Qalesia 1:24 - Vato Vari Vakameka Voru Ia Batu Ne

²⁴ Iago ria iri vazaka to God, tanego sauna to pata ni zazu navae go era.

Qalesia 1:24 ပူးပေါင်းရင်းမြစ်များ

Matiu 9:8

Ṉalu basoero iri mia pata ni sadaka go, iri sareki, mana iri vazaka God tanego i teke qira karaputa igogo dena de iri koe go basoero ne.

Maka 2:12

Gonae iri reṉareṉa to basoero ne, valeke ne i degere i pala tobi ia mana i zaza to go. Pasi nae basoero ne iri lete nureke mana iri vazaka God, iri go dena, “Pata qatiki mia bana mego kaega qatara lama mia to ninidena!”

Luka 15:10

Gerena so qa sine ne qamu go dena, aqelo ro ia God iri koego rani ne, iri lete kula sivala ne kameka basoe i manava sakata nego vasakata pata ia.”

Luka 15:32

Iago i tora mata ṉaṉa mana kula, tanego kaemu i le bana, do ninidena itoo napu, i rore bana do i ule me qata soba napua go.’ ”

Luka 2:14

“Vazaka God ikoego zakazaka ne, mana dalo ina koe pua ne, de iri koego ria basoero i kula ne qira go.”

Luka 7:16

Osiqira basoero ne iri lete sareki lupo mana iri vazaka God, iri go, “Kaki propeta lavata sivala i lama sadaka qita.” Iri go, “God i lama go tina vakavele qira basoero ia.”

Zazu Ria Apostoloro 11:18

Ṉalu iri gata go seko ia Pita ne, iri mamanava to vari valegu. Iri vazaka God mana iri go dena, “Pata ogoto, God iteke napu ne qira so vano iriki Jiu go kaega nanao uleule mana too voru go!”

Karua Korinti 9:13

Tanego i sauna zazu velaka ramu, topu na basoero iri vazakazaka ze God, tanego ramu qamu vaogote Tarama Velaka ia Jesu Kristo mana qamu vasadake go, qamu toqe ne soso na tavisi ramu de iri koego vano Judia mana kero ne basoero lotu go.

Karua Tesalonika 1:10

Ṉalu ia tina lama go musaqara nae, Osina basoero ia tarina vazaka ia, mana basoero iri vaogote go ia tarina lete va batua ia, ṉalu nae. Mana ramu napu to go tamuna ko tavisi qira ria, tanego qamu vaogote Tarama Velaka ro qimu sine ne qamu go.

Karua Tesalonika 1:12

Loborona to vatovato dena, vitoṉona Batu ita Jesu Kristo tina pala ze vazaka de qamu koego ramu. Mana ia tina vazaka vitoṉo qamu ramu go, loborona Mana ia God Batu ita, mana de ikoego Batu ita Jesu Kristo.