Pilipae 4:6 - Vato Vari Vakameka Voru Ia Batu Ne

⁶ Kasi nanao vokara ne kaki pata, do loborona pepene ramu, pene ze God pata qamu lete soko go. Osina ṉalu qamu pepene go, muna seko velaka ne ia loborona puṉuqamu.

Pilipae 4:6 ပူးပေါင်းရင်းမြစ်များ

Matiu 10:19

Ṉalu tarina pala vazao qamue go varitanae ne, muniki nanao vokara ne avana tamuna sine go, ba kade tamuna vane go sine na go. Tanego ṉalu nae God tinara vatarove qamue pataro tamuna seko ne go.

Matiu 13:22

Paturu ro iri soru ego de i podo ego qolo paqo ro ne, i gere to basoero iri gata go seko ia God, do iri nanao vokara ne pata vavagado na ro pua dena, mana kero ne pataro i vakula qira go. Iago seko ia Batu ne iki ure kaega de iri koego.

Matiu 6:34

Kasi nanao vokara ne ava tina doka go bakubaku. Tanego bakubaku mana nogotona musaqara iko rigo ia tanuna.”

Matiu 6:8

Muniki gere qira vano rodoko. God Tamaqamu i rove bana so pataro qamu nanao go ia, taramuzina qamu ara pene go ramu.

Luka 10:41

Batu ne i vataule ne ia igo, “Mata, Mata! Aro qo lete nanao vokara neso topu na pata,

Luka 12:22

Gonae Jesu i vane qira dena disipoloro ia, “Igo nae ia tanego qa sine ne qamu. Muniki lete nanao vokara ne pata gege go tamuna too nego, ba sauna poga tamuna vabaribari ze go tokama qamu.

Luka 12:29

Iago kasi nanao vokara ne na pata tamuna ge mana besia go.

Luka 18:1

Jesu i sine ne qira disipoloro ia vapadapada dena, go ria tarina pene taru so mana mara ria kasi pela go.

Luka 18:7

Iago avigo qamu nanao God tiniki va totoloṉo kaega makuru ro ria vano i vine qira go, iri dae taru zaqe ia nogotona kuse mana musaqara? Avigo qamu nanao God tiniki tavisi katikili ne qira kaega?

Kameka Korinti 7:21

Avigo go valeke seka, ṉalu God i koru go? Patavolomo nae, oniki maqata ne, do ṉalu qo soba ka zuka go qo mazala ko talupasa, pada ne vazazu na.

Kameka Korinti 7:32

Era qa soko muniki nanao vokara ne pata topu. Valeke iki busi go kaega, mara nanao vokara ne zazu ia Batu ne, tanego i soko va kula na God.

Karua Korinti 1:11

Gerena ramu qamu tavisi ne qemue, loborona pepene ramu, osina pepene ro ita God tina gata me, mana God tina va tabo qita, mana topu ria basoero tarina seko velake God, sauqemu remu.

Epesus 5:20

Mana loborona vitoṉona Batu ita Jesu Kristo, osina ṉalu mata teke ne seko velaka sauna osina pataro de ikoego God Tamaqita.

Epesus 6:18

Ṉalu qamu zazu ne go osina pataro dena, muna lotu mana pene God go tina tavisi ne qamu go. Pene osina ṉalu go karaputa ia Spirit tabo tina kenaqa ne qamu go. Go tamuna vanama taru mana tamuniki pela kaega go. Mana muna pene napu ne qira basoero ia God go.

Kolosia 3:15

Bule i teke qamu go Kristo, i bara ne qamu e vivine ro ramu, tanego sauna to bule dena God i koru teṉo qamue loborona kameka tokama. Iago osina ṉalu muna seko velaka ne God.

Kolosia 3:17

Osina pata qamu zazu ne ba sine gogo ne, mara zazu ne ze loborona vitoṉo na Batu ita Jesu, ṉalu qata seko velake ia de koe God Tamaqita.

Kolosia 4:2

Muniki mamanava pene, muna nanao velaka ṉalu qamu pene, seko velaka ne God.

Kameka Timoti 2:1

Pata kenaqa sivala, era qa pene qamue, soko ro ramu, pepene ro ramu mana seko velaka ramu, muna teke zaqe God, sauqira osiqira basoero ne.

Kameka Timoti 5:5

Qole nanaro ni ko vamiki so tanuna, i kaega go ka basoe tina miasoka go, ia mara taru ze ala ia de ikoego God, mara pene tarua so, go God mara tavisi ne ia kuse mana musaqara go.

Kameka Pita 4:7

Osina pata ro i garogaro to tina lupo. Iago ramu muna miasoka va velaka qamu, mana ko vanamanama, mana pene taru osina ṉalu go.

Kameka Pita 5:7

Iago taru ze de ikoego ia osina pataro iva tutua qamu go, tanego ia i miasoka qamu.