Pilipae 2:29 - Vato Vari Vakameka Voru Ia Batu Ne

²⁹ Kula ṉalu qamu miasoba ia, tanego Epaparoditus i vakitaka ita loborona Batu ne. Muna vasadaka ze padapada de iri koego kero ne basoero iri gere go ia,

Pilipae 2:29 ပူးပေါင်းရင်းမြစ်များ

Luka 9:5

De iri koego basoero iriki soko qamu go kaega, kasi ne komala nae mana tavore pua na make qamu, iadena i lalana kaki pata va banabana de iri koego.”

Tarama Velaka Ia Jesu Kristo I Karo Go Jon 13:20

Masine ne qamu pata ogoto, basoe i vavelaka ne ia qa turi ne go era, i vavelaka napu nava era go. Mana basoe i vavelaka nava era, i vavelaka napu neso ia ni turi nava go era go.”

Zazu Ria Apostoloro 2:46

Nogotona musaqara iri kameka teṉoe Pade Lotu, mana iri kameka ṉaṉae pade ro ria. I kula me puṉuqu qira, mana iri ṉaṉae kulakula go.

Zazu Ria Apostoloro 28:10

Iri teke ne qemu topu na sosovolomo, mana ṉalu qi vanama ne toka napu, iri ruana ze koluka ne pata qeqe tuana remu loborona toka timuna vaego.

Zazu Ria Apostoloro 8:8

Mana loborona komala lavata igogo ne, iri lete kula sivala.

Leta Ia Pol I Karo Ne Qira Basoero Na Rom 10:15

Mana ava tina gogo tina sadaka go tarama nae ṉalu iriki turine go kaega basoe go tina za sine go? Iato nae go i sine go Buka tabo ne, “I lete vari va kula sivala lama qira basoero iri pala mego Tarama Velaka.”

Leta Ia Pol I Karo Ne Qira Basoero Na Rom 16:2

Muna vakitaka ze ia loborona vitoṉona Batu ne gerena basoero ia God itora go tarina zazu ne go. Muna teke ne ia ka tavisi isoko zego de qamu koe go. Tanego ia i tavisi velaka ne qira basoero ne, mana i tavisi napu nava era go.

Kameka Korinti 16:10

Ṉalu Timoti tina lamae de qamu koego, muna vagado velaka ze de qamu koego, tanego Timoti i zazu napu neso zazu ia Batu ne, i gere napu ava so era.

Kameka Korinti 16:18

iri lama vakula ava era, gere na so de go iri vakula qamu go ramu. Basoero igogo nae itora mata seko velaka mana va mazala qira go.

Karua Korinti 10:18

Ṉalu God i nanao vamazale basoe nae, ia tina toqe ne, do iki tora kaega basoe nae tina nanao vamazale tanuna.

Karua Korinti 7:2

Vamia qemue remu mamaligara ramu, remu qiki zazu ne kaega kapata kebu de iri koego basoero ne, qiki vasakate kaega vaogoto ia ka basoe, ba taqi na zuka tatakiu de ikoe kaki basoe.

Pilipae 2:28

Iago era qa lete soko ne tuna turine zatu ia, deqamu koego go tamuna kula ṉalu qamu miasoba ia, mana maqata ro era, tina kuziki lupo.

Kolosia 4:10

Aristakus qaru koego bara ne, iva garetua seko kula ia mana gere napua so Maka iru tamakena kavakava go Banabasi, remu qi va rove bana qamu e de go vagado velaka na basoe, iago vagere napu ze so de koe Maka ṉalu igo atu go nae.

Kameka Tesalonika 5:12

Turaquro, qimu pene vakaraputa qamu muna vamazala qira ria iri garetu zazue go de qamu koego. Tanego ria to iri vatatana qamue go too ia Kristo.

Kameka Timoti 5:17

I tora muna teke ne qira voli mana vitoṉo velaka, de iri koego vano kenakenaqa ramu iri miasoka go lotu ramu. Ria iri lete zazu vokara ne sine vasadake na Tarama Velaka ne mana vari vatatana ne seko ia God, itora tarina pala voli qira.

Iburu 13:17

Vaogoto qira vano kena kenaqa ro ramu, mana lulua pataro iri sine go. Tanego iri mia tarua too kristiano ramu, mana iri ki ziṉo kaega go, ria tarina sine vasadaka ne God avana iri zazu nego. Ṉalu ramu qamu lulua pataro iri sine qamu go, ria tarina zazu e loborona kula, ṉalu kaega, ria tarina zazu e loborona maqata, mana tiniki tavisi ne qamu kaega go.

Kapisa Jon 1:10

Nalu tuna garetu, nara garetu vasadake go pataro i zazu ne go Dioterepesi, i poqepoqe mana i sine seko sakata ro de qimu koego remu. Do iki sokana so nae kaega, ia iki soko kaega tavisi ne qira kero ne vakitaka ro iri osaka ne Kristo. Mana iva noto napu qira basoero iri soko go tavisi ne qira go vakitaka ro ita, mana i kakale qirae eklesia ne go.