Pilipae 2:14 - Vato Vari Vakameka Voru Ia Batu Ne

¹⁴ Muna zazu ne osina pata, do kasi poro vari valegu, ba poro seko,

Pilipae 2:14 ပူးပေါင်းရင်းမြစ်များ

Matiu 20:11

Iri pala kesa voli qira mana iri seko muma e de ikoego valeke i toṉove go barue ne.

Maka 14:5

Pata ni lete voli makuru ni tora go pisavasa kesa ṉalu tara volivoli ne go mana teke ne qira vano situ tara go kesa na ne.” Gonae iri lete seko vasakate to qole ne.

Maka 9:14

Ṉalu Jesu mana kapisa disipoloro ne iri ule me de iri koego kero ne disipoloro ne, iri mia topu basoero iri lama teṉokolo qira go ria, mana kakiaro vano vari vatatana na Tamana iri vari valegue de iri koego.

Luka 5:30

Kakia ro ria vano Parisio mana vano tarove na tamana, iri muma ne qira disipoloro ia Jesu. Iri go dena, “Avigo tane ramu qamu ṉaṉa mana ge loka tavisi qira go vano palapala takisi mana vano vasakata pata?”

Zazu Ria Apostoloro 15:2

Pol mana Banabasi iru lete vari valegue de iri koe ria sauna pata dena. Iago vano lotu iri koe Antiok iri turi ne qiru Pol mana Banabasi, mana kakiaro napu ria iri koe go Antiok go mara ria za vagata qira apostoloro ne sauna Pata dena.

Zazu Ria Apostoloro 15:39

Riru iru lete vari valegu ne pata dena mana iru soso zaza. Iago Banabasi i ilulua to Jon Maka iru goe kameka koluka mana toka za to nugu Saeprus.

Zazu Ria Apostoloro 15:7

Taramuzina iri vari vaevae lupo ne sekoro ria, Pita i degere, mana igo dena. “Onotoquro, ramu qamu rove ṉalu bana me God i vine ava era loboro qamu ramu go tuna tamana ne Tarama Velaka de iri koego vano iriki Jiu go kaega, go ria, do tarina vaogoto napua so go.

Zazu Ria Apostoloro 6:1

I umata a qe desuka, basoero iri vaogote go Jesu iri topu ziki, gonae vari va legu, i koe loboro qira vano Qrik iri seko va Jiu, mana vano ogotona Jiu go. Vano Qrik iri seko va Jiu go iri go, “Ramu qamuki tavisi ne qira so kaega qolero nanaro ro remu, ṉalu qamu soso ne go pata gege mana kesa nogotona musaqara, de iri koego vano iri ko makuru go.”

Leta Ia Pol I Karo Ne Qira Basoero Na Rom 12:18

Muna pada ne zazu ne na vatovato velaka, go tamuna ko bule tavisi qira go basoero ne.

Leta Ia Pol I Karo Ne Qira Basoero Na Rom 14:1

Muna vavelaka ne basoe i memelaka go vaogoto ia. Kasi vari valegu ne na pata i reqeme go nanao na basoe nae.

Leta Ia Pol I Karo Ne Qira Basoero Na Rom 16:17

Turaquro ma sine vakaraputa ne qamu, tamana era dena. Muna miasoka qira basoero iri soko go vota na eklesia mana vaqoqore vaogoto ramu go iri vazazao kakavata go vari vatatana qamu pala bana go. Iago muniki ara gata pata ro iri sine ne qamu go,

Kameka Korinti 10:10

Mata kasi nuinui gere qira kakiaro iri zazu ne, tanego aqelo na le i lama vae vale lupo bana qira so go.

Karua Korinti 12:20

Era qaki soko kaega miana ṉalu tuna garetu go, too ramu tina kakavata ne de qa soko go era, mana ramu tamuna mia too rera tina kakavata ne de qamu soko go ramu. Qaki soko kaega garetu soba zena vari valegu, vari qorae, poro muma mana ṉaṉa siko, seko sakata, pepeu valu, vazakanapu mana legulegu de qamu koego.

Qalesia 5:15

Do ṉalu qamu muma mana varitara taru so loborona koko ramu, muna miasoka, ṉalu nae to tamunara lete vasakate go ko kameka ramu.

Qalesia 5:26

Ita mata kasi vazakanapu ba vari vasisiki ba vari qorae tanuqita go.

Pilipae 2:3

Kasi nanao na osina pataro mamu zazu va miki neso tanuqamu, ba vazakazaka na tanuqamu, ba vakanata volomo. Do muna ko qoqoro, vari padae de iri koego kero ne basoero ne.

Kameka Tesalonika 5:13

Muna nanao vamazala qira mana mamaligara ne qira, tanego ria to iri zazue go de qamu koego ramu, iago muniki pera ba vari vasasakatae go.

Kameka Tesalonika 5:15

Kaega kaki basoe mara zazu ne ze go kene basoe pata i sakata go. Do osina ṉalu muna pada ne zazu ne na pata velaka de qamu koego, mana kero ne basoero go.

Iburu 12:14

Padane koena loborona bule osiqamu, mana pada ne koena too i tabo go. Tanego kaega kaki basoe i mazala go mia na God ṉalu iki lulua go kaega too velaka.

Jemisi 1:20

Tanego muma ia basoe iki zazu ne kaega pata velaka ni soko go God.

Jemisi 3:14

Do ṉalu puṉu qamu ikoe go qora mana muma, ṉaṉa siko gogone, kasi vazakanapu nena tarove ramu, iki pata ogoto kaega.

Jemisi 5:9

Kasi seko varivasasakatae tanuqa-mu go God tiniki varitanae ne qamu go kaega. Batu na varitanae ogoto ne igarogaro meto, i vanama ne to lama.

Kameka Pita 3:11

Mara vana ne vatovato sakata ia mana zazu ne pata velaka, mara taru ze de ikoego tanuna mana de iri koego basoero ne go.

Kameka Pita 4:9

Vari kulae tanuqamu loborona komala ro ramu, mana kasi vari qorae go.

Judi 1:16

Basoero dena iri poro seko mana zaṉaṉa vapala qira eso basoero pataro, iri poro lulua so nanao sakata ro ria. Iri poro vazaka napu mana vae vale qira eso basoero ne seko vari vagasi ro ria, go mara ria pala qirae patapata ro ria basoero ne sauna tavisi ne qira tanuqira iri go.