Pilipae 4:8 - Vato Vari Vakameka Voru Ia Batu Ne

⁸ Valupolupo na turaquroe, vapuraka ze nanao qamu pataro ni velaka go, mana i tora go tatana kula ne, pataro i ogoto, pataro tina vatabo go basoe, too totoloṉo, too dalo, lete meno, mana too va mazale na basoe go.

Pilipae 4:8 ပူးပေါင်းရင်းမြစ်များ

Matiu 22:16

Gonae iri turine qira kakiaro disipoloro ria mana kakia ro vano iri koego taotao ia Erode, iri za tana ne Jesu, iri go, “Valeke vari vatatana, remu qi rove aro qo kakia basoe totoloṉo. Mana qo vari vatatana ne pata ogoto de go vatovato ia God, mana qoki vakapata kaega nanao qira basoero.

Maka 6:20

Tanego Erode i sareki ne Jon, sauna Jon i valeke totoloṉo mana i valeke tabo. Iago, i miasoka velake so ia. Patavolomo i sine vokara ne go ia pata kebu ro i zazu ne go.

Luka 16:15

Jesu i sine ne qira, “Ramu qamu pada taru ne to vamimia velaka na tanuqamu, tarakenaqa qira basoero topu, do God i rove bana pata ikoego loborona puṉu qamu. Tanego pataro qamu nanao go ramu basoero i pata lavata go, de ikoego God, i patavolomo so.

Luka 2:25

Torana ṉalu nae, iko kameka valeke vitoṉo na Simion ikoe Jerusale-ma. I valeke velaka mana i vaogote God, mana i piri neso ṉalu God tina vakavele qira basoero na Izirel. Spirit tabo ne ikoe de ikoe ia.

Luka 23:50

Kaki valeke vitoṉona Josepo i reqe ne Arematia tepa komala Judia. I kameka valeke velaka mana i totoloṉo i piri ne lama na Too ikoego vari miasoka ia God. I kaki valeke tavine na pepeu, do iki toqe ne kaega vivine mana zazu ro iri zazu ne ze go Jesu.

Tarama Velaka Ia Jesu Kristo I Karo Go Jon 7:18

Ṉalu ka basoe i seko ne so karaputa ia so tanuna, basoe nae i soko so vazakazaka na tanuna. Do ṉalu basoe nae i soko go basoero tarina vazakazaka ia ni turine mego, basoe nae i seko ne pata ogoto mana iki poqe kaega go.

Zazu Ria Apostoloro 10:22

Iri vataule, “Konilias batu ria vano soldia, i turine qemu go, i valeke velaka mana i vazaka God, mana osiqira vano Jiu iri mia vamazale ia. Aqelo ia God i sine ne ia tina koru vakeba zigoe aro pade ia, go mara gata go pataro tono sine go aro.”

Zazu Ria Apostoloro 22:12

Loborona komala lavata igogo ne, i koe kameka valeke vitoṉona Ananaisi, ia i vaogote Jesu, mana i vaogote tamana ro ita go, iago osiqira vano Jiu iri koego Damaskus iri mia vamazale ia.

Zazu Ria Apostoloro 6:3

Iago turaquroe, muna vine kavitu basoe loboro qamu, ke qamu rove iri purake go Spirit tabo mana tarove, go remu timuna va kenaqa qirae go miasoka na zazu ro dena.

Leta Ia Pol I Karo Ne Qira Basoero Na Rom 13:13

Mata vatotoloṉe too ita tanuqita gere qira basoero iri koe go tatavata na musaqara. Mata kasi ge loka sakata ro iri mazala go vabulaṉoe qita, kasi zazu ne na too vari vagabu, kasi zazu nena pata ilete mimia sakata sivala go ni tabo go, kasi varitara ba qora.

Leta Ia Pol I Karo Ne Qira Basoero Na Rom 13:3

Tanego basoero iri zazu ne go pata velaka iriki sareki ne qira kaega vano iri batu ne go vudu. Do vano iri zazu ne go pata sakata tarina sareki ne qira go vano iri miasoka go vudu. Iago muna zazu ne pata i velaka, go tarina kula ne qamu go vano iri batu ne go vudu ro ramu.

Leta Ia Pol I Karo Ne Qira Basoero Na Rom 14:18

Ka basoe i zazu ne zego Kristo vatovato dena, ia iva kula God, mana tina va kula napu qira basoero iri zazu ne go.

Leta Ia Pol I Karo Ne Qira Basoero Na Rom 2:29

Do basoe Jiu ogoto ne tina lulu ogote to pata velaka ni reqeme go puṉuna mana madauna go iara kosi ne go. Pataro dena iki reqeme kaega pata ni karoe go Tamana, do i reqeme zazu ia Spirit ia God. Mana basoe dena i tonovo ze vivitoṉo velaka de ikoego God.

Kameka Korinti 4:5

Iago muniki toere too ia basoe, tanego ṉalu na varitanae iara kaebo lama doka. Ṉalu musaqara na varitanae, tina piri ne so lama na Batu ne, tina pala vasadaka ze tatavata pataro i ko pipika ego nanao qira basoero ne. Mana God tina va zakazaka qira basoero, vatora ze de go too ria.

Karua Korinti 13:7

Remu qi pene God go ramu tamuniki zazu ne kaega kaki pata kebu qiki soko go kaega vamia qamue ramu, remu qi va ure zazu velaka ro remu, do qi soko ramu tamuna zazu ne pata velaka, patavolomo remu qi mimia pela go.

Karua Korinti 6:8

Kakiaro basoero iri seko vazaka qemu, do kakiaro basoero iri seko sakata qemu, kakiaro basoero iri sine ne qira kero ne basoero pata velaka ro qi zazu nego, do kakiaro basoero iri seko va sakata qemu. Iri vagere qemue vano poqepoqe, do remu, qi seko ne pata ogoto,

Karua Korinti 8:18

Remu qi turi napu zatu kakia vakitaka remu i lulu zatu Taetusi, valeke dena ria basoero lotu iri mia vamazale ia loborona zazu ro ia, mana vari vatatana i vae nego Tarama Velaka ne.

Karua Korinti 8:21

Tanego ala remu, qi soko zazu ne pata totoloṉo, de ikoe go tarakenaqana God mana de iri koego basoero go.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Epesus 4:25

Iago, ramu muna mamanava sine na seko poqe! Osiqamu muna sine so seko ogoto, de iri koego kero ne vano lotu, tanego ita osiqita qata kamekae so loborona kameka tokamana Kristo.

Epesus 5:9

Tanego tatavata i vasadaka me soso sinaqe na velaka, totoloṉo, mana ogoto.

Epesus 6:14

Iago ramu muna ko vanama taru. Vanadu a vaogoto ramu, gere beloto qamu buko zego barabara qamu, mana ko totoloṉo mara gere ne bako ramu,

Pilipae 3:1

Valupolupo na turaquroe! Muna ko kulakula, loborona vari vakameka ramu de ikoego Batu ne. Era tuna sine patu napua so, pataro qa karo bana ne qamu go, mana go tiniki doka qamu go kaega kaki pata makuru.

Kolosia 4:5

Muna padapada, mana vazazua tarove ramu loborona zazu ramu de iri koego basoero iriki vaogote go kaega Kristo, mana muna pala nanao velaka ṉalu qamu va pepeu qira go.

Kameka Tesalonika 4:12

Loborona vatovato ramu nae vano iriki vaogote go kaega Kristo tarina mia vamazala qamu, mana ramu qamu ki tatadane kaega kaki basoe sauna pata tina tavisi ne qamu go.

Kameka Timoti 2:2

Ria batu lavataro mana kero ne vano kenakenaqa go, go ita tatana ko velaka mana ko bulebule loborona too ita, go tatana lulua vato i vatabo go God loborona zuka velaka.

Kameka Timoti 3:11

Igere napua so qole ia, na vasadake vatovato velaka, niki pepeu valu qira basoero ne, do na rove miasoka na tanuna mana basoero ne, mara taru ze ruqe ria de ikoego iago.

Kameka Timoti 3:4

Ia tina miasoka velake ko tatamana ia, mana va rove qira salero iago tarina vaogote mana padapadae de ikoego tanuna.

Kameka Timoti 4:12

Aro qo ara basoe voru so, iago pada ne, go mara kasi nanao vaqoqori go. Ono vasadake vatovato velaka de iri koego vakitaka lotu ro loborona seko ro aro, too aro, mamaligara aro, vaogoto aro mana too dalo aro go.

Kameka Timoti 5:10

mana qole nanaro nae, basoero ne tarina mia vamazale ia loborona zazu velaka ro ia, i miasoka velaka qira sale ro ia, i vakeba qirae basoero kakavata pade ia, mana i sabore makeqira vano iri vaogote go Kristo go. I tavisi ne qira basoero iri soba makuru loborona too ria mana tina kaki qole i pada ne zazu ne na pata velaka osina ṉalu go.

Kameka Timoti 5:2

Qolero kazigarata ro vagere qirae sinamu, mana qole suka ro ono vagere qirae vavanimu ro, loborona too dalo mana totoloṉo go.

Taetusi 1:8

Do basoe nae tina kula ne mana miasoka qira basoero iri gadoe go komala ia, tina mamaligara ne pata velaka go. Tina rove de go pala taru na nanao na ṉalu i muna go, tina vatotoloṉe too ia, mana na lulua vatovato ia God go, mara kasi luluna too ba vatovato i sakata go.

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Taetusi 2:2

Va rove qira e valeke ro kazigarata de go tarina miasoka go tanuqira, mana pala taru na nanao qira ṉalu iri muma go, mana vasadake vatovato velaka na too ria go. Vaogoto ria mara nadu, mara mamaligara ne qira kero ne basoero ne, mana tarina ko karaputa ṉalu na makuru go.

Taetusi 2:7

Aro Taetusi ono vasadaka ne qira too mana vatovato velaka, go basoero ne tarina lulua go. Mana vari vatatana aro mara totoloṉo, go basoero ne tarina mia vamazale go.

Taetusi 3:14

Vakitaka ro ita vano lotu, mara rove de go tarina zazu neso pataro ni velaka go, go tarina mazala go tavisi ne qira basoero i kaega ne qira go kapata. Mara ria kasi ko volomo go.

Iburu 11:2

Tanego basoero kakazigarata ṉalu bana iri vaogote God, iago God i va mia qirae kula ia.

Iburu 13:18

Muna pepene taru ne qemu. Remu qi lete rove nanao qemu i totoloṉo mana qi soko ne zazu nena pataro i totoloṉo go.

Jemisi 1:27

Ba de tina gogo vatovato ria vano lotu go tarina lete velaka sivale go tarakenaqana God Tamaqita ne, vano lotu mara ria miasoka qira salero samele, mana vano nanaro iri ko vari vananama. Mana mara ria miasoka napua too ria tanuqira go mara kasi vasakata qira vatovatona vudu pua dena.

Jemisi 3:17

Do tarove ireqeme go rani ne idalo bana me so tupiana na osina pata mana ireqeme too bulebule, too poro seko nena kaega pata mana too varikitaki. Iago ipurake to too varinanao, mana ivazari me to urena zazu velaka sivala, iki vari kakavatae kaega mana too tatakiu ne qira kaega basoero ne go.

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Kameka Pita 2:12

Vatovato na too ramu, de iri koego vano rodoko, muna va velake, go ṉalu ria iri soko va sakata qamu, do mara ria mia too na vatovato velaka ro ramu, go tarina mia rove go velaka ramu go tarina vazaka go God musaqara ia tina za sadaka mego.

Kameka Pita 4:8

Pata i lete lavata sivala go muna lete vari mamaligarae, tanego mamaligara to i mazala go vakuziki nena osina vasakata pataro ramu.

Karua Pita 3:1

Ramu turaquro ia dena i varuana leta era, qa karo ne qamu ramu. Loborona karua leta dena qa soko va dogara qamu ramu mana va totoloṉo velake nanao qamu ramu sauna pata ro dena.

Kameka Jon 3:18

Salero era, mamaligara iki pata na so kaega seko, mana sine volome na go, do mamaligara ogoto tina sadake to ṉalu qata tavisi ne qira qo basoero ne loborona mamaligara ita de iri koego.

Kameka Jon 3:3

Iago osiqira ria iri piri ne go lama napu na Kristo, ria mara miasoka velake tanuqira tepa ia vasakata pata gerena Kristo i dalo bana go.

Kameka Jon 4:1

Ramu turaquro kasi vaogoto qira basoero iri go, iri toṉove Spirit tabo. Do muna pada mana mia va velake ṉalu go Spirit iri toṉove go ireqe ogoto me de ikoe God. Tanego topu propeta poqepoqe iri zaza goe to osina dia.