Pilipae 3:5 - Vato Vari Vakameka Voru Ia Batu Ne

⁵ Era qa kosi taramuzina kavitu musaqara, vanovano era iri vano Izirel, qa reqe me sinaqe ia Bejamani, qa parasa totoloṉo na Iburu, qa zazu ne osina pata ikoego tamana ro ria vano Jiu tuna lulua, tanego qa valeke Parisio.

Pilipae 3:5 ပူးပေါင်းရင်းမြစ်များ

Luka 1:59

Ṉalu sale ne i kavitu to musaqara na, basoero ne iri lama ko tavisi, ṉalu tina kosi go sale ne, mana iri soko tarina vitoṉo ze Zakaria, vitoṉo soka na tamana.

Luka 2:21

Taramuzina kavitu musaqara, iri pala za sale medara ne go tarina kosia go, mana iri tekene vitoṉo na, iri vitoṉo ze Jesu. Gerena so ni sine bana go aqelo ne tarakenaqana kakate nivae nego sinana.

Luka 5:38

Do vino voru ne tina zele zaqe so pata tarutaru vino voru ne!

Zazu Ria Apostoloro 22:3

Era qa valeke Jiu, qa podo e komala Tarsus, loborona vudu Silisia, do era qa lama e Jerusalema mana qa sale sikulu ia Qamalia. Iva tatana ve era dego tuna miasoka ba lulu velaka na tamana ro iri lulu bana mego kazigarata bana ro ita, mana era qa teke too era de go qa zazu ne God, gere so osiqita qata ko go de ninidena.

Zazu Ria Apostoloro 23:6

Ṉalu Pol i mia basoero iri lama teṉoe go pepeu ne, kakiaro iri vano Sadusi, mana kakia ro iri vano Parisio, iago ia iseko vamazala age loboro qira vano iri koego pepeu ne. “Ramu Onotoquro na Izirel! Era qa kaki valeke Parisio qa sale ria vano Parisio go. Era qa lama go qamu pada nave go loborona pepeu dena, tanego qa vaogote ria iri le bana go tarina too napu me tepa le ne!”

Zazu Ria Apostoloro 6:1

I umata a qe desuka, basoero iri vaogote go Jesu iri topu ziki, gonae vari va legu, i koe loboro qira vano Qrik iri seko va Jiu, mana vano ogotona Jiu go. Vano Qrik iri seko va Jiu go iri go, “Ramu qamuki tavisi ne qira so kaega qolero nanaro ro remu, ṉalu qamu soso ne go pata gege mana kesa nogotona musaqara, de iri koego vano iri ko makuru go.”

Leta Ia Pol I Karo Ne Qira Basoero Na Rom 11:1

Iago, qa tana, Avigo God iki soko qira kaega basoero ia Izirel ba? Kaega! Era tanuqu do qa basoe Izirel, qa reqeme kaki kameka popodo basoe ia Abra-am mana qa basoe na sinaqe ia Bejamani.

Karua Korinti 11:22

Ṉalu ria iri go iri basoe na Iburu? Era do qa basoe Iburu so, iri go iri vano Izirel. Era do qa basoe Izirel so. Iri go iri reqe me popodo ia Abra-am? Era do qa reqe napu meso vapopodo ia Abra-am go.