Qalesia 1:13 - Vato Vari Vakameka Voru Ia Batu Ne

¹³ Ramu qamu gata bana de igogo too rera, qa lete nanao vamazale go lotu ria vano Jiu, do ikaega nava varinanao, qa vamakuru qira so vano na eklesia ia God, mana qa lete pada ne, pero na eklesia.

Qalesia 1:13 ပူးပေါင်းရင်းမြစ်များ

Zazu Ria Apostoloro 8:1

Mana Sol i toqe ne vae vale na Sitivini. Torana musaqara ro nae eklesia i koe Jerusalema iri ko makuru, tanego basoero ne iri lete vasasakata ne qira, osiqira ria iri vaogote go Kristo ne iri soso tapero lupoe kena na Judia mana Samaria, do apostoloro ne so iri ko go.

Zazu Ria Apostoloro 8:3

Do Sol i pada ne vasakata na eklesia, i kebae padepade ro, i raqasa vasiporo qira vano iri vaogoto go, valeke ro mana qolero, mana i vana qira qe loborona bara ne.

Zazu Ria Apostoloro 9:21

Osiqira basoero iri gata go ia iri lete poloso mana iri varitanae tanuqira, “Avigo valeke dena kaega tane ikoego Jerusalema, i vaevale qira go basoero iri vazaka go vitoṉona Jesu ba? Mana iki ia kaega tane i lamae komala dena go na pala qira basoero ne mana vaule qira qe de iri koego vano batu ria patere ro ba?”

Zazu Ria Apostoloro 9:26

Sol lama dokae Jerusalema, mana i pada ne ko tavisi qira vano iri vaogoto go. Do ria iriki vaogote kaega ia ni vaogote go Jesu, mana osiqira iri sareki.

Kameka Korinti 10:32

Too raro mara kasi zazu ne ze na pata tono vasakata ze go kene basoe, patavolomo i basoe Jiu ba iki basoe Jiu kaega ba i basoe lotu ia God.

Kameka Korinti 15:9

Era to qa suka sivala ne osiqira apostoloro, mana iki tora kaega tarina vitoṉo ve apostolo, tanego era to qa vasasakata ne qira go basoero iri vaogote go God.

Pilipae 3:6

Mana qa lete osaka ne zazu na Tamana, iago qa vasasakata ne eklesia ne. Do ṉalu kaki basoe i mazala nanao vatotoloṉo na vatovato na tamana ro dena, era ne qaki kebu kaega.

Kameka Timoti 1:13

patavolomo de bana ne, era qa sine seko sakataro de ikoego ia, qa vasasakata ne qira vano iri vaogote go ia, mana qa vae vavokara qira tanego i sauna ia. Do God i nanao ule nava era, tanego ṉalu nae iara kaega nava era vaogoto de ikoego ia, mana qaki rove kaega pataro qa zazu ne go.

Kameka Timoti 1:14

Mana Batu ita ne i zuga me topu na Mana ia de qa koego era, mana i teke nava vaogoto mana mamaligara, iato ike ita loborona vari vakameka de ikoego Jesu Kristo.