Pilipae 4:20 - Vato Vari Vakameka Voru Ia Batu Ne

²⁰ De koe God ita mana Tamaqita, karaputa mazala ia iko osina ṉalu mana ka ṉalu gado kutona i kaega. Amen.

Pilipae 4:20 ပူးပေါင်းရင်းမြစ်များ

Matiu 28:20

Vatatana qira, go tarina vaogote mana lulua osina ro pata qa sine bana ne qamu go. Mana era tuna ko tavisi qamu osina ṉalu, go tina za doka so ṉalu kolabana pua dena tina za lupo.”

Matiu 6:9

Iago ṉalu qamu pene muna go dena, Tamaqemu qo koego rani, go vitoṉomu aro mara tabo sivala de koe basoero.

Leta Ia Pol I Karo Ne Qira Basoero Na Rom 11:36

Tanego osina pata i vazari me so ia, mana osina pata iri sadakae so loborona karaputa ia, mana osina pataro dena iri patapata lupo ia so God. Iago ita mata vazaka God osina ṉalu topuro ne! Amen.

Leta Ia Pol I Karo Ne Qira Basoero Na Rom 16:27

Tanuna so God ilete tarove sivala go, mana ita osiqita mata vazaka ze ia loborona Jesu Kristo osina ṉalu topuro ne! Amen.

Epesus 3:21

Loborona eklesia mata vazaka ze God mana Jesu Kristo iko osina ṉalu, go tina doka go ṉalu gado kotona i kaega! Amen.

Pilipae 1:11

Too ramu mara purake vatovato totoloṉo i reqe me Jesu Kristo, go topu ria basoero tarina padapada mana vazaka God.

Pilipae 4:23

Mana, ia Batu ita Jesu Kristo mara ko tavisi qamu osiqamu.

Kameka Timoti 1:17

De koe Batu lavata ne, ia iki rove kaega le, mana ita basoero qatiki mazala kaega miana, mana iato i God ogoto go, vamazale ia, mana mazala i koe de i koego ia i ko ṉalu gado kuto na i kaega! Amen.

Judi 1:25

De i koe kameka so God dena i va kavele qita e de ikoe go Jesu Kristo Batu ita. I tora ita mata vazaka vitoṉona, i Batu lavata sivala, i varavarana, karaputa ia iko bana meso, iko ṉalu ninidena, mana tina ko dokae ka ṉalu gado kutona i kaega! Amen.

Revaleson 1:6

Ia i lama batu lavata ne qita mana i teke ne qita zazu patere go tatana osaka ne God tamana. Iago ita mata vazaka Jesu Kristo ikoego osina karaputa mana menomeno, osina ṉalu topu ro ne. Amen.

Revaleson 11:13

Torana so nae kameka nunu lavata sivala i vizua pua ne, mana va manoga tokoboro na komala lavata ne i tapero, mana vitumao basoero iri le. Do ria iriki le go kaega, iri lete sareki, iago iri vazaka vitoṉona God ikoego rani ne.

Revaleson 14:7

Ia i koru valavata me igo dena, “Muna vabatua God mana vazaka velaka ro ia! Tanego ṉalu ia tina varitanae ne go basoero na vudu pua ne, i lama doka to, iago muna vazaka ia, tanego iato ivazaria go rani mana pua, masi mana besi vuala ro go!”

Revaleson 5:12

Iri kera valavata, iri go dena, “Iato Tunana Sipi iri vale bana go dena, i torago tatana vazaka, karaputa ia, vavagado ia, tarove ia mana moqere ia. Iago itora ita mata vazaka mana vabatua menomeno mazala ia osina ṉalu topu ro ne!”

Revaleson 7:12

Iri go, “Iogoto sivala! Vazaka, karaputa mazala, tarove, seko velaka, vabatu, karaputa mana moqere gogo ne, i reqe meso de qo koego aro God remu, qo ko osina ṉalu topu ro ne, Amen!”