Pilipae 3:11 - Vato Vari Vakameka Voru Ia Batu Ne

¹¹ Loborona ruqe era nae, era tanuqu ma too napu me tepa le ne.

Pilipae 3:11 ပူးပေါင်းရင်းမြစ်များ

Luka 14:14

Aro tono pala makaolo, tanego ria tina makuru qira soka vaule nigo, do God tina soka vaule nigo aro ṉalu basoero velaka tarina too napu mego tepa le ne.”

Zazu Ria Apostoloro 23:6

Ṉalu Pol i mia basoero iri lama teṉoe go pepeu ne, kakiaro iri vano Sadusi, mana kakia ro iri vano Parisio, iago ia iseko vamazala age loboro qira vano iri koego pepeu ne. “Ramu Onotoquro na Izirel! Era qa kaki valeke Parisio qa sale ria vano Parisio go. Era qa lama go qamu pada nave go loborona pepeu dena, tanego qa vaogote ria iri le bana go tarina too napu me tepa le ne!”

Zazu Ria Apostoloro 26:7

Iato kameka patana so ria manoga karua sinaqe na basobasoero remu, iri soko go toṉove na, vazaka iri vae ne go God, kuse mana musaqara go. Tanego i sauna to patta dena, batu iri va paqo ve go era seko vano Jiu!

Zazu Ria Apostoloro 27:12

Sabarana nae iki velaka kaega koe na ṉalu sokoro, iago topu ria basoero iri koego koluka ne iri soko toka za mana pada ne za dokae na Ponikisi mana za koe de gogo ne torana ṉalu sokoro. Ponikisi i kaki loqu na kereti i tabali za tepa zununa saṉa.

Leta Ia Pol I Karo Ne Qira Basoero Na Rom 11:14

Kadigo era qa va qora qira basoero na sinaqe era tanuqu sau qamu ramu, ianae ne era qa soko go kakia ro ria mara vakavele qira God qa go.

Kameka Korinti 15:23

Do nogotona basoe tina lulua dego zukazuka na, ṉalu tarina too me tepa le, kenaqana. Kristo, mana taramuzina ṉalu tina za ule me, ita to basoero ia God go.

Kameka Korinti 9:22

Torana ṉalu qa ko tavisi qira go vano i pela go vaogoto ria de i koe Kristo, era qa pela napu, go tuna tavisi ne qira, go vaogoto ria tina karaputa. Iago qa lulua so de iri gogo basoero ne, qa pada ne topu na zuka go ma tavisi ne qira kakiaro basoero, go tarina pala too ogoto.

Kameka Korinti 9:27

Qa dupo tarua so tokamaqu, gogo tuna valulu ze de qa soko go tanuqu, go tina vaogoto ava era. Tanego ṉalu tuna koru qira kero ne basoero tarina lama tavisi go varivose dena, mara kasi lama sine na, “Era qa vae tamana na varivose ne,” mana vakuziki navae varivose dena.

Karua Korinti 11:3

Do qa sareki ne pata i doka bana go Eva niki doka qamu ramu. Dole ne ilete tarove, ia i va soru ze vasakata pata Eva. Iago tina gere napua so, nanaoqamu ramu ṉalu tamuna za riro mana tamuniki nanao vamazale kaega Kristo go.

Kameka Tesalonika 3:5

Ia to nae tago qa turine zatu go Timoti go mara garetu rove vaogoto raramu. Era qa nanao vokara ne, Satana niki pada ne qamu ramu, niki go osina zazu ro reremu za patavolomo so go.

Karua Tesalonika 2:3

Muniki vamao ne qira basoero ne mara poqe qamu, tanego musaqara muzimuzi tiniki lama volomo kaega. Kenaqana ne basoero ne tarina varitarae de ikoego God, mana basoe iri vitoṉo ze, “Basoe vae tamana”, tina za lama kenaqa napu go. Basoe nae to, God tina lete vasakate go.

Karua Timoti 4:8

Iago God i soti bana voliqu, mana vano iri valupo velake go vari vose ne go, Batu Jesu Kristo iato i tavine ne go tina zazu nego vivine ṉalu musaqara muzimuzi, tina teke nava go voli qu. Mana loborona to musaqara nae, ia tina teke napu ne qira kameka ado na voli igogo ne, de iri koego ria iri rove go ia, mana iri piri ne ṉalu ia tina ule mego.

Iburu 11:35

Qolero iri vaogote go God, iri pala vaule napua sale ro ria ba vano vano ria iri le bana go. Do kero ne basoero napu iri vaogote go God, iriki toqe ne kaega ko talupasa, mana iri le loborona vari vae vale i sakata sivala, go tarina pala too velaka ṉalu muzi.

Revaleson 20:5

Ia dena, i vari vatoo kenaqa God i zazu ze de iri koego vano le. Do osiqira kero ne vano le God iki va too qira kaega, do tarina piri ne so kameka mao masirani tina lupo go.