Pilipae 2:30 - Vato Vari Vakameka Voru Ia Batu Ne

³⁰ tanego ia, i teke too ia mana i garogaro le ne, sauna zazu ia Kristo, i zazu ne osina pataro dena, go tina tavisi navae era kakiaro zazu ni makuru qamu go ramu tamuna tavisi navae go.

Pilipae 2:30 ပူးပေါင်းရင်းမြစ်များ

Zazu Ria Apostoloro 20:24

Do era qa nanao rove, too era i patavolomo so, era qa soko so vavotona zazu ni turi nave Batu ita Jesu ni teke nava, go tuna zazu ne, zazu igogo ne, era tuna vatatavata go Tarama Velaka na dego velaka ia God.

Leta Ia Pol I Karo Ne Qira Basoero Na Rom 16:4

Iru vele le neto sauna tavisi riru de qa koe go era, iago era qa lete kula sivala ne to era de iru koe go riru, mana igo napu to vano lotu iriki Jiu go kaega go.

Kameka Korinti 15:53

Tokama i mazala noli, do tina kavala mana tiniki ara noli napu kaega. Tokama i rove le, do tina kavala mana tiniki ara le kaega.

Kameka Korinti 16:10

Ṉalu Timoti tina lamae de qamu koego, muna vagado velaka ze de qamu koego, tanego Timoti i zazu napu neso zazu ia Batu ne, i gere napu ava so era.

Kameka Korinti 16:17

Era qa kula ṉalu Stepanasi, Potunatasi mana Akaikusi iri lama doka go, iri lama doka ṉalu ramu qamuki lama kotavisi ava kaega,

Karua Korinti 12:15

Era qa kula sivala qa vazazua go osina pataro i konava go na tavisi ne qamu ramu, patavolomo too era go. Iago, avigo ramu tamuniki lete mamaligara nava kaega? Ba era qa lete mamaligara ne qamu ramu?

Karua Korinti 4:12

Talupasana iadena, go qi vele le ne zazu dena ne, go too velaka tina koe deqamu koego ramu.

Pilipae 2:17

Vaogoto raramu de ikoego God, i gere kaki sosovolomo ramu, qata teke zaqe go God. Ṉalu tara vae vale ava era, mana parasaqu tara tazele mana palua sosovolomo ramu, ṉalu nae era tu kula mana tuna kena ze kula era de qamu koego osiqamu go.

Pilipae 2:27

I pata ogoto ia i lete mokoso mana i garogaro le. Do God i nanao ia, mana iki tanuna so kaega ia, do i nanao napu ava era, mana i sida maqata lavata nae tina dokae de qa koego era.

Pilipae 4:10

Loborona too era, loborona vari vakameka ia Batu ne, i lete vakula va, i lete umata sasakata to qaki pala kaega ka pata de qamu koego ramu. Do ninidena i malumu to ramu muna vasadaka me nanao ramu de qa koego era. Qaki nanao vane kaega ramu qamu mamanava nanao ava era, do iki zari kaega ka zuka, go tamuna vasadaka me nanao ramu.

Pilipae 4:18

Ia dena to seko velaka era sauna osina pata qamu teke nava go, mana i lete sivala ne topu na pata qa soko go. Osina pata qa soko go, era qa pala to ṉalu Epaparoditus i valama nava go era sosovolomo ro ramu. Sosovolomo ro ramu i nonoli meno, qamu soso zaqe de koe God, tavatavara i toqe ne mana i vakula go God.

Pilimon 1:13

Era qa soko Onisimusi, tina ko tavisi ava, go tina mazala degere nigo aro, go tina tavisi nava era, ko qa vae go bara dena, tanego sauna Tarama Velaka ne.

Revaleson 12:11

Do ria turaqita ro ne iri vapela ze ia karaputa na parasana Sipi ne, mana karaputa na seko ia iri vasadake go. Iri toqe ne soso na too ria, mana iriki sareki ne kaega le go.