Pilipae 2:12 - Vato Vari Vakameka Voru Ia Batu Ne

¹² Iago, turaquroe, ramu qamu vaogoto taruava era ṉalu qa ko tavisi qamu go, iago i lete velaka sivala ramu muna vaogoto ava era ninidena ṉalu qa kasi ne qamu, loborona zazu ramu muna, sareki mana momokolo, go tamuna va lupo go vari vakavele ramu.

Pilipae 2:12 ပူးပေါင်းရင်းမြစ်များ

Matiu 11:12

Tupi me ṉalu Jon na bapitema i tarama nego seko ia God, go i lama doka to ninidena, topu basoero iri pada ne varitara mana vasakate na vari vatatana na Too ikoego vari miasoka ia God.

Matiu 11:29

Muna lama lulua vari vatatana era, mana era ma vatatana qamu go, tanego era qa vari nanao mana qaki vazakazaka va kaega tanuqu go, too nae to qamu mazala soba zena ziṉo loborona too ramu.

Zazu Ria Apostoloro 16:29

Valeke ni miasoka go bara ne i koru qira qe basoero ne mara pala me pazi, i teteṉe keba me, i nenedere mana i sorue makena Pol mana Saelas.

Zazu Ria Apostoloro 9:6

do ono degere mana gado za loborona komala lavata ne, mana nae tono soba ze kameka valeke tina sine nigo pata tono zazu ne go.”

Leta Ia Pol I Karo Ne Qira Basoero Na Rom 2:7

Kakiaro basoe iri vanadue zazu ne na zazu velaka, mana iri taqi ze God menomeno, vamazala, mana too i too sivala go. De iri koe basoero nae God tina teke ne qira too gado kutona i kaega.

Kameka Korinti 15:58

Iago vakitaka ro era, degere vanadu mana ko vakaraputa. Variqo ze too ramu loborona zazu ia Batu ne, tanego qamu rove bana, kaega kaki pata i patavolomo ṉalu qamu zazu ne zazu ia Batu ne.

Kameka Korinti 2:3

Tanego ṉalu qa lamae de qamu koego, era qa lete pela mana qa nenedere tanego qa lete sareki.

Kameka Korinti 4:14

Era qaki soko kaega va agava qamu ramu, karo qavae zatu go seko ro dena, do qa soko vatarove qamu ramu, gere so de tu vane qira go salero ogoto era.

Karua Korinti 7:15

Iago mamaligara ia de qamu koego i zaza popoka, gerena ia i nanao taru qamu go, qamu toqe ne luluna vatovato i vanama go, dego qamu vagado vavelake go ia, qamu valulu ze sareki mana padapada go.

Epesus 6:5

Vano seka, muna osaka ne qira batu ro ramu. Muna momokolo ne qira mana padapadae de iri koego. Muna zazu ne pata ro dena loborona puṉu totoloṉo gerena qo zazu ne zazua ia Kristo.

Pilipae 1:27

Pata tina lavata sivale de qamu koego ramu, de igogo koko ramu muna vasadake de igogo tatalina too i tora go Tarama Velaka ia Kristo. Go ṉalu tuna garetu mia qamu ba qaki garetu kaega, era tuna gata zatu so, ramu qamu degere vanadu mana kameka vato, mana qamu vari vatatana neso kameka pata, sauna so vaogote na Tarama Velaka ne.

Pilipae 1:29

Tanego God i teke bana ne qamu, ramu tamuna zazu ne zazu ia Kristo, iki sauna so kaega go qamu vaogote ia, do i palu zato makuru ro qamu soba go, tanego i sauna ia.

Pilipae 1:5

tanego ramu qamu tavisi velaka nava era, vatatavata na tarama velaka ne, pasi me musaqara kenaqa era qa lama doka mana i doka to ninidena go.

Pilipae 1:6

Iago era qa vaogote, God ni vatupia go zazu velaka dena loboro qamu, tina pala somaso go tina za doka so ṉalu tina za ule mego Jesu Kristo.

Pilipae 2:19

Ṉalu go i soko ia God, qa nanao tiniki umata kaega tuna turi ne zatu Timoti de qamu koego ramu, go era tuna talasara ṉalu tuna gata go tarama qamu ramu.

Pilipae 4:1

Iago turaquroe, era qa soko qamu mana qa lete nanao qamu, gerena, de go qamu vakula va era, mana vazakanapu era sauqamu ramu, iago turaquro era qa nanao ramu muna degere vanadu loborona too ramu de ikoego Batu ne.

Pilipae 4:15

Ramu basoero na Pilipae qamu lete rove velaka bana so ṉalu qa kasi ne era Masedonia, tupi me tarama qa vae ne Tarama Velaka ne. Mana ramu to qaniu vano lotu qamu tavisi nava go era, tanuqamu to ramu, qamu kena tavise go papala era mana vavana ro era.

Kameka Tesalonika 1:3

Tanego tarakenaqana God Tamaqita, remu qimu nanaotarua de igogo qamu vazazua go vaogoto ramu mana de gogo qamu mamaligara ne zazu vokara ramu, mana de igogo ruruqe ramu ilete nadue go Batu ita Jesu Kristo.

Karua Timoti 2:10

iato go era qa zazu so, patavolomo iri vasasakata nava. Qa soko tavisi ne qira basoe ia God i vine bana qira go, go tarina vakameka ne Jesu Kristo. Go God tina vakavele qira mana teke ne qira too iki rove go kaega lupo.

Iburu 12:1

De qata koego ita ne, iri ko liqutu qita topu ria basoero iri vasadaka bana go vaogoto ria de ikoego God. Iato go ita mata vana ne osina pata i va makuru qitae go vaogote na God, mana mata vana napu ne zukazuka na vasakata pata go, mana mata teteṉe va moqere van vose i kome go kenaqa qita go.

Iburu 4:1

Aria pui i teke qita go God, tatara ziṉo ego de ikoego ia, iara ko taru so. Iago ita mata miasoka velake, niki go kakia ramu za dokae kaega de i pui bana ne go God.

Iburu 4:11

Iago ita mata lete pada ne za ziṉo tavise na God, iki velaka kaega ṉalu kakia ita, tina lulua go de iri gogo ria iriki vaogote go kaega God, mana iriki pala go kaega ziṉo igogo ne.

Iburu 5:9

Ṉalu i valupo to osina zazu, God i vazakazaka ia, iato i vari va kevele ogoto, ria iri toqe ne ia tarina pala too i ko sivala go,

Kameka Pita 2:11

Qa pene qamu turaquro, ko ramu vudu pua dena qamu ko gerena so vano tupaka, tanego iki komala ogoto kaega. Iago kasi luluna nanao sakata ni soko go nanao qamu iri kana taru ne go madau qamu.

Karua Pita 3:18

Do ramu muna pala va popoka loborona velaka, mana roverove velaka ramu de ikoego Batu ita, mana vari vakavele ita Jesu Kristo. De ikoego ia mata vazaka vitoṉo na nini, mana ṉalu topu ro ne. Amen!