Pilipae 4:5 - Vato Vari Vakameka Voru Ia Batu Ne

⁵ Vasadake too varinanao, de iri koego basoero ne, Batu ne tiniki umata kaega tina lama go.

Pilipae 4:5 ပူးပေါင်းရင်းမြစ်များ

Matiu 6:25

Iago ma sine qamu, kasi lete nanao vokara ne pata gege mana besi tina va too qamu mana kasi nanao vokara ne poga tamuna vabaribari ne, tanego, too i sivala ne pata gege, mana tokama i sivala ne poga qamu va baribari ne.

Matiu 6:34

Kasi nanao vokara ne ava tina doka go bakubaku. Tanego bakubaku mana nogotona musaqara iko rigo ia tanuna.”

Luka 21:34

Muna miasoka tanuqamu mana kasi va riqo zena kelo lavata ro, ba ge loka, mana poro nanao na too na ninidena, niki go musaqara igogo ne niki lama pala va poloso qamu.

Kameka Korinti 16:22

Ka basoe iki mamaligara ne kaega Batu ne—basoe nae i pala tulaṉa ia Batu ne. “Maranata”— Lama, Batu remu!

Kameka Korinti 6:7

Dego qamu poro keba ego varitanae tanuqamu, i vasadake, qamu lete pela. I tora so tamuna va malumu ne kene basoe mara va vasakata qamu. I tora so tamuna va malumu ne kene basoe mara pala pata qamu toṉove go.

Kameka Korinti 8:13

Iago ṉalu pata gege i teke vasakata pata vakitaka aro, era tuniki ara ge kaega, niki go va soru ze vasakata pata vakitaka era.

Kameka Korinti 9:25

Osiqira vano iri teteṉe go, tarina vanama mana tarina lulua tamana makuru ro iri vanama ne qira go, tarina pala voli qira, voli igogo ne iki ko vaumata kaega, do ita to qata teteṉe go, go tatana pala voli qita, voli dena, iko sivala, ki rove kaega lupo.

Karua Korinti 10:1

Kakiaro basoero iri go, era qa basoe konotose, qava qoqoro ava tanuqu, qaki seko vakaraputu kaega ko tavisi qavae qamu go, do qa poro seko vamoqere atu de qamu koego, ṉalu qa ko valaqalaqa ne qamu ianae loborona velaka mana manava ia Kristo, era Pol qa pene vakaraputa qamu,

Karua Tesalonika 2:2

Ramu muniki bulaṉoe ne gata na seko ro ria basoero tarina poqe qamue go, tarina sine musaqara ia Batu ne ilama bana to, tarina go Spirit tabo tane i sine go ba remu tane qimu karo ze kakia leta remu tarina vane qamu.

Taetusi 3:2

Mara kasi seko sakate na kakia basoe, ba pera qira go. Do iri na ko bule mana vakitaka velaka qira basoero ne go.

Iburu 10:25

Iki velaka kaega tatana vana nego kameka teṉomana pepene go, gere qira kakiaro basoero iri kogo, osina ṉalu mata ko vari gatagata go nanaoqita tina karaputa go, tanego qamu mia musaqara ia Batu ne, i lama garogaro to.

Iburu 10:37

Tanego karo ikoe Buka tabo ne igo, “Valeke i vanama ne go tina lama go, tiniki umata kaega, valeke nae tina lama, mana lama na ia tiniki ara losi kaega.

Kameka Pita 1:11

Madauna Kristo i koe loboro qira mana i sine kenaqa bana ne qira. Kristo tina lete vokara kenaqa, mana taramuzina vokara i pala go, ia tina va sadake lalana karaputa ia God, mana propeta ro iri pada ne sobana de igogo mana de gogo tina sadaka mego.

Kameka Pita 4:7

Osina pata ro i garogaro to tina lupo. Iago ramu muna miasoka va velaka qamu, mana ko vanamanama, mana pene taru osina ṉalu go.

Revaleson 22:20

Basoe i sine vasadake go osina pataro dena, igo, “I pata ogoto! Era tiniki umata kaega tuna ule napu me.” Amen. Ke Jesu Batue Lama to aro!

Revaleson 22:7

Jesu igo, “Gata! Era tiniki umata kaega tuna lama napu! Kula de iri koego basoero iri vaogote mana lulua seko ia God, i koego loborona buka dena!”