Pilipae 1:10 - Vato Vari Vakameka Voru Ia Batu Ne

¹⁰ Go ia ramu tamuna vine pata i lete velaka sivala go, go ramu tamuna dalo mana kaega kaki pata tarina va pala qamu e, go tina doka go musaqara ṉalu Kristo tina za ule napu me.

Pilipae 1:10 ပူးပေါင်းရင်းမြစ်များ

Matiu 16:23

Do Jesu i tabali mana i sine ne Pita, “Kasi ne de, Satana! Oniki pada ne vanoto ava era, pata go sine go aro ne, iki nanao na kaega God do i nanao na so basoe na vudu pua dena.”

Matiu 26:33

Pita i seko me, mana i sine ne Jesu, “Patavolomo ria kerone tarina paqa kasi lupo nigo, do era tuniki kasi nigo kaega!”

Tarama Velaka Ia Jesu Kristo I Karo Go Jon 1:47

Ṉalu Jesu i mia Natanel i lamae go de ikoego, i vane ia de, “Valeke dena i basoe ogotona to Izirel, mana iki rove kaega poqe go.”

Tarama Velaka Ia Jesu Kristo I Karo Go Jon 3:20

Ka basoe i zazu ne pata sakata ro, i vasasakata ne tatavata ne, iago tiniki ara zae to kaega tatavata nae, tanego iki soko kaega tatavata nae nava sadake go pata sakata ro i zazu ne go.

Zazu Ria Apostoloro 24:16

Mana iato go era qa pada taru neso go mava totoloṉo nanaoqu mana vatavato era, dekoe tarakenaqana God mana basoero ne.

Leta Ia Pol I Karo Ne Qira Basoero Na Rom 12:2

Kasi vamao ne na too ramu mara lulua go vatotovato na vudu pua dena. Do muna vamao ne God, go mara kavele nanao qamu. Iato nae go ramu tamuna mazala go mia rove na pata ni soko go God, mana go tamunara rove go pata velaka ni va kula go God.

Leta Ia Pol I Karo Ne Qira Basoero Na Rom 12:9

Tanego ṉalu qamu mamaligara ne qira go basoero ne, mara reqe me to mamaligara ogoto ramu. Iago vanaqe to pata i sakata mana palataru vanadua to pata velaka.

Leta Ia Pol I Karo Ne Qira Basoero Na Rom 16:17

Turaquro ma sine vakaraputa ne qamu, tamana era dena. Muna miasoka qira basoero iri soko go vota na eklesia mana vaqoqore vaogoto ramu go iri vazazao kakavata go vari vatatana qamu pala bana go. Iago muniki ara gata pata ro iri sine ne qamu go,

Leta Ia Pol I Karo Ne Qira Basoero Na Rom 2:18

Ramu qamu rove pata i soko go God tamuna zazu ne go, mana Tamana i varove qamu de igogo qamu vine go pata ni velaka go.

Leta Ia Pol I Karo Ne Qira Basoero Na Rom 7:16

Ṉalu era qa zazu ne go pata qaki soko go kaega zazu nena, iadena i vasadaka me era qa toqe ne Tamana i totoloṉo.

Leta Ia Pol I Karo Ne Qira Basoero Na Rom 7:22

Loborona puṉuqu, era qa lete kula ne Tamana ia God.

Leta Ia Pol I Karo Ne Qira Basoero Na Rom 8:7

Iago, ṉalu kameka basoe i nanao vamazale, mana i lulua go vatovato ia tokama basoe na vudu pua dena, basoe nae i kana ne God. Tanego iki nanao vamazale kaega vaogoto na Tamana ia God, mana i pata ogoto i makure to ia tina lulua go.

Kameka Korinti 1:8

Ia tina soti vanadu qamu mana i vatotoloṉo qamu go tina doka go musaqara muzimuzi, ṉalu ia Batu ita Jesu Kristo.

Kameka Korinti 10:32

Too raro mara kasi zazu ne ze na pata tono vasakata ze go kene basoe, patavolomo i basoe Jiu ba iki basoe Jiu kaega ba i basoe lotu ia God.

Kameka Korinti 8:13

Iago ṉalu pata gege i teke vasakata pata vakitaka aro, era tuniki ara ge kaega, niki go va soru ze vasakata pata vakitaka era.

Karua Korinti 1:12

Kameka pata remu, qi lete vazakanapu ne mana qi vaogote remu qi vasadake vatovato velaka ro remu, loborona vari vakameka de qata koego, loborona va vaogoto mana osaka na soko ia God. Remu qimuki zazu vamiki e kaega loborona tarove remu tanuqemu, do loborona so karaputa na Mana ia God.

Karua Korinti 2:17

Remu qiki gere qira kaega kerone basoero iri lete tarove ne zazu dena. Iri tarama ne Tarama Velaka ne, gere so kaki pata iri mazala soba ze vavagado, go tarina too ne. Do remu qi lete vaogote mana nanao vamazale zazu ro remu, qi tarama ne Tarama Velaka ia, gerena so de i soko go God, qi sine vasadake seko ia tanego qi vano zazu ia Kristo.

Karua Korinti 6:3

Remu qimuki soko kaega tamuna soba ze ramu kebu loborona vari vatatana remu, iago remu qi pada ne mi kasi vasoba zena kaki makuru de i koe kakia basoe.

Karua Korinti 8:8

Era qaki vadegere kaega ka Tamana, do qa soko vamia qamue dego soko ria kerone basoero iri soko go tavisi na zazu dena, era qa teke qamu ṉalu go tamuna mazala vasadake na mamaligara ramu i pata ogoto.

Qalesia 5:11

Ba tepa rera ne turaquro, ṉalu tara ogoto go era qa tamana ne go va mazalana kosi, avigo tane basoero ne iri vasasakata nava go era? Ṉalu tara ogoto go, ianae vano Jiu tara muma nava kaega era qa tamana ne Kristo i le go koluse ne.

Epesus 4:15

Do loborona mamaligara ita de iri koego basoero ne, ita mata sine pata ogoto, mana mata podo popokae loborona zuka ia Kristo, iato ikuzuku ne go eklesia.

Epesus 5:10

Iago pada ne rove na pataro i vakula go Batu ne.

Epesus 5:27

Tanego ṉalu Kristo i valame zego eklesia ne de ikoego, i soko eklesia ne mara mimia velaka, mana mara kaega to kaki sakata mara doka go, do mara totoloṉo velaka so.

Epesus 6:24

Go Mana ia God mara kotavisi qira vano iri vanadu zego mamaligara ria de ikoego Batu ita Jesu Kristo.

Pilipae 1:16

Ria dena iri tamana e loborona mamaligara, tanego iri rove God i teke bana nava era, zazu go tuna degere ne tarama ne na, tarama velaka ia.

Pilipae 1:6

Iago era qa vaogote, God ni vatupia go zazu velaka dena loboro qamu, tina pala somaso go tina za doka so ṉalu tina za ule mego Jesu Kristo.

Pilipae 2:16

mana ṉalu qamu teke ne qira tarama na too, ṉalu ramu qamu zazu ne, era tina zari nava pata tuna kula ne qamu ego ramu ṉalu musaqara Kristo tina lama napu, tanego tina vasadake osina zazu ro era tiki vana volomo kaega.

Kameka Tesalonika 3:13

Loborona to zuka dena, nanao qamu tina karaputa napu. Mana ṉalu Batu ita Jesu Kristo tina ule palu me qira basoero ia, ramu tamuna degere tarakenaqana God Tamaqita, tanego too ramu i velaka mana tabo go.

Kameka Tesalonika 5:21

Do osina pataro dena muna toere velake tekere ia, munara lulua go ke i velaka go.

Kameka Tesalonika 5:23

Go God iteke ne qita go bule mara va tabo osina too ramu, mara miasoka tutukunu na too na tokama mana madau, go ramu mamu ko talukase tepa ia pata sakata, go na lama doka go ṉalu ia Batu ita Jesu Kristo.

Kameka Jon 4:1

Ramu turaquro kasi vaogoto qira basoero iri go, iri toṉove Spirit tabo. Do muna pada mana mia va velake ṉalu go Spirit iri toṉove go ireqe ogoto me de ikoe God. Tanego topu propeta poqepoqe iri zaza goe to osina dia.

Revaleson 2:2

Era qa rove de igogo zazu ramu, mana qa rove de igogo zazu vokara ramu sauna karaputa ramu. Qa rove era tane qamuki soko qira kaega vano sakata. Mana qa rove era tane qamu padane qira vano iri apostoloro iri gogo, do taramuzina ramu qamu rove to, iri vano poqepoqe bana go.