Pilipae 3:18 - Vato Vari Vakameka Voru Ia Batu Ne

¹⁸ Qa sine bana ne qamu topuna ṉalu pataro dena mana ninidena i sone to mataqu qa sine patu napua, iko topu ria basoero iri kana ze too ria vaogoto na le i vaego Jesu koluse ne.

Pilipae 3:18 ပူးပေါင်းရင်းမြစ်များ

Luka 19:41

Ṉalu Jesu i lama garogaro to komala lavata Jerusalema, mana ṉalu i mia zaqe i dae tanego i lete nanao komala lavata ne,

Zazu Ria Apostoloro 20:19

Loborona ṉalu qa maqata mana qa dae, era qaki vazakanapu kaega loborona makuru ro qa soba go, tanego nanao ro ria vano Jiu iri soko vae vale ava, do era qa zazu ne so zazu ia Batu ita, Jesu.

Leta Ia Pol I Karo Ne Qira Basoero Na Rom 9:2

I tatavata sivala maqata era, mana iki mamanava kaega vokara ikoego puṉuqu sauqira vano Jiu iri velaka qu tanuqu.

Kameka Korinti 1:18

Tanego tarama na le i vaego Kristo koluse ne, i patavolomo e de iri koe ria iri rore go de koe God. Ba de qata koego ita qata kavele go, i karaputa ia God.

Kameka Korinti 6:9

Pata ogoto ramu qamu rove, basoero iri zazu ne too iki totoloṉo go kaega, tariniki pala kaega Too ikoego vari miasoka ia God. Iago kasi va bulaṉoe na tanuqamu, basoero iri vari vagabu mana iri vazaka go beku ro, ba taunata, valeke ro iri vari vagabu tanuqira go,

Karua Korinti 11:13

Basoero dena iriki apostolo ogoto kaega, iri apostolo poqepoqe so, iri poqe ne zazu ro ria mana iri va mimia vagere qirae tanuqira iri apostolo ogoto ia Kristo.

Karua Korinti 11:29

Ṉalu kaki basoe i pela, era do qa pela napu so, ṉalu kaki basoe i sorue vasakata pata, era tuna lete maqata sivala.

Karua Korinti 2:4

Ṉalu qa karo go leta dena, era qa lete maqata mana nanaoqu iki kula kaega, mana qa dae, do era, go qa karo zatu go leta dena qaki soko kaega tuna va maqata qamu ramu, do qa soko muna mia rove ramu, era qa lete mamaligara ne qamu ramu.

Qalesia 1:7

Do pata ogotona ne, ikaega napu kaki Tarama Velaka, tanego kakiaro basoe iri lama vasakate nanao qamu mana pada ne itane na Tarama Velaka ia Kristo. Igo nae ia tanego qa sine ne qamu go.

Qalesia 2:14

Iago ṉalu era qa mia iriki lulua kaega de igogo totoloṉo na zuka na vaogoto na Tarama Velaka, era qa sine ne ze Pita tarakenaqa qira basoero topu. Qa go, “Aro qo valeke Jiu, do qo lulua go vatovato ria vano iriki Jiu go kaega mana ko aro do qoki gere qira kaega vano Jiu. Iago ava tina go tono vatutubo qirae vano iriki Jiu go kaega, go tarina lulua go vatovato ria vano Jiu na?”

Qalesia 2:21

Era qaki kasia kaega mamaligara ia God. Do ṉalu basoe iko totoloṉoe de ikoe God sauna luluna so Tamana, ṉalu igogo nae, le ia Kristo i patavolomo so.

Qalesia 5:21

Ma sine vakaraputa ne qamu, gerena so qa sine bana ne qamu go, basoero iri zazu ne too ba vatovato igogo dena, i makuru qira tarina pala go Too ikoego vari miasoka ia God.

Qalesia 6:12

Basoero iri vatutubo qamue go ramu kosi ne, ria to iri vazaka napu go, mana iri vari vatatana ne pataro i sadake go tokama qira. Iri zazu ne pata dena, i sauna so niki go basoero ne vavokara qirae sauna iri vaogote go koluse ia Kristo iri go so.

Qalesia 6:14

Do de qa koego era ne, tuna vazakanapu ne koluse ia Batu ita Jesu Kristo. Tanego pata izazu ne go Kristo ṉalu ile go koluse ne, i sauna to vatovato na vudu pua dena i le bana ne to nanaoqu era mana era qa le palu bana to Kristo. Iago, ma kasi luluna vatovato ia vudu pua dena.

Epesus 4:17

Loborona vitonona Batu ita ne, era qa seko vabanabana qamu ramu, kasi ko gere napu qira vano rodoko tanego nanao ro ria, izaza volomo so.

Pilipae 1:4

Osina ṉalu qa pene ne qamu, qa pene e loborona kulakula,

Kameka Tesalonika 4:6

Sauna pata dena, kaega kaki basoe mara tatakiu ne, ba zazu ne zena pata i sakata go kene basoe lotu. Remu qimu sine vamoqere mana vabanabana qamue ramu, God tinara vakimata qira basoero iri zazu ne go vatovato igogo ne.

Karua Tesalonika 3:11

Qimu sine pata dena, tanego qimu gata zatu kakia ro basoe iri koego de qamu koego iri muaka ne zazu, iri telo volomo so, do iri poro sine ne qira basoero ne pata ro mara zazu ne go iri go.

Karua Pita 2:10

Basoero iri kimata go dena, ria to basoero iri zazu ne go vatovato sakata de ikoego kene basoe, mana iri mia vaqoqore karaputa ia God go. Mana vano vari va tatana poqepoqe ro dena iri vazaka napu, mana iri lulua so nanao ria tanuqira. Iriki nanao vamazale kaega aqelo ro iri koego rani zakazaka ne, mana iri seko va qoqoro qira go.

Judi 1:13

Ria basoero igogo dena too vari va agava iri zazu ne go, iri gere so oba zavarata isasapa i za pala me soso sinaqe na uzaka ro mana lama taru ze rikisi go. Iri gere domiri ro iri kasi ne de koko ria gonae God itaru qira qe kaki dia i rodoko tarina koe go osina ṉalu.