Pilipae 2:1 - Vato Vari Vakameka Voru Ia Batu Ne

¹ Ṉalu too ramu i koe loborona Knsto, lato ivakaraputa qamu, mana mamaligara ia iva momotono qamu go. Ramu qamu vari vakameka e de koe Spirit tabo, ramu qamu vari vatatavisi mana varinanao tanuqamu.

Pilipae 2:1 ပူးပေါင်းရင်းမြစ်များ

Luka 2:25

Torana ṉalu nae, iko kameka valeke vitoṉo na Simion ikoe Jerusale-ma. I valeke velaka mana i vaogote God, mana i piri neso ṉalu God tina vakavele qira basoero na Izirel. Spirit tabo ne ikoe de ikoe ia.

Tarama Velaka Ia Jesu Kristo I Karo Go Jon 14:18

Era tuna zaza, do ramu tamuniki ko miki kaega, tanego era tuna ule napu me de qamu koego.

Tarama Velaka Ia Jesu Kristo I Karo Go Jon 14:27

Bule qa taru ne qamu, bule era tane qa teke ne qamu go, era qaki soso ne kaega bule de go basoero na vudu pua dena iri soso nego. Iago kasi va pela na nanao qamu mana kasi sareki go.

Tarama Velaka Ia Jesu Kristo I Karo Go Jon 17:13

Era tuna gado atu to. Qa sine sekoro dena, pasi qara koe vudu pua dena, go ria tarina kula gerena so de igogo kula qu era.

Zazu Ria Apostoloro 2:46

Nogotona musaqara iri kameka teṉoe Pade Lotu, mana iri kameka ṉaṉae pade ro ria. I kula me puṉuqu qira, mana iri ṉaṉae kulakula go.

Zazu Ria Apostoloro 4:32

Vano iri vaogote go Jesu iri kameka nanao. Kaega kaki kameka basoe i taru vakakavata go patapata ia tanuna, do osiqira iri vari va kameka ne so osina pataro iri toṉove go.

Leta Ia Pol I Karo Ne Qira Basoero Na Rom 5:5

Ruruqe dena iki ara poqe qita kaega, tanego mamaligara ia God i zele me ze go puṉu qita loborona Spirit tabo ni sosovolomo ia God de qata koe go ita.

Leta Ia Pol I Karo Ne Qira Basoero Na Rom 8:26

Gerena napu so Spirit tabo i lama tavisi ne qita go, tane go ita qata memelaka. Do Spirit tabo imia go riro ita, mana ia i pene ne qitae de ikoego God sekoro imakuru qita go ita vatotoloṉona. Tanego ita qatiki rove kaega de igogo pene.

Kameka Korinti 12:13

Varipada na so osiqita, vano Jiu, ba vano iriki Jiu go kaega, vano seka, ba vano iri ko talupasa, osiqita qata bapitema bana e kameka tokama loborona kameka Spirit tabo. Mana Spirit tabo dena to i va karaputa go too ita.

Kameka Korinti 15:31

Vakitaka ro era, osina musaqara era qa vele le so, ma sine vasadake, tanego, i sauna vari vakameka ita de ikoego Batu ita Jesu Kristo.

Kameka Korinti 3:16

Ramu qamu rove bana, qamu Pade Lotu ia God, mana Spirit ia God i koe loboro qamu.

Karua Korinti 2:14

Do remu qi seko velake ne God, tanego loborona vari vakameka ia de ikoego Kristo, God i kenaqa ne qita ita loborona bara ia Kristo, ṉalu ia i va pela go karaputa ia Satana mana vasakata pata. God i vazazu qemu go timuna vasadaka ze osina dia tarove ia Kristo gerena kaki pata i lete nonoli meno go.

Qalesia 4:6

Ita qata salesale ro ia God, iato go God i turi ne me Spirit na Sale ia, go tina lama koe loborona too ita. Mana Spirit nae ikoru, igo, “Aba, Mamae era.”

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Epesus 4:4

Kameka tokama dena so ita qata lama kamekae go, mana kameka Spirit tabo dena, qata toṉove go osiqita, gerena kameka pata so qata ruruqe go, mana iato nae, God ikoru bana qamue go.

Pilipae 1:8

God i rove, era qa sine seko i ogoto go, ṉalu qa sine, era qa lete nanao qamu ramu, gere so nanao i reqe mego puṉuna tanuna Jesu Kristo.

Pilipae 3:3

Iki ria kaega, do ita to qata pala go vari kosi ogoto, tanego qata vazaka God loborona Spirit ia, mana qata kula ne too ita loborona vari vakameka ita de koe Jesu Kristo. Ita qatiki ara vaogote kaega kaki zazu i sadaka mego tokama.

Kolosia 2:2

Qa zazu ne iadena go tina ko ne qamu karaputa mana vari kameka loborona vari mamaligarae, sauna pataro dena ramu tina ko ne qamu nanao nadu, mana tamuna rove va velake, loborona to zuka dena ramu tamuna rove pata i pika go God, iato Kristo tanuna.

Kolosia 3:12

Ramu qamu basobasoero ia God, i mamaligara ne qamu mana i vine qamu tamuna ke ia tanuna. Iago vakeba ze too ramu, vari vatatavisi, dego va velaka ne na kene basoe, vaqoqoro na too ramu, vamanakamana basoe mana va totoloṉe basoe i zaza kakavata go, va losia nanao qamu, kasi muma katikili go.

Iburu 6:18

Karua seko dena i makuru kavala na, mana loborona karua seko dena God iki mazala kaega tina poqe go. Iago ita qata lama soba bana go de velaka de koe God, mata va karaputa nanao qita mana vanadua pata i pui ne qita go God.

Kameka Pita 1:2

Ramu qamu basoero tavine bana ia God Tamaqita, mana i vatabo bana qamue Spirit tabo ia tanuna, go ia ramu tamuna vaogote Jesu Kristo, mana daloe parasana ia. Qa pene God mara Mana ne qamu mana mara teke ne qamu bule osina ṉalu topu ro ne.

Kameka Jon 3:24

Ka basoe ilulua go tamana ia God iko kamekae de ikoego God, mana God i ko kamekae de ikoego ia. Mana ita qata rove God itooe loboro qita, tanego ia iteke ne qita Spirit tabo ia.

Kameka Jon 4:12

Kaega ka basoe ireṉa bana ne God, do ṉalu ita gata vari mamaligarae napu go tanuqita, God iko kamekae de qata koego, mana mamaligara ia i lama totoloṉo lupoe de qata koego.

Kameka Jon 4:16

Iago ita tanuqita qata rove mana vaogote mamaligara ia God i koe go de qata koego. God tanuna i mamaligara, iago, basoe i tooe go mamaligara ikoe loborona God, mana God ikoe loborona basoe nae go.