Pilipae 1:27 - Vato Vari Vakameka Voru Ia Batu Ne

²⁷ Pata tina lavata sivale de qamu koego ramu, de igogo koko ramu muna vasadake de igogo tatalina too i tora go Tarama Velaka ia Kristo. Go ṉalu tuna garetu mia qamu ba qaki garetu kaega, era tuna gata zatu so, ramu qamu degere vanadu mana kameka vato, mana qamu vari vatatana neso kameka pata, sauna so vaogote na Tarama Velaka ne.

Pilipae 1:27 ပူးပေါင်းရင်းမြစ်များ

Matiu 12:25

Jesu i rove pata iri nanao go vano Parisio, iago i sine ne qira, “Ṉalu basoero na kaki vudu iri tavota mana varitara napu so tanuqira, vudu nae tina za sakata to. Mana ṉalu kaki tatamana ro ba basoero na kaki komala iri varitara napu so tanuqira, ria tariniki ko velaka kaega go.

Zazu Ria Apostoloro 2:46

Nogotona musaqara iri kameka teṉoe Pade Lotu, mana iri kameka ṉaṉae pade ro ria. I kula me puṉuqu qira, mana iri ṉaṉae kulakula go.

Zazu Ria Apostoloro 24:24

Taramuzina kavia musaqara, Pilix mana qole ia Drusila, qole ia i qole Jiu. Pilix i koru zaqe Pol, tanuna mana qole ia iru gatagata pasi Pol i pepeua de igogo vaogoto na Jesu Kristo.

Zazu Ria Apostoloro 4:32

Vano iri vaogote go Jesu iri kameka nanao. Kaega kaki kameka basoe i taru vakakavata go patapata ia tanuna, do osiqira iri vari va kameka ne so osina pataro iri toṉove go.

Leta Ia Pol I Karo Ne Qira Basoero Na Rom 1:16

Qa taru lupo zeto ruruqe era loborona Tarama velaka. Tanego iato i karaputa iago God go i mazala go va kavele qira go osiqira basoero iri vaogote go. Vano Jiu iri gata kenaqa mego, mana taramuzina iri ara gata go vano iri ki Jiu go kaega.

Leta Ia Pol I Karo Ne Qira Basoero Na Rom 1:5

Mana de ikoe go Kristo God i teke nava era mazala go tuna apostolo go mazazu ne vasadakena Kristo, go basoero na vudu pua mara vaogote mana lulua ia.

Leta Ia Pol I Karo Ne Qira Basoero Na Rom 1:9

Tanuna God i mazala go vasadakena ogotona seko era, iato qa zazu ne ze go osina karaputa i reqeme go puṉuqu, ṉalu qa tamana ne go Tarama velaka sauna ia. Iago God i rove era qa nanao taru qamue go ramu pene era.

Leta Ia Pol I Karo Ne Qira Basoero Na Rom 10:8

Do pata i sine go, igo dena, “Tarama ia God i ko banae to de gamu koe go. Iato ikoego saqe qamu mana loborona puṉu qamu.” Ia to tarama na vaogoto qimu Tamana ne go remu.

Leta Ia Pol I Karo Ne Qira Basoero Na Rom 15:16

go tuna kaki kameka basoe zazu ia Jesu Kristo sauqira vano iriki Jiu go kaega. Era qa zazu ne ia gerena kameka patere qa tamana ne go Tarama Velaka ireqe me de ikoe go God, go ia vano iriki Jiu go kaega tarina tabo gerena kaki sosovolomo iva kula go God ireqeme Spirit tabo.

Leta Ia Pol I Karo Ne Qira Basoero Na Rom 15:29

Qa rove, garetu era de qamu koe go ramu, era tuna pala ne qamu osina makaolo velaka sivala ia Kristo.

Kameka Korinti 1:10

Loborona karaputa ia Batu ita Jesu Kristo, era qa pene qamu ramu vakitaka ro era, muna toqe ne pata qamu vari sine ne, go tina kaega go vari vatavotae loboro qamu. Ko vari vakameka ogoto, kameka nanao, mana kameka vato go.

Kameka Korinti 15:58

Iago vakitaka ro era, degere vanadu mana ko vakaraputa. Variqo ze too ramu loborona zazu ia Batu ne, tanego qamu rove bana, kaega kaki pata i patavolomo ṉalu qamu zazu ne zazu ia Batu ne.

Karua Korinti 13:11

Turaquroe, nindena qa sine koto ramu! Muna pada ne ko totoloṉo osina ṉalu mana gata pataro qa sine qamu go era, vakameka ne qira kero ne basoero mana koe loborona bule. Go God i soso nego mamaligara mana bule mara koe de qamu koego.

Karua Korinti 4:4

Ria ne iriki vaogote kaega Tarama Velaka ne, tanego Satana, god sakata na kolabana pua de, i lete va kodo qira. Iriki miasoba kaega tatavata i damara poka qira go, tatavata dena i vazazao go Tarama Velaka na tatavata mazala ia Kristo, ia i gere napua so God.

Karua Korinti 9:13

Tanego i sauna zazu velaka ramu, topu na basoero iri vazakazaka ze God, tanego ramu qamu vaogote Tarama Velaka ia Jesu Kristo mana qamu vasadake go, qamu toqe ne soso na tavisi ramu de iri koego vano Judia mana kero ne basoero lotu go.

Qalesia 1:7

Do pata ogotona ne, ikaega napu kaki Tarama Velaka, tanego kakiaro basoe iri lama vasakate nanao qamu mana pada ne itane na Tarama Velaka ia Kristo. Igo nae ia tanego qa sine ne qamu go.

Epesus 1:13

Mana ramu napu to go qamu basoero ia God, ṉalu qamu qata go tarama ogoto ia ne. Iago Tarama Velaka tonae i pala ne qamu go vari vakavele. Ṉalu nae to ramu qamu vaogote Kristo, mana God i teke ne qamu Spirit tabo i pui ne go i sauna lalana go ia i tonovo qamu go.

Epesus 1:15

Tanego sauna pata dena, pasi qa gata bana mego sauna vaogoto ramu de ikoego Batu Jesu, mana de iri koego basoero ia God,

Epesus 4:1

Era qa kameka basoe iri taruve bara ne tanego qa basoe zazu ia Batu ne. Iago qa sine vakaraputa ne qamu, muna zukae too ilulua go vatovato i sine bana go God, ṉalu i koru qamu mego.

Pilipae 1:5

tanego ramu qamu tavisi velaka nava era, vatatavata na tarama velaka ne, pasi me musaqara kenaqa era qa lama doka mana i doka to ninidena go.

Pilipae 2:12

Iago, turaquroe, ramu qamu vaogoto taruava era ṉalu qa ko tavisi qamu go, iago i lete velaka sivala ramu muna vaogoto ava era ninidena ṉalu qa kasi ne qamu, loborona zazu ramu muna, sareki mana momokolo, go tamuna va lupo go vari vakavele ramu.

Pilipae 2:24

Mana loborona ruqe era de ikoego Batu ne, tiniki umata kaega, tanuqu tuna garetu e de qamu koego ramu.

Pilipae 3:18

Qa sine bana ne qamu topuna ṉalu pataro dena mana ninidena i sone to mataqu qa sine patu napua, iko topu ria basoero iri kana ze too ria vaogoto na le i vaego Jesu koluse ne.

Pilipae 3:20

Do ita qata basoero na rani ne, mana qata piri ne ia tina bauru ne qita. Batu ita Jesu Kristo, tina za qoqoro me rani ne.

Pilipae 4:1

Iago turaquroe, era qa soko qamu mana qa lete nanao qamu, gerena, de go qamu vakula va era, mana vazakanapu era sauqamu ramu, iago turaquro era qa nanao ramu muna degere vanadu loborona too ramu de ikoego Batu ne.

Kolosia 1:10

Go tamuna mazala ko gerena de i soko go Batu ne, mana tamuna mazala vakula na iago. Too ramu tina vasadaka me topu na too mana vatovato velaka, mana ramu tamuna rove velake de igogo God.

Kolosia 1:4

Tanego qi gata de go vaogoto ramu de i koe go Jesu Kristo, mana de go mamaligara ramu de iri koego baso basoero ia God.

Kameka Tesalonika 3:6

Torana dena Timoti iza ule me de qemu koego remu, mana i pala me tarama vari vakula sauna vaogoto raramu, mana de go qamu mamaligara ne qira go basoero ne. Mana i sine napu ne qemu de igogo qamu nanao vamazala qimu remu, gerena so remu qimu soko go mia qamu ramu.

Kameka Tesalonika 4:1

Iago ramu turaquro ramu qamu rove vavelaka bana ze de qi koego remu too tamuna pala, go tina vakula go God. Too nae ia to qamu lulua go ninidena. Do loborona vitoṉona Jesu Kristo qi pene vakaraputa napu qamu, Muna lulua mana vazazao popoka napua too nae.

Kameka Timoti 1:11

Varivatatana ogoto i koe Tarama Velaka ne, i teke nava go era God go tuna sine vatatavata go evaqelio dena, iato i tarama velaka sivala mana i karaputa mazala go, i reqe me de ikoego God i lete totoloṉo sivala go.

Kameka Timoti 1:19

mana sotia vaogoto aro mana nanao velaka loborona puṉumu. Kakiaro basoero iriki lulua kaega nanao velaka loborona puṉuqira, iato go vaogoto ria i zaza kakavata go.

Karua Timoti 4:7

Qa lete pada ne teteṉe vavelake na vari vose dena. Pasi dena qa dokae to valupolupo na de vari vose ne, mana qara pala taru vanadua so vaogoto era go.

Taetusi 2:10

mana mara kasi siko na patapata ria, mara ria zazu neso pataro tina vakula go batu ria, go batu ria tina ruqe qirae loborona zazu ro ria. Loborona to zazu velaka ro nae, ria tarina vazakazaka go vari vatatana na sauna God, iato iva kavele qita go.

Pilimon 1:5

Tanego era qa gata de go mamaligara aro de iri koego basoero ia God, mana dego vaogoto aro de ikoego Batu ita Jesu.

Jemisi 3:18

Vano varivabule iri lelebae to loborona bule, ria to nae iri mazala go vazarina urena too velaka mana totoloṉo ni vakula go God.

Karua Pita 3:11

Tanego osina ro pata tina sakata mana kaega lupo, iago muna mia velake too ramu. Muna lulua nanao ia God mana ko basoe tabo go, tanego too nae to i soko go God.

Karua Pita 3:14

Iago turaquro, ko piri qamu vae ne go musaqara nae, pada ne mamu velaka mana tabo go, go mara kaega ne qamu kaki kebu tarakenaqana God, mana ko bule de ikoego iago.

Judi 1:3

Ramu turaquro, qa lete soko karo ne qamu ramu kameka leta sauna vari vakavele qata vari pala ne go. Do ninidena to qa nanao lulusu zaqe to, itora to era ma karo ne qamu leta dena, go ma sine va karaputa ne qamu go muna varitara moqere ne, bara ne na vaogoto qamu pala bana go. Kameka ṉalu so God ivalame ne qira go basoe ia, vaogoto dena iato iko osina ṉalu topu ro ne.