaputa ia tina lama miasoka go osina ro pata ne.

Iburu 9:14

Tanego iadena i pata ogoto, zazu ia parasana Kristo i lete lavata, loborona Spirit i too sivala go ia i teke zaqe tanuna gerena kaki koma koma i lete totoloṉe go de ikoego God, parasana ia tina vadalo puṉuqita mana nanaoqita mana tina qusa vakuziki ne zazu volovolomo ro i kaega go tatalina, go ita tatana osaka ne God.

Jemisi 4:4

Qamu ki basoe totoloṉo kaega, qamu lulua so vatovatona too na vudu pua. Tanego vatovatona vudu pua dena i kana ne God. Iago basoe ilulua go vatovatona vudu pua dena ivakana ze God de ikoe go tanuna.

Kameka Pita 2:24

Tanuna Kristo i pala ze tokamana osina vasakata pata ro ita, za le i vae go koluse ne, go ita tatana le ne too na vasakata pata mana tatana too napu ne de igogo ko totoloṉe na tarakenaqa na God.

Kameka Pita 3:18

Tanego le ivae go Kristo ivatalupasa lupo osina vasakata pata ro ramu, mana i pala vaule qamue de ikoego God. Kristo i totoloṉe tarakenaqa na God, do ia i le ne sauqira vano sakata, basoero ne iri vae vale ia, do God i va too ule ze ia too iki rove go kaega lupo.

Kameka Jon 2:2

Mana tanuna to Kristo ile go i bauru ne go vasakata pata titita vamiki so kaega, do sauna napu to vasakata pata pata ria osina basoero na vudu pua dena go.

Kameka Jon 3:16

Go tatana rove go ita zazaona mamaligara, Kristo iteke ne qita too ia tanuna. Iago, ita itora mata teke napu ne qira turaqitaro too ita tanuqita.

Revaleson 1:5

Bule mana Mana dena i reqe napu meso Jesu Kristo i basoe totoloṉo i tarama ne go seko ia God, mana iato i too kenaqa me tepa le ne. Mana ia napu to i kone go karaputa i sivala ne qira go vano batu lavata na ro vudu pua dena. Jesu Kristo i lete mamaligara ne qita mana ile ne sauna vatalukasana vasakata pata ro ita.

Revaleson 5:9

Iri vae kera voru, iri go, “Aro bana so i tora go tono pala go pepa vivolo nae, mana papaqana de iri varoroto vanadua go. Tanego iri vae vale bana go, le aro ne i gere tavatavara i bauru ne basoero ia God iri reqe me osina ro sinaqe ro, soso seko ro, soso vudu ro, mana soso tatalina basoero go.

Revaleson 7:9

Taramuzina pata dena, qa mia zaqe topu sasakata basoero i makuru go qana qira, basoero dena iri reqe me soso sinaqe na basoero, soso vuduro mana soso sekoro go, iri va roku kakasa mana iri pala ubi, gonae iri za degere tarakenaqana de kolokoloku ia Batu ne mana Tunana Sipi go.