Pilipae 1:16 - Vato Vari Vakameka Voru Ia Batu Ne

¹⁶ Ria dena iri tamana e loborona mamaligara, tanego iri rove God i teke bana nava era, zazu go tuna degere ne tarama ne na, tarama velaka ia.

Pilipae 1:16 ပူးပေါင်းရင်းမြစ်များ

Kameka Korinti 9:17

Do ṉalu tanuqu tu vine go zazu dena, era tuna pala voli qu, do era qaki vine kaega na pala voli. Qa toqe ne zazu dena, tanego qa zazu neso pata i sine nava God na zazu ne go.

Karua Korinti 2:17

Remu qiki gere qira kaega kerone basoero iri lete tarove ne zazu dena. Iri tarama ne Tarama Velaka ne, gere so kaki pata iri mazala soba ze vavagado, go tarina too ne. Do remu qi lete vaogote mana nanao vamazale zazu ro remu, qi tarama ne Tarama Velaka ia, gerena so de i soko go God, qi sine vasadake seko ia tanego qi vano zazu ia Kristo.

Pilipae 1:10

Go ia ramu tamuna vine pata i lete velaka sivala go, go ramu tamuna dalo mana kaega kaki pata tarina va pala qamu e, go tina doka go musaqara ṉalu Kristo tina za ule napu me.

Pilipae 1:12

Ramu turaquroe, era qa soko ramu tamuna rove pataro i doka va go era, iato i lete tavisi ogoto nava sauna va zazao na tarama velaka ne.

Pilipae 1:5

tanego ramu qamu tavisi velaka nava era, vatatavata na tarama velaka ne, pasi me musaqara kenaqa era qa lama doka mana i doka to ninidena go.

Pilipae 1:7

Ramu qamu ko tarue so puṉuqu era osina ṉalu, iago itora era ma nanao vane qamu ramu dena. Tanego ramu to qamu tavisi navae go era zazu mazala dena i teke nava go God, patavolomo ninidena qa koego bara dena mana ṉalu qa ko talupasa bana go, era qa degere ne tarama velaka dena go tina sadakae de iri koego basoero sauna vanadu na vaogoto ria.

Pilipae 2:22

Mana ramu qamu rove tanuqamu de igo ia ivasadake go ogotona mazala ia, de go raru qaru gere tatamana, kameka zazu ne sauna Tarama Velaka.

Pilipae 4:15

Ramu basoero na Pilipae qamu lete rove velaka bana so ṉalu qa kasi ne era Masedonia, tupi me tarama qa vae ne Tarama Velaka ne. Mana ramu to qaniu vano lotu qamu tavisi nava go era, tanuqamu to ramu, qamu kena tavise go papala era mana vavana ro era.

Pilipae 4:3

Mana aro napu vakitaka era, qa soko ono tavisi ne qiru karua qole dena, tanego riru dena iru tavisi velaka nava era sauna tarama ne na tarama velake ne. Kelementi mana kero ne napu vakitaka ro iri tavisi nava era, ria dena vitoṉo qira i karo banae buka na too ia God.