Pilipae 2:16 - Vato Vari Vakameka Voru Ia Batu Ne

¹⁶ mana ṉalu qamu teke ne qira tarama na too, ṉalu ramu qamu zazu ne, era tina zari nava pata tuna kula ne qamu ego ramu ṉalu musaqara Kristo tina lama napu, tanego tina vasadake osina zazu ro era tiki vana volomo kaega.

Pilipae 2:16 ပူးပေါင်းရင်းမြစ်များ

Matiu 10:27

Pataro qa sine ne qamu go era ṉalu ni rodoko go, muna sine patu napua ṉalu ni musaqara go. Pataro qata vari sine miki neso tanuqita ne, muna sine vasadaka ne qira basoero go.

Luka 12:8

Jesu i sine napu ne qira, “Ma sine ne qamu, ka basoe i sine vasadaka ze de iri koego basoero topu, igo i ke rera, era Tuna basoe na vagere napu ze so ia, de iri koego aqelo ro ia God.

Tarama Velaka Ia Jesu Kristo I Karo Go Jon 6:63

Spirit tabo ia God i sosovolomo nego too, karaputa ia basoe i makurua. Iato go sekoro era i va mazala qamue ramu toṉove na Spirit tabo i soso nego too.

Tarama Velaka Ia Jesu Kristo I Karo Go Jon 6:68

Saimon Pita i vataule igo, “Batu, akena to timuna zae go? Aro to qo toṉove go seko ikoego too iki rove go kaega lupo.

Zazu Ria Apostoloro 13:26

Ramu turaquro vano Izirel qamu reqe mego sinaqe ia Abra-am mana ramu topuro qamuki Jiu go kaega qamu vazaka go God. Ita to tane God i turine me ze go tarama dena go tina vakavele qita.

Kameka Korinti 1:8

Ia tina soti vanadu qamu mana i vatotoloṉo qamu go tina doka go musaqara muzimuzi, ṉalu ia Batu ita Jesu Kristo.

Kameka Korinti 9:26

Iato go, era qa teteṉe totoloṉo za so de ikoego lala ne. Qa gere napua valeke vari dupo, iki vale qiso ne kaega.

Karua Korinti 1:14

qa nanao kadigo ramu qamu mazala to nanao rove lupo qemu remu, go ṉalu tina doka go musaqara ia Batu ita Jesu, ramu qamu mazala to vazakanapu ne, tanego remu timuna ke ra ramu.

Qalesia 2:2

Era qa zae de gogo ne, tanego God i vasadaka nava tuna za, mana qa vapepeu vamiki qira vano iri kenaqa ne go lotu mana qa sine vavelaka ne qira sauna Tarama Velaka qa tamana qirae go vano iriki Jiu go kaega. Tanego qa nanao iri niki vanoto, pata qa zazu bana ne, mana pata tunara zazu ne go.

Qalesia 4:11

Era qalete nanao vokara ne qamu ramu! Qa sareki, niki go osina zazu ro era sauqamu ramu za patavolomo lupo so go.

Pilipae 1:10

Go ia ramu tamuna vine pata i lete velaka sivala go, go ramu tamuna dalo mana kaega kaki pata tarina va pala qamu e, go tina doka go musaqara ṉalu Kristo tina za ule napu me.

Pilipae 1:6

Iago era qa vaogote, God ni vatupia go zazu velaka dena loboro qamu, tina pala somaso go tina za doka so ṉalu tina za ule mego Jesu Kristo.

Kameka Tesalonika 2:19

Do ramu to ikoego ruruqe, gasigasi ba nanao vakaraputa reremu sauna sine vasadake na karaputa reremu. Ṉalu tina lama napu go Batu ita Jesu Kristo. Tanego ramu napu to go tamuna ko tavisi go ṉalu nae.

Kameka Tesalonika 3:5

Ia to nae tago qa turine zatu go Timoti go mara garetu rove vaogoto raramu. Era qa nanao vokara ne, Satana niki pada ne qamu ramu, niki go osina zazu ro reremu za patavolomo so go.

Iburu 4:12

Seko ia God i koe too mana i zazu go, i lete sivala ne zogotona pegi varitara i zogoto go karua rikisina. I mazala zugu zana loborona de iru vari sobae madau mana spirit, mana de iru vari siba varikama e go uri mana manu go. Seko ia God i mazala vine na nanao ia basoe, mana pataro i soko go basoe go.

Kameka Pita 1:23

Tanego seko ia God i too mana i dokae ka ṉalu gado kutona i kaega, iago ramu qamuki podo napue kaega tamaqamu ikoego vudu pua dena, do qamu podo e de ikoego Tamaqamu i too sivala go.

Kameka Jon 1:1

Remu qimu karo ne qamu ramu sauna ia iri vitoṉo ze go Seko na too. Ia iko bana me so tarakenaqana iara zari go vudu pua. Remu qimu gata bana seko na, mana mia bana ze mata qemu. Ove, qimu mia mana siba zeto karisi qemu go.

Revaleson 22:17

Spirit tabo mana qole busi ne iru go, “Lama!” Basoero iri gata go seko dena, mara sine napua, “Lama!” Lama, ramu qamu konoso go mana besia, besi na too ikaega go volina.