Pilipae 4:18 - Vato Vari Vakameka Voru Ia Batu Ne

¹⁸ Ia dena to seko velaka era sauna osina pata qamu teke nava go, mana i lete sivala ne topu na pata qa soko go. Osina pata qa soko go, era qa pala to ṉalu Epaparoditus i valama nava go era sosovolomo ro ramu. Sosovolomo ro ramu i nonoli meno, qamu soso zaqe de koe God, tavatavara i toqe ne mana i vakula go God.

Pilipae 4:18 ပူးပေါင်းရင်းမြစ်များ

Zazu Ria Apostoloro 10:4

Konilias i reṉa taru vanadu ne aqelo ne, i lete sareki mana igo, “Avana Batu?” Aqelo ne i vataule ne ia igo, “God i kula ne pepene ro aro, mana zazu vari nanao ro aro, iago i piri ne tina tavisi nigo.”

Leta Ia Pol I Karo Ne Qira Basoero Na Rom 12:1

Iago turaquro tanego God imanava ne qita topu na ṉalu iago era qa pene vakaraputa qamu ramu muna teke ne zaqe God too ramu gerena kameka komakoma tabo go tina vakula go God. Iato nae de igogo ramu qamu ara mazala go tavatavara ogoto ne go God.

Karua Korinti 11:8

Era ne, ria kero ne basoero lotu iri voli ava go, iri tavisi nava go era qa zazue de qamu koego, i gere so pata qa siko qirae go kesa qa tavise qamue go.

Karua Korinti 9:12

Sauna zazu qamu zazu nego iki sauqira so kaega basoero situ ia God, do itavisi napu ne qira kerone basoero tarina seko velaka ne de ikoego God.

Epesus 5:2

Mamaligara to mara kenaqa ne go too ramu, gerena Kristo i mamaligara ne qita, mana iteke ne qita too, gerena kameka sosovolomo i nonoli meno, mana God ikula ne komakoma nae.

Pilipae 4:12

Qa rove de igogo vari va nanama mana pala va sivale na pata ni tora go too era. Era qa rove bana pata pipika dena i koe de qa koe go era, go ia topu na ṉalu, topu dia era qa kula so, ṉalu qa kuma ba saqo. Ṉalu qa lete pala va topua, ba qa pala so desuka pata.

Karua Tesalonika 1:3

Turaquro, osina ṉalu remu timuna seko velake God. Itora remu timuna zazu ne, tanego vaogoto raramu i zaza popoka taru osina ṉalu, mana vari mamaligarae ramu tanuqamu i karaputa.

Iburu 13:16

Niki nanao kasupe ne zazu ne na pata velaka go tina tavisi ne qira kero ne basoero, tanego komakoma gere qira to pataro dena i vakula go God.

Kameka Pita 2:5

Ramu do muna gere ipaka ikoego too ṉalu tamuna lama garogaro go Batu ne. God tina vagere qamue ramu Pade Lotu ikoego too. Loborona pade nae ramu tamuna gere qira patere tabo ro ia God. Loborona vitoṉo na Jesu Kristo qamu mazala soso ne tavatavara ramu de ikoego God mana God tina lete kula ne go.