Pilipae 3:12 - Vato Vari Vakameka Voru Ia Batu Ne

¹² Muniki nanao ramu, era qa va lupo bana osina pata, qa velaka ba totoloṉo bana. Do Kristo i pala taru ava era, iago era qara teteṉe so, mana qa lete pada ne tuna za doka ego lala ne.

Pilipae 3:12 ပူးပေါင်းရင်းမြစ်များ

Matiu 5:48

Iago muna lete va velaka sivale loborona zazu ramu dekoe Batu ne, gerena God i lete velaka sivala, i mamaligara ne qamu go.”

Zazu Ria Apostoloro 9:15

Do Batu ne i sine ne ia, “Ono za aro, tanego era qa vine, ia tina basoe zazu era, mana ia tina varove qira basoero iriki Jiu go kaega mana batu lavataro mana vano na Izirel sauna vitoṉoqu era.

Leta Ia Pol I Karo Ne Qira Basoero Na Rom 8:39

Patavolomo kaki karaputa i kome go go zakazaka ba polana pua dena. Mana igo napu to pataro i vazaria go God, i makuru qira tarina vakuziki ne qitae go ita mamaligara ia God i vasadaka bana me ze go de qata koe go ita, Batu ita Jesu Kristo.

Kameka Korinti 13:10

Do ṉalu pata i lete velaka sivala go na tina lama, osina pata iki totoloṉo bana go kaega tina zaga lupo.

Kameka Korinti 13:12

Ninidena ita qata rove so desuka de igogo God, i gere so qata reṉa e sirosiro iki lete sadaka vavelaka go kaega, do ṉalu tinara lama go, tatana mia osina pata totoloṉo de koe matana God, ṉalu nae to ita tatana ra rove go osina ro pata, gere God i rove go osina de qata gogo ita.

Kameka Korinti 9:24

Ramu qamu rove bana, topu basoero iri mazala go teteṉe ṉalu na varivose, do kameka so basoe tina pala go voli, tanego i doka kenaqa, iago osiqamu basoero muna teteṉe va velaka, go tamuna pala go voli qamu.

Karua Korinti 13:9

Remu qi kula ṉalu ramu qamu karaputa, patavolomo remu qi pela, iago remu qi pene God go ramu tamuna lete dalo mana ko totoloṉo go.

Karua Korinti 7:1

Iago vakitaka ro era, God i pui bana ne qita topuna pataro dena, iago ita mata vadalo tanuqita, sauna pataro i mazala go va poṉo na tokama qita ba madau qita, mana mata vatabo too ita. Mata padapadae de ikoego God loborona too ita.

Qalesia 5:17

Tanego pata sakata isoko go basoe na vudu pua dena, iki soko kaega Spirit tabo. Pata velaka isoko go Spirit tabo iriki soko kaega basoero na vudu pua dena go. Riru karua too dena iru varivakakavatae mana iato dena i talukasana go i makuri go tono zazu ne go pata qo soko go zazu nena.

Epesus 1:4

Tarakenaqana go iara vazaria go vudu pua, God i vine bana qita de ikoego Jesu Kristo go mata ko totoloṉo mana tabo, go mara kaega ne qita kebu tarakenaqana tanuna sauna mamaligara ia.

Epesus 4:12

Ia izazu ne pata dena go mara vanama ne qira basoero ia God sauna zazu ne na zazu ia, go tarina vadegere go mana vazazao popoka tokamana Kristo.

Pilipae 1:1

Pol mana Timoti, karua basoe zazu ia Jesu Kristo, iru karo go leta dena, de iri koego basoero ia God iri koego Pilipae, ria iri kameka ego Jesu Kristo, ria napu batubatu na lotu mana vano iri zazu tavisi go.

Pilipae 3:16

Patavolomo igogo nae, ita mata, lulua so, Tamana qata lulu bana go, go i doka go ninidena.

Pilipae 3:3

Iki ria kaega, do ita to qata pala go vari kosi ogoto, tanego qata vazaka God loborona Spirit ia, mana qata kula ne too ita loborona vari vakameka ita de koe Jesu Kristo. Ita qatiki ara vaogote kaega kaki zazu i sadaka mego tokama.

Pilipae 3:8

Iki pata nae so kaega, do osina to pataro qa zazu bana nego, qa vana lupo neto, go tuna toṉove go pata ni lete lavata sivala go volina, iato tarove ia Jesu Kristo Batu era. I sauna ia, era qa vana lupo ne osina pata qa nanao iki tora to kaega babanane na, iago qa nanao va gere ze uzaka osina pata, go era qa mazala pala na Kristo.

Kameka Tesalonika 5:15

Kaega kaki basoe mara zazu ne ze go kene basoe pata i sakata go. Do osina ṉalu muna pada ne zazu ne na pata velaka de qamu koego, mana kero ne basoero go.

Karua Tesalonika 2:13

Turaquro, i tora remu mi seko velaka ne God osina ṉalu, sauqamu ramu, tanego Batu me i mamaligara ne qamu. God i vine kenaqana bana qamu tamuna kavele loborona karaputa ia Spirit tabo, go ramu tamuna basoero tabo ia loborona vaogoto na seko ogoto ia.

Kameka Timoti 5:10

mana qole nanaro nae, basoero ne tarina mia vamazale ia loborona zazu velaka ro ia, i miasoka velaka qira sale ro ia, i vakeba qirae basoero kakavata pade ia, mana i sabore makeqira vano iri vaogote go Kristo go. I tavisi ne qira basoero iri soba makuru loborona too ria mana tina kaki qole i pada ne zazu ne na pata velaka osina ṉalu go.

Kameka Timoti 6:19

Zuka nae ne iri mazala babana vatopua pata vavagado mana vanama velaka ne ṉalu muzi. Mana iri mazala to palana too ogoto nae iki rove go kaega lupo.

Iburu 12:14

Padane koena loborona bule osiqamu, mana pada ne koena too i tabo go. Tanego kaega kaki basoe i mazala go mia na God ṉalu iki lulua go kaega too velaka.

Iburu 12:23

Qamu lama kula tavisi qira basoero iri kameka qoqoṉo go gere qira salero podo kenaqa ia God, vitoṉo qira i ko banae buka na rani ne. Qamu lama dokae de koe God, ia tina zazu ze vivine ia de iri koego osiqira basoero. Qamu lama vakameka ne madau qira basoero iri totoloṉo bana, tanego God i va basoe totoloṉo bana qira.

Jemisi 3:2

Osiqita qata zazu ne so pata kebu. Do ṉalu kameka basoe iki vakebua go kaega seko ia, iato i basoe totoloṉo sivala go mana i mazala to miasokana too iago.

Kameka Pita 5:10

Do taramuzina vokara pusi dena, God i ko nego Mana, i koru qamu go tamuna pala tavise menomeno ia i ko gado kutona i kaega. Loborona to va kameka ramu de ikoego Kristo, tanuna tinara va totoloṉo velaka qamu, mana tina teke ne qamu, karaputa, mana vadegere vanadu qamu go.

Karua Pita 3:18

Do ramu muna pala va popoka loborona velaka, mana roverove velaka ramu de ikoego Batu ita, mana vari vakavele ita Jesu Kristo. De ikoego ia mata vazaka vitoṉo na nini, mana ṉalu topu ro ne. Amen!