Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Pilipae 1:6 - Vato Vari Vakameka Voru Ia Batu Ne

6 Iago era qa vaogote, God ni vatupia go zazu velaka dena loboro qamu, tina pala somaso go tina za doka so ṉalu tina za ule mego Jesu Kristo.

အခန်းကိုကြည့်ပါ။ ကော်ပီ




Pilipae 1:6
33 ပူးပေါင်းရင်းမြစ်များ  

Jesu i vataule ne qira, “Pata i soko God ne, muna vaogoto ava era, tanego God i turi nava go era.”


Ṉalu iri gata go seko ia Pita ne, iri mamanava to vari valegu. Iri vazaka God mana iri go dena, “Pata ogoto, God iteke napu ne qira so vano iriki Jiu go kaega nanao uleule mana too voru go!”


Kaki kameka ria, i gata go seko remu, vitoṉona Lidia, i reqe me Taetira, qole dena i volivoli ne poga qore i lete voli makuru go, ia i vazaka God, mana Batu ne i papaqa nanao na ia, go tina vavaroṉo no velaka ne pataro i sine go Pol.


Ia tina soti vanadu qamu mana i vatotoloṉo qamu go tina doka go musaqara muzimuzi, ṉalu ia Batu ita Jesu Kristo.


Era qa nanao va velake pataro igogo ne, iato go qa vanadu ze nanaoqu tuna garetu tove kenaqa qamu ramu go tamuna kula karua ṉalu.


Go qara karo zatu go leta nae, era qaki soko kaega tuna garetu tove qamu go. Tanego ṉalu tuna, garetu tove qamu ramu, era tuna maqata, tanego ramu so qamu mazala go vakula va era! Mana era qa lete vaogote, ṉalu era qa kula, osiqamu ramu, tamuna kula lupo napu so go.


Era qa lete kula sivala, mana qa vaogote ramu tamuna mazala va velake na osina vatovato mana too go.


Avigo, ṉalu basoero na Masedonia tara luluava go era, mana lama rove, ramu qamuki vanama kaega, ava tara lete goto ka agava qemu remu, tanego remu qi ruqe qamu, aria ramu do tamuna agava napu neso seko ro remu go.


Ba era qa ruqe qamu ramu. Loborona too ba va kameka ita de ikoego Batu ne, qa vaogote ramu tamuna lulua so nanao qu era. Patavolomo basoe ivaqoqore go nanao qamu, do God tinara vakimate ia.


Ia izazu ne pata dena go mara vanama ne qira basoero ia God sauna zazu ne na zazu ia, go tarina vadegere go mana vazazao popoka tokamana Kristo.


Go ia ramu tamuna vine pata i lete velaka sivala go, go ramu tamuna dalo mana kaega kaki pata tarina va pala qamu e, go tina doka go musaqara ṉalu Kristo tina za ule napu me.


Tanego God i teke bana ne qamu, ramu tamuna zazu ne zazu ia Kristo, iki sauna so kaega go qamu vaogote ia, do i palu zato makuru ro qamu soba go, tanego i sauna ia.


Iago, turaquroe, ramu qamu vaogoto taruava era ṉalu qa ko tavisi qamu go, iago i lete velaka sivala ramu muna vaogoto ava era ninidena ṉalu qa kasi ne qamu, loborona zazu ramu muna, sareki mana momokolo, go tamuna va lupo go vari vakavele ramu.


Tanego God i zazu tarue loboro qamu ramu, go mara vamazala qamu go muna toqe ne mana lulua vatovato ia tanuna.


mana ṉalu qamu teke ne qira tarama na too, ṉalu ramu qamu zazu ne, era tina zari nava pata tuna kula ne qamu ego ramu ṉalu musaqara Kristo tina lama napu, tanego tina vasadake osina zazu ro era tiki vana volomo kaega.


Tanego ṉalu qamu bapitema, ramu qamu vou palua Kristo, mana loborona bapitema qamu too palu napua Kristo, loborona vaogoto ramu de koe zazu mana karaputa ia God, i vatoo ze go Kristo tepa ia le ne.


Tanego tarakenaqana God Tamaqita, remu qimu nanaotarua de igogo qamu vazazua go vaogoto ramu mana de gogo qamu mamaligara ne zazu vokara ramu, mana de igogo ruruqe ramu ilete nadue go Batu ita Jesu Kristo.


Ia tonae tane osina ṉalu remu qimu pene ne qamu go ramu. Qimu pene God ita go mara vatora qamue ramu too ni koru bana qamue go tamuna pala go. Qi pene, go ia mara vazazua karaputa ia, go mara voto lupo osina pata velaka ro qamu soko go, mana valupo to zazu ireqe mego vaogoto ramu.


Batu ne i teke ne qemu remu ruqe de qamu koego ramu, mana qimu rove vavelake to remu, ramu qamu pala soma so zazu ne na pata ro qimu sine ne go remu.


Qa vaogote ṉalu qa karo zatu go leta dena, tanego qa rove aro tono zazu ne pata qa pene zatu go era. Mana qa rove napua aro tono zazu ne pata velaka napu, tina sivala ne seko ro qa sine zatu go era.


Iago, kasi memelaka, tanego ṉalu qamu pala tarua karaputa nae, God tina teke ne qamu voli lavata.


Mata reṉa taru vanadu ne Jesu, tanego de koe ia i tupi e mana i valupolupo ego vaogoto ita. Ṉalu ia i le go koluse ne, iki pela ne kaega, “Kaega to,” tanego la i nanao va mazala zaqe kulakula iara ko mego, iki nanao vamazale so kaega vokara mana le i pala ze go koluse ne, la to go ninidena i kolokue tepa matauna God mana i vatovato tavisi ne rago.


Do taramuzina vokara pusi dena, God i ko nego Mana, i koru qamu go tamuna pala tavise menomeno ia i ko gado kutona i kaega. Loborona to va kameka ramu de ikoego Kristo, tanuna tinara va totoloṉo velaka qamu, mana tina teke ne qamu, karaputa, mana vadegere vanadu qamu go.


Do musaqara ṉalu Batu ita na ule mego, tina gere lama na valeke sikosiko, qatiki rove go kaega ita lama na. Ṉalu nae varioka ne tina zaga lulua kameka naki lavata. Osina pata ikoego varioka ne mana osina pata ikoego vudu pua tina subi lupo nako ne.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ