Pilipae 1:5 - Vato Vari Vakameka Voru Ia Batu Ne

⁵ tanego ramu qamu tavisi velaka nava era, vatatavata na tarama velaka ne, pasi me musaqara kenaqa era qa lama doka mana i doka to ninidena go.

Pilipae 1:5 ပူးပေါင်းရင်းမြစ်များ

Zazu Ria Apostoloro 2:42

Iri teke ne ṉalu ro ria go mara rove velake pataro iri vari vatatana ne go apostoloro ne, iri go. Gonae iri tavisi varikitaki kameka ṉaṉa mana kameka lotu go.

Leta Ia Pol I Karo Ne Qira Basoero Na Rom 11:17

Ramu to vano qamu ki Jiu go kaega qamu gere go moki olivi piru ne, do ṉalu ninidena ramu qamu pala tavise to vavagadona too velaka i reqeme go vano Jiu.

Leta Ia Pol I Karo Ne Qira Basoero Na Rom 12:13

Muna soso patapata ro ramu de iri koe go vano iri makuru ne go kaki pata, muna vakeba velaka qirae komala ramu vano kakavata iri lamae go komala ramu.

Leta Ia Pol I Karo Ne Qira Basoero Na Rom 15:26

Tanego vano lotu iri koe go Akaia mana Masedonia iri zazu bana ne to kesa nanao ria go mara tavisi ne qirae basoero situ ia God iri koe go Jerusalema.

Kameka Korinti 1:9

Ita mata vazaka God, iato God i koru qamu tamuna vari vakitakie de ikoego Tuna, Jesu Kristo Batu ita.

Karua Korinti 8:1

Ramu turaquroe, remu qi soko tamuna rove zazu velaka Ia God, i vazazu zego basoero lotu na Masedonia.

Epesus 3:6

Pata ogoto iko pipika bana mego dena ne, loborona tarama velaka ne igo, vano iriki Jiu go kaega iri pala tavise ria tane makaolo ia God iri pala bana go vano Jiu. Osiqira iri kamekae so kameka tokama, mana iri pala tavise pui ia God, ni vazuka me ze go de ikoego Jesu Kristo.

Pilipae 1:12

Ramu turaquroe, era qa soko ramu tamuna rove pataro i doka va go era, iato i lete tavisi ogoto nava sauna va zazao na tarama velaka ne.

Pilipae 1:16

Ria dena iri tamana e loborona mamaligara, tanego iri rove God i teke bana nava era, zazu go tuna degere ne tarama ne na, tarama velaka ia.

Pilipae 1:27

Pata tina lavata sivale de qamu koego ramu, de igogo koko ramu muna vasadake de igogo tatalina too i tora go Tarama Velaka ia Kristo. Go ṉalu tuna garetu mia qamu ba qaki garetu kaega, era tuna gata zatu so, ramu qamu degere vanadu mana kameka vato, mana qamu vari vatatana neso kameka pata, sauna so vaogote na Tarama Velaka ne.

Pilipae 1:7

Ramu qamu ko tarue so puṉuqu era osina ṉalu, iago itora era ma nanao vane qamu ramu dena. Tanego ramu to qamu tavisi navae go era zazu mazala dena i teke nava go God, patavolomo ninidena qa koego bara dena mana ṉalu qa ko talupasa bana go, era qa degere ne tarama velaka dena go tina sadakae de iri koego basoero sauna vanadu na vaogoto ria.

Pilipae 2:12

Iago, turaquroe, ramu qamu vaogoto taruava era ṉalu qa ko tavisi qamu go, iago i lete velaka sivala ramu muna vaogoto ava era ninidena ṉalu qa kasi ne qamu, loborona zazu ramu muna, sareki mana momokolo, go tamuna va lupo go vari vakavele ramu.

Pilipae 2:22

Mana ramu qamu rove tanuqamu de igo ia ivasadake go ogotona mazala ia, de go raru qaru gere tatamana, kameka zazu ne sauna Tarama Velaka.

Pilipae 4:3

Mana aro napu vakitaka era, qa soko ono tavisi ne qiru karua qole dena, tanego riru dena iru tavisi velaka nava era sauna tarama ne na tarama velake ne. Kelementi mana kero ne napu vakitaka ro iri tavisi nava era, ria dena vitoṉo qira i karo banae buka na too ia God.

Pilimon 1:17

Iago ṉalu qo nanao ava era qaturu kameka zazu go, vakeba ze ia pade aro mana miasoka velake ia, gere so de tono go nava era ṉalu tuna garetu go.

Iburu 3:14

Tanego ita osiqita qata kamekae Kristo ṉalu qata pala vanadua vaogoto ita de koe God gere na so kokoso pala qata vae nego.

Karua Pita 1:1

Era Saimon Pita qa basoe zazu mana apostolo ia Jesu Kristo. Qa karo ne qamu ramu i teke ne qamu go God va ogoto, i gere go vaogoto reremu, tanego Jesu Kristo ia i God, i vakavele qita i lete velaka sivala.

Kameka Jon 1:3

Pata qimu mia mana gata gogo ne qimu sine napu ne qamu so ramu, iago ramu muna ko kamekae de qimu koe remu loborona varikitaki qimu pala ze go God Tamaqita, mana de ikoego sale ia Jesu Kristo.

Kameka Jon 1:7

Do ṉalu ita qata koe tatavata gerena God ikoe tatavata, nae ita qata varikitaki napu to tanuqita, mana parasana Jesu Tuna God iva dalo lupo osina vasakata pataro ita.