Pilipae 3:15 - Vato Vari Vakameka Voru Ia Batu Ne

¹⁵ Osiqita ita i kazigarata go too na madau qita, mata pada ne pala na kameka nanao. Do ṉalu kakiaro ramu qamu pala go nanao kakavata, God tina va tatavata ne qamu.

Pilipae 3:15 ပူးပေါင်းရင်းမြစ်များ

Matiu 5:48

Iago muna lete va velaka sivale loborona zazu ramu dekoe Batu ne, gerena God i lete velaka sivala, i mamaligara ne qamu go.”

Luka 11:13

Ramu qamuki vano totoloṉo kaega do, ramu qamu rove pata i velaka so tamuna teke ne qira go sale ro ramu. Tamaqamu ikoego rani i lete velaka sivala ne qamu ramu. Tina teke ne qira Spirit tabo ria iri pene go!”

Tarama Velaka Ia Jesu Kristo I Karo Go Jon 6:45

Seko ro iri karo bana go propetaro ne igo de, ‘God tina vatatana qira basoero topu,’ iago ka basoe i gata vari vatatana ia Mamae mana i lulua gogo ne, basoe nae to i lama va era.

Tarama Velaka Ia Jesu Kristo I Karo Go Jon 7:17

Basoe i soko go luluna nanaona God, ia tina mazala so mia rove na vari vatatana era. I mazala so rove na, avigo vari vatatana era i reqe me dekoe God, ba i reqe meso nanao mana karaputa era tanuqu go.

Leta Ia Pol I Karo Ne Qira Basoero Na Rom 15:1

Ita i karaputa go vaogoto ita mata tavisi ne qira, vano i memelaka go vaogoto ria, sauna papala maqata ro ikoe go de iri koe go. Mata kasi nanao na so tanuqita.

Kameka Korinti 14:20

Vakitakaro era kasi pala na nanao gere qira sale ro, do ṉalu qamu zazu ne too i sakata go, ramu muna gere qira salero, do nanao qamu mara nanao kazigarata.

Kameka Korinti 2:6

I ogoto era qa tarama ne tarove de iri koego vano iri kazigarata go mana i karaputa go vaogoto ria. Do iki tarove na kaega kolabana pua dena, ba tarove ria vano iri kenaqa ne go kolobana pua dena, batu ro nae karaputa ria tina i za qoqoro so.

Qalesia 5:10

Ba era qa ruqe qamu ramu. Loborona too ba va kameka ita de ikoego Batu ne, qa vaogote ramu tamuna lulua so nanao qu era. Patavolomo basoe ivaqoqore go nanao qamu, do God tinara vakimate ia.

Epesus 1:17

Mana qa pene God, de ikoego Batu ita Jesu Kristo, sauna Tamaqita ni lete menomeno sivala go mara teke ne qamu Spirit tabo go mara vatarove qamu. Mana mara vasadaka ne qamu God go tamuna rove go ia.

Kolosia 1:28

Iago qi tarama ne de go Kristo de iri koego basoero ne. Osina tarove qi mazala go, qi vabanabana qira mana vatatana qira, go osiqira tarina lama e tarakenaqana God, go tarina pala go too kazigarata loborona vari va kameka de koe Kristo.

Kolosia 4:12

Kameka seko ramu Epaparasi i basoe zazu ia Jesu Kristo i vagaretu napua seko velaka ia de qamu koego ramu, osina ṉalu ia i pene vakaraputa ne sauqamu ramu, i pene God go tamuna degere vanadu loborona nanao vakazigarata, nanao rove, mana vaogote na Kristo.

Kameka Tesalonika 4:9

Era tuniki ara karo ne qamu kaega de igogo tamuna mamaligara ne qira go kero ne vano lotu. Tanego God i varove bana qamue de igogo qamu vari mamaligarae go.

Karua Timoti 3:17

Sauna to seko ro nae, ita basoero ia God qata mazala luluna too mana vatovato velaka, go tina tora vavelaka qita zazu ne na zazu velaka ro go.

Iburu 5:14

Do ka basoe i ge go patagege i magoro ne, i basoe lavata to, imazala to mia rove na pataro i sakata go, mana pataro i velaka go.

Kameka Jon 2:5

Do ṉalu basoe ilulua go seko ia God, iato basoe nae to ilete mamaligara ogoto ne go God. Ianae to qata mazala go rove velaka na ita qata ko kameka ogote go de i koe go God.