Pilipae 3:8 - Vato Vari Vakameka Voru Ia Batu Ne

⁸ Iki pata nae so kaega, do osina to pataro qa zazu bana nego, qa vana lupo neto, go tuna toṉove go pata ni lete lavata sivala go volina, iato tarove ia Jesu Kristo Batu era. I sauna ia, era qa vana lupo ne osina pata qa nanao iki tora to kaega babanane na, iago qa nanao va gere ze uzaka osina pata, go era qa mazala pala na Kristo.

Pilipae 3:8 ပူးပေါင်းရင်းမြစ်များ

Luka 1:43

Avigo tane pata lavata dena ni lama doka ava go era, tanego sinana Batu era i lama tove ava go?

Luka 11:20

Do era karaputa ia God tane qa kakale qirae go manuru sakata rone. Ianae i vasadaka ogote dego vari miasoka ia God i lama ko banae de qamu koe ramu.

Tarama Velaka Ia Jesu Kristo I Karo Go Jon 14:20

Tina doka go musaqara na ne, ramu tamuna rove era qa koe loborona Mamae mana ramu qamu koe loboroqu era, gere na era qa koe loboro qamu ramu.

Tarama Velaka Ia Jesu Kristo I Karo Go Jon 14:7

I sine napu ne qira, igo, “Qamu rove ava era, iago qamu rove napua so Mamae go, pasi ninidena popoka gogo ne, ramu qamu rove Mamae mana qamu mia ze Mamae loborona era go.”

Tarama Velaka Ia Jesu Kristo I Karo Go Jon 16:3

Basoero ne tarina zazu ne pataro dena, de qamu koego ramu, tanego iriki rove kaega Mamae mana iriki rove ava kaega era go.

Tarama Velaka Ia Jesu Kristo I Karo Go Jon 17:3

Mana too iki rove go kaega lupo dena ne, italupase basoero ne tarina rove velake, aro to qo God ogoto, mana tarina rove napu ava era Jesu Kristo noqo turi nava mego.

Tarama Velaka Ia Jesu Kristo I Karo Go Jon 17:8

Pataro qo sine nava go, qa sine lupo ne qira to, mana iri vaogote to go, iri rove era qa koe mana qa reqe de qo koego aro, mana iri vaogote aro qo turi nava go era.

Tarama Velaka Ia Jesu Kristo I Karo Go Jon 20:13

Karua agelo ne iru tana ne Maria, iru go, “Qole, avigo tane qo dae go na?” Maria ivataule, “Kake ria iri lama pala vakuziki ne Batu era, mana qaki rove kaega kade iri za taru ze go!”

Tarama Velaka Ia Jesu Kristo I Karo Go Jon 20:28

Pasi nae Tomasi igo de, “Batu erae mana God erae!”

Zazu Ria Apostoloro 20:24

Do era qa nanao rove, too era i patavolomo so, era qa soko so vavotona zazu ni turi nave Batu ita Jesu ni teke nava, go tuna zazu ne, zazu igogo ne, era tuna vatatavata go Tarama Velaka na dego velaka ia God.

Leta Ia Pol I Karo Ne Qira Basoero Na Rom 8:18

Era qa nanao vaogote pataro qata makuru ne go ita ninidena iri patavolomo so, iki mazala kaega tina gere go too menomeno tina vasadaka mego God de qata koe go ita.

Leta Ia Pol I Karo Ne Qira Basoero Na Rom 8:39

Patavolomo kaki karaputa i kome go go zakazaka ba polana pua dena. Mana igo napu to pataro i vazaria go God, i makuru qira tarina vakuziki ne qitae go ita mamaligara ia God i vasadaka bana me ze go de qata koe go ita, Batu ita Jesu Kristo.

Kameka Korinti 2:2

Tanego torana ko tavisi qa vae qamu go, era qa nanao kasupe ne osina pata, do qa taru ze so nanaoqu de ikoego Jesu Kristo i le go koluse ne.

Kameka Korinti 9:10

Avigo i voto qita ita tane pataro i sine go nae? Ogoto na i voto qita ita pataro i karo go dena, basoe i leba mana basoe i vae pata gege ṉalu i velaka go, nogoto qiru tiruna zazu ne zazu riru, go tiruna pala go kena kena riru patana barue ne.

Karua Korinti 4:4

Ria ne iriki vaogote kaega Tarama Velaka ne, tanego Satana, god sakata na kolabana pua de, i lete va kodo qira. Iriki miasoba kaega tatavata i damara poka qira go, tatavata dena i vazazao go Tarama Velaka na tatavata mazala ia Kristo, ia i gere napua so God.

Karua Korinti 4:6

God i sine bana, vazari i vae nego kolabana pua ne, “Loborona de rodoko, tatavata ina damare.” Iato God dena so, ivatatavata ze go tatavata ia loborona puṉuqita. Tatavata dena i varove qitae tatavata mazala ia God, i damara ego tarakenaqana Kristo.

Qalesia 1:16

i vasadaka nava Sale ia, go era tuna tarama ne go Tarama Velaka ia de iri koego vano iriki Jiu go kaega. Zazu era dena qaki taqi ze kaega kaki basoe go tina vatatanava go,

Epesus 4:13

Loborona to vatovato dena osiqita tatana lama kamekae go vaogoto ita, mana rove na qata salero ia God. Mana ṉalu ita tatana basoe kazigarata, ita tatana lama dokae go tutukununa too totoloṉo sivala ia Kristo.

Pilipae 1:1

Pol mana Timoti, karua basoe zazu ia Jesu Kristo, iru karo go leta dena, de iri koego basoero ia God iri koego Pilipae, ria iri kameka ego Jesu Kristo, ria napu batubatu na lotu mana vano iri zazu tavisi go.

Pilipae 3:10

Pata qa soko go era, rove na mana nanao rove na de go karaputa na too napu ia Jesu tepa le ne. Ma kena tavise vokara ia, mana ma gere ia i le go.

Pilipae 3:12

Muniki nanao ramu, era qa va lupo bana osina pata, qa velaka ba totoloṉo bana. Do Kristo i pala taru ava era, iago era qara teteṉe so, mana qa lete pada ne tuna za doka ego lala ne.

Pilipae 3:7

Do osina pataro nae era qa pala lupo bana, ninidena qa vana valupo neto tanego era qa lulua to Kristo.

Karua Timoti 4:6

Torana dena ne, i lama doka to ṉalu era tuna le. Too era tina gere to vino iri zele ze go sara niri komakoma ego.

Iburu 3:14

Tanego ita osiqita qata kamekae Kristo ṉalu qata pala vanadua vaogoto ita de koe God gere na so kokoso pala qata vae nego.

Kameka Pita 2:7

Ipaka to dena ilete mazala sivala ne qamu go ramu qamu vaogote go Kristo, do ria iriki vaogote kaega, Buka tabo ne igo, “Iato ipaka iriki ruqe go kaega vano zazu pade ne, iato itaitana mana i lete mazala sivala go ṉalu ninidena.”

Karua Pita 1:2

Go Mana mana bule mara koe de qamu koe ramu, loborona rove velaka ramu de ikoego God, mana Jesu Kristo Batu ita.

Karua Pita 1:3

Loborona karaputa ia God, Kristo i teke ne qita osina pataro i tora go too ita, go tatana lulua go totoloṉo ia God. Loborona rove ita de i koe Jesu Kristo, ia i koru bana qita go tatana pala tavise go menomeno na karaputa mana totoloṉo iago.

Karua Pita 1:8

Ṉalu too igogo nae i koe loborona too ramu, mana i zaza popoka gogo ne, ramu tamuna lete velaka sivala. Mana too ramu tina ko ure velaka na go, tanego qamu rove velake Jesu Kristo i Batu ita.

Karua Pita 3:18

Do ramu muna pala va popoka loborona velaka, mana roverove velaka ramu de ikoego Batu ita, mana vari vakavele ita Jesu Kristo. De ikoego ia mata vazaka vitoṉo na nini, mana ṉalu topu ro ne. Amen!

Kameka Jon 1:3

Pata qimu mia mana gata gogo ne qimu sine napu ne qamu so ramu, iago ramu muna ko kamekae de qimu koe remu loborona varikitaki qimu pala ze go God Tamaqita, mana de ikoego sale ia Jesu Kristo.

Kameka Jon 2:19

Basoero dena iriki basoero ita to kaega, iato go iri kasi ne qita go ita vano qata vaogote go Kristo. Ṉalu ria tarakasi ne qita go kaega, ria tara ke ita to. Do tanego iri kasi ne qita, iato go i sadaka va velaka me to iriki ke ita go kaega.

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.