Pilipae 3:2 - Vato Vari Vakameka Voru Ia Batu Ne

² Miasoka tanuqamu, de iri koego vano iri zazu ne go vatovato sakata, vano iri gere qira sika ro, mana ria iri toqe nego tarina kosi va takaba go tokamana qira.

Pilipae 3:2 ပူးပေါင်းရင်းမြစ်များ

Matiu 24:10

Ṉalu nae topu basoero tarina vana ne vaogoto ria mana va besa ne kene basoe mana tariniki soko kaega kene basoe go.

Matiu 7:15

Jesu igo napu dena, “Muna mia velaka qira basoero, tanuqira iri propeta ia God iri go do iki ogoto kaega. Tanego ṉalu iri lamae de qamu koego ramu, iri gere basoe ki mimia vari vasareki kaega. Do dego loborona too ogoto ria i vari vasareki, iri gere qira sikapiru ro.

Matiu 7:6

Kasi tekene qira sika ro pata tabo i tavine go dekoe God, tanego tarina za ule me lama kabala qamu. Kasi vanaqe na kaki pata lete menomeno ramu dekoe boko ro tanego tarina kube vasakate so.”

Leta Ia Pol I Karo Ne Qira Basoero Na Rom 2:28

Iago basoe Jiu mara basoe Jiu ogoto to, mana kosi i vae go ne iki pata so kaega vasadakena tokamana go ni basoe Jiu ogoto go.

Karua Korinti 11:13

Basoero dena iriki apostolo ogoto kaega, iri apostolo poqepoqe so, iri poqe ne zazu ro ria mana iri va mimia vagere qirae tanuqira iri apostolo ogoto ia Kristo.

Qalesia 5:13

Do de qamu koego ramu turaquro, God ikoru bana qamu tamuna ko talukasa. Do ko talukasa ramu dena, kasi vamao nena pata sakata ni soko go tokama qamu go tamuna lulua go. Do mamaligara ramu muna varisoso ne ze de qamu koego.

Qalesia 5:15

Do ṉalu qamu muma mana varitara taru so loborona koko ramu, muna miasoka, ṉalu nae to tamunara lete vasakate go ko kameka ramu.

Qalesia 5:6

Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.

Pilipae 3:19

Ria nae ne, tarina va lupo ze nako ne, tanego iri va god napua pata i soko go tokama qira. Iri kula sivala ne pata i tora go tarina agava ne, mana iri nanao so pata na ro pua dena.

Pilipae 3:3

Iki ria kaega, do ita to qata pala go vari kosi ogoto, tanego qata vazaka God loborona Spirit ia, mana qata kula ne too ita loborona vari vakameka ita de koe Jesu Kristo. Ita qatiki ara vaogote kaega kaki zazu i sadaka mego tokama.

Kameka Timoti 1:19

mana sotia vaogoto aro mana nanao velaka loborona puṉumu. Kakiaro basoero iriki lulua kaega nanao velaka loborona puṉuqira, iato go vaogoto ria i zaza kakavata go.

Taetusi 1:16

Patavolomo tane i sine, irove God igo, do vatovato ia tanuna ivasadake i vae napua so seko ia tanuna. Basoero iri gogo nae, iri vano sakata, iriki toqe ne kaega vaogote na God, mana i makuru qira tarina zazu ne kaki pata velaka go.

Karua Pita 2:22

Pata i doka qira go ne, i vasadaka ogoto me to kaki seko vapadapada ogoto igo dena, “Sika i lua mana i ge napua mana boko i seqe lupo mana za kuru napu ne lomi go.”

Judi 1:4

Tanego kakiaro basoero iri keba siko me de qata koe go ita vano lotu mana ria dena iriki soko kaega osaka ne na God mana iri itane Mana ia God valulu ze vatovato sakata ro mana iriki toqe ne kaega Jesu Kristo qata va Batua go ita. Do Buka tabo ne i sine bana meso ia tane kimata tina pala qira basoero dena.

Revaleson 2:9

Era qa rove napua qamu ramu soba makuru mana qamu situ go, do qamu vavagado napu so. Qa rove basoero iri seko vasakata qamu go nae ne, iriki vano Jiu ogoto kaega, basoero nae ne iri vano zazu ia so Satana.

Revaleson 21:8

Do basoero i kaega ne qira padapada, vano iri vabesa nego vakitaka ro ria, vano iriki agava ne kaega vasadake na vatovato sakata ria, vano iri vae vale basoe, mana vano iri zazu nego zazu tatakiu mana vari vagabu, ria iri vazaka qira go beku poqepoqe ro gogo ne, varuana le ria ne, iato bolu na nako i poto sadaka mego loborona pua ne.”

Revaleson 22:15

Do basoero iriki agava ne kaega vasadake na vatovato sakata ro ria, vano zazu tatakiu, vano vari vagabu, vano iri vae vale basoe, vano iri vazaka go beku poqepoqe ro mana vano iri poqe ne seko mana vatovato ria gogo ne, tarina koe so pekapeka na komala lavata ne.

Revaleson 3:9

Muna gata! Tautau iri vazaka go Satana nae, iri go iri vano Jiu, do iki ogoto kaega, iri poqe so, era tuna va rabatavakapata qirae make qamu ramu, ṉalu nae tarinara mia rove era qa lete mamaligara ne qamu ramu.