Pilipae 4:9 - Vato Vari Vakameka Voru Ia Batu Ne

⁹ Muna vazazua pataro qamu rove go, mana qamu pala vakava ve era, seko ro era mana zazu ro era go. Mana God na teke ne qita go bule ia tina ko tavisi qita osina ṉalu.

Pilipae 4:9 ပူးပေါင်းရင်းမြစ်များ

Matiu 1:23

“Qole suka iara kaebo soba na valeke, tina kakate mana tina vapodo kameka sale veleke, mana tina vitono ze Imanuela,” vitoṉo dena talupasana, “God i ko tavisi qita.”

Matiu 28:20

Vatatana qira, go tarina vaogote mana lulua osina ro pata qa sine bana ne qamu go. Mana era tuna ko tavisi qamu osina ṉalu, go tina za doka so ṉalu kolabana pua dena tina za lupo.”

Matiu 7:21

Vano totoloṉo so tirina koe loborona vari miasoka ia God. Muniki nanao ria basoero iri koru ve era, ‘Batu, Batu,’ tarina keba za dekoe vari miasoka ia God. Do ria tarina zae go dekoe God, ria to basoero iri zazu neso pataro i soko God Mamae ikoego rani ne.

Luka 6:46

Jesu i sine napua, ‘Avigo tane qamu koru ve era, ‘Batu, Batu,’ do qamuki zazu ne kaega pata qa sine ne qamu go era?

Luka 8:21

Do Jesu i vane qira dena, “Kanae mana kaequ ro go, ria iri gata go seko ia God mana iri va zazua go.”

Tarama Velaka Ia Jesu Kristo I Karo Go Jon 13:17

Ramu qamu rove to pataro dena, tamuna kula sivala ṉalu qamu lulua go!

Tarama Velaka Ia Jesu Kristo I Karo Go Jon 15:14

Ramu to qamu vakitaka ro era, ṉalu qamu zazu nego pata ro qa sine ne qamu go era.

Tarama Velaka Ia Jesu Kristo I Karo Go Jon 2:5

Sinana Jesu i sine ne qira vano zazu ne, “Muna zazu ne so pata tina sine ne qamu go.”

Zazu Ria Apostoloro 9:6

do ono degere mana gado za loborona komala lavata ne, mana nae tono soba ze kameka valeke tina sine nigo pata tono zazu ne go.”

Leta Ia Pol I Karo Ne Qira Basoero Na Rom 15:33

Iago, era qa pene God ireqeme too bulebule qata pala go mara kotavisi qamu osina ṉalu topuro ne. Amen.

Leta Ia Pol I Karo Ne Qira Basoero Na Rom 16:20

Tiniki umata kaega God na bule tina teke ne qamu karaputa go tamuna vaqoqore go Satana. Mana ia Batu ita Jesu Kristo tina kotavisi qamu.

Kameka Korinti 10:31

Sauna ianae ne, ṉalu qamu ṉaṉa koloku ba qamu ge loka ba kakia so kapata qamu zazu ne go, muna vazaka zaqe so God.

Kameka Korinti 14:33

Tanego God iki soko qitae kaega tatana vaevato, do i soko tatana ko kameka va velaka. Gere qira so osiqira basoero na eklesia ia God.

Kameka Korinti 4:16

Iago era qa lete pene qamu ramu, inuna lulua de qa gogo era.

Karua Korinti 13:11

Turaquroe, nindena qa sine koto ramu! Muna pada ne ko totoloṉo osina ṉalu mana gata pataro qa sine qamu go era, vakameka ne qira kero ne basoero mana koe loborona bule. Go God i soso nego mamaligara mana bule mara koe de qamu koego.

Pilipae 3:17

Vakitaka ro era muna vapadapada de qa gogo era, mana lulua de iri gogo ria iri zazu ne vato totoloṉo, gere na so de qa va mia qamu e go era.

Pilipae 4:7

Mana bule ia God i lete laqalaqa ne go nanao rove ita vano basoe, tina vanadua puṉuqamu mana nanaoqamu, loborona vari vakamekae de ikoego Jesu Kristo.

Kameka Tesalonika 1:6

Ṉalu ramu qamu lulua go vatovato reremu, qamu lulu napua so vatovato ia Batu ne, patavolomo qamu soba go vokara, do ramu qamu kula ṉalu qamu pala go Tarama Velaka iza reqeme go Spirit tabo.

Kameka Tesalonika 2:14

Turaqemu ro, pata isadaka qamu go ramu, isadaka napu qira so basoero na eklesia ia God iri koe go Judia, basoero ogoto ia Jesu Kristo, ria to basoero ramu so iri va vokara napu qamu go,

Kameka Tesalonika 5:23

Go God iteke ne qita go bule mara va tabo osina too ramu, mara miasoka tutukunu na too na tokama mana madau, go ramu mamu ko talukase tepa ia pata sakata, go na lama doka go ṉalu ia Batu ita Jesu Kristo.

Karua Tesalonika 3:4

Batu ne i teke ne qemu remu ruqe de qamu koego ramu, mana qimu rove vavelake to remu, ramu qamu pala soma so zazu ne na pata ro qimu sine ne go remu.

Karua Timoti 4:22

Timoti, Batu ne ina ko tavisi go, mana Mana ia God na koe de qamu koego.

Jemisi 1:22

Kasi gatavana ne so, seko ia God qamu gata go, do muna zazu ne pata ni sine go.

Karua Pita 1:10

Vakitaka ro era, God i vine mana i koru bana qamu go, qamu ke ia tanuna. Iago muna lete zazu vakaraputa go tamuna vanadua go vine mana koru ia God de qamu koego. Ṉalu qamu va voto pataro nae, i makuru napu tamunara soba makuru go.