Pilipae 4:1 - Vato Vari Vakameka Voru Ia Batu Ne

¹ Iago turaquroe, era qa soko qamu mana qa lete nanao qamu, gerena, de go qamu vakula va era, mana vazakanapu era sauqamu ramu, iago turaquro era qa nanao ramu muna degere vanadu loborona too ramu de ikoego Batu ne.

Pilipae 4:1 ပူးပေါင်းရင်းမြစ်များ

Matiu 10:22

Basoero ne tariniki soko qamu kaega tanego i sauqu era. Do ka basoe i degere vanadu ne vaogoto ia deqa koego era, go tina za doka go valupolupo na, God tina vakavele ia.

Tarama Velaka Ia Jesu Kristo I Karo Go Jon 8:31

Jesu i sine ne qira vano Jiu iri vaogote go ia, “Ṉalu qamu vaogote go vari vatatana era, ramu qamu disipolo ogoto era.

Zazu Ria Apostoloro 11:23

Ṉalu i zadoka i mia de igogo God i vamakolo qira go basoero ne, ia i kula sivala, mana i seko vatalasara ne qira. I vane qira dena muma ko vanadu mana ruqe ze Batu ne loborona puṉuqamu.

Zazu Ria Apostoloro 14:22

Iru seko vakaraputa qira basoero iri vaogoto go mana iru seko vatalasara qira, go mara ria vanadua vaogoto ria, iru va rove qira e basoero ne, “Ita tatana soba topu na makuru, go tatana ra keba za go de i koe go vari miasoka ia God.”

Zazu Ria Apostoloro 2:42

Iri teke ne ṉalu ro ria go mara rove velake pataro iri vari vatatana ne go apostoloro ne, iri go. Gonae iri tavisi varikitaki kameka ṉaṉa mana kameka lotu go.

Leta Ia Pol I Karo Ne Qira Basoero Na Rom 2:7

Kakiaro basoe iri vanadue zazu ne na zazu velaka, mana iri taqi ze God menomeno, vamazala, mana too i too sivala go. De iri koe basoero nae God tina teke ne qira too gado kutona i kaega.

Kameka Korinti 15:58

Iago vakitaka ro era, degere vanadu mana ko vakaraputa. Variqo ze too ramu loborona zazu ia Batu ne, tanego qamu rove bana, kaega kaki pata i patavolomo ṉalu qamu zazu ne zazu ia Batu ne.

Kameka Korinti 16:13

Vanama taru, degere vanadue loborona vaogoto ramu, ko vakaraputa mana moqere go.

Karua Korinti 1:14

qa nanao kadigo ramu qamu mazala to nanao rove lupo qemu remu, go ṉalu tina doka go musaqara ia Batu ita Jesu, ramu qamu mazala to vazakanapu ne, tanego remu timuna ke ra ramu.

Qalesia 5:1

Kristo i lukasa qita ita, go qata ko talukasa go. Iago degere vanadu gere qira basoero iri ko talukasa, mana kasi vamao nena kaki basoe go mara vaseka napu qamu.

Pilipae 1:27

Pata tina lavata sivale de qamu koego ramu, de igogo koko ramu muna vasadake de igogo tatalina too i tora go Tarama Velaka ia Kristo. Go ṉalu tuna garetu mia qamu ba qaki garetu kaega, era tuna gata zatu so, ramu qamu degere vanadu mana kameka vato, mana qamu vari vatatana neso kameka pata, sauna so vaogote na Tarama Velaka ne.

Pilipae 1:8

God i rove, era qa sine seko i ogoto go, ṉalu qa sine, era qa lete nanao qamu ramu, gere so nanao i reqe mego puṉuna tanuna Jesu Kristo.

Pilipae 2:16

mana ṉalu qamu teke ne qira tarama na too, ṉalu ramu qamu zazu ne, era tina zari nava pata tuna kula ne qamu ego ramu ṉalu musaqara Kristo tina lama napu, tanego tina vasadake osina zazu ro era tiki vana volomo kaega.

Pilipae 2:26

Ia i lete soko tina miasoba qamu ramu, mana i lete maqata ṉalu ia i rove ramu qamu gata bana mokoso i vaego.

Kolosia 4:12

Kameka seko ramu Epaparasi i basoe zazu ia Jesu Kristo i vagaretu napua seko velaka ia de qamu koego ramu, osina ṉalu ia i pene vakaraputa ne sauqamu ramu, i pene God go tamuna degere vanadu loborona nanao vakazigarata, nanao rove, mana vaogote na Kristo.

Kameka Tesalonika 3:13

Loborona to zuka dena, nanao qamu tina karaputa napu. Mana ṉalu Batu ita Jesu Kristo tina ule palu me qira basoero ia, ramu tamuna degere tarakenaqana God Tamaqita, tanego too ramu i velaka mana tabo go.

Karua Tesalonika 2:15

Iago, ramu turaquro rnuna degere vanadu, mana palataru vanadua so seko ogoto qimu varove qamue go loborona to tamana mana leta ro remu go.

Karua Timoti 2:1

Sale era, ono karaputae loborona Mana i ke ita go loborona vari vakameka ita de ikoego Jesu Kristo.

Iburu 10:23

Mata pala taru vanadua vaogoto qata seko bana nego, tanego ita qata rove God i vavoto pataro i pui ne tina zazu ne go.

Iburu 3:14

Tanego ita osiqita qata kamekae Kristo ṉalu qata pala vanadua vaogoto ita de koe God gere na so kokoso pala qata vae nego.

Iburu 4:14

Ita mata pala taru vanadua vaogoto qata vasadake go. Tanego ita i ko qita batu ria patere ro i lete karaputa go, iato Jesu Sale ia God, i zako banae go rani ne.

Karua Pita 3:17

Do ramu turaquro, qamu rove bana pata ro dena. Iago muna miasoka va velaka napu qamu tanuqamu, niki go toqo va kasi ne qamue vaogoto qamu pala bana go.