Pilipae 1:1 - Vato Vari Vakameka Voru Ia Batu Ne

¹ Pol mana Timoti, karua basoe zazu ia Jesu Kristo, iru karo go leta dena, de iri koego basoero ia God iri koego Pilipae, ria iri kameka ego Jesu Kristo, ria napu batubatu na lotu mana vano iri zazu tavisi go.

Pilipae 1:1 ပူးပေါင်းရင်းမြစ်များ

Maka 13:34

Tina gere valeke i vele kasi ne pade ia, i vanama ne qira vano zazu ia soso zazu ro tarina zazu ne go. Ṉalu i teke lupo ne qira to zazu ro ria, i sine ne valeke i miasoka go siporoṉa na pade ne, ina mimia taru so osina ṉalu.

Tarama Velaka Ia Jesu Kristo I Karo Go Jon 12:26

Ka basoe i osaka nava era tina lulua va era, ria iri osaka nava, tarina koe de qa koego. Mana ka basoe i osaka nava era, Mamae tina nanao vamazale iago.”

Zazu Ria Apostoloro 1:20

Pita idegere mana i seko napu, igo, “Buka na kera igo de ‘Pade ia tina kakaere, Ikaega basoe ikoe go loborona.’ Mana iri karo napua, ‘Kameka basoe kakavata tina pala kavale go zazu ia.’

Zazu Ria Apostoloro 20:28

Muna miasoka tanuqamu mana osiqira kero ne basoero, tanego Spirit tabo ne i taru ze vari miasoka ramu, tamuna miasoka eklesia ia God, gere qira vano miasoka sipi, to ia i toṉove go, tanego Sale ia i teke ne too ia, i voli bana zego parasana.

Zazu Ria Apostoloro 9:13

Ananaisi ivataule, igo, “Batu! Topu basoero iri sine bana nava era zazao na valeke dena, sauna topu pata sakata sivala ro i zazu bana ne ze go basoero aro iri koego komala lavala Jerusalema.

Leta Ia Pol I Karo Ne Qira Basoero Na Rom 1:1

I Era Pol kameka basoe zazu ia Jesu Kristo, mana qa kameka apostolo God i vine ava mana i koru ava go tuna tarama ne Tarama velaka ia.

Leta Ia Pol I Karo Ne Qira Basoero Na Rom 1:7

Iago, qa karo ne qamu ramu basoero topu qamu koe go Rom, tanego God i mamaligara ne qamu, mana i koru qamue basoero ia tanuna. Go God Tamaqita mana Batu ita Jesu Kristo mara riru teke ne qita mana, mana bule ia.

Kameka Korinti 16:10

Ṉalu Timoti tina lamae de qamu koego, muna vagado velaka ze de qamu koego, tanego Timoti i zazu napu neso zazu ia Batu ne, i gere napu ava so era.

Karua Korinti 1:1

Era Pol qa apostolo, i turi nava Jesu Kristo, tanego God i vato bana ne. Era mana vakitaka ita Timoti qaru karo go leta dena, de qamu koego basoero ia God qamu koego komala lavata na Korint, mana ria napu iri vaogoto go, iri koego kena Akaia.

Qalesia 1:10

Zazaona pata dena era ma vakula basoe qa go ba? Kaega! Pata qa soko go era, go ma vakula God qa go. Ba qamu nanao, go basoero ne mara vazakava qa go? Kaega! Ṉalu tina gogo nae, era qaki basoe zazu ogoto bana ia kaega Kristo go.

Qalesia 3:26

Loborona to vaogoto ramu de ikoego Jesu Kristo osiqamu qamu salero ia God.

Qalesia 3:28

Iago ikaega so kaki pata i varivakakatae ne de iri koego vano Jiu ba vano iriki Jiu go kaega, vano seka ba vano ko talukasa, valekero ba qolero go, osiqira pataro dena iri kameka pata so de ikoego Kristo.

Epesus 1:1

Era Pol loborona soko ia God qa apostolo ia Jesu Kristo, qa karo ne qamu ramu vano na komala Epesus qamti vanadue go too ramu loborona Jesu Kristo.

Epesus 1:15

Tanego sauna pata dena, pasi qa gata bana mego sauna vaogoto ramu de ikoego Batu Jesu, mana de iri koego basoero ia God,

Epesus 6:24

Go Mana ia God mara kotavisi qira vano iri vanadu zego mamaligara ria de ikoego Batu ita Jesu Kristo.

Pilipae 2:19

Ṉalu go i soko ia God, qa nanao tiniki umata kaega tuna turi ne zatu Timoti de qamu koego ramu, go era tuna talasara ṉalu tuna gata go tarama qamu ramu.

Pilipae 2:5

Vatovato dena mara koe de i koe Kristo,

Pilipae 3:12

Muniki nanao ramu, era qa va lupo bana osina pata, qa velaka ba totoloṉo bana. Do Kristo i pala taru ava era, iago era qara teteṉe so, mana qa lete pada ne tuna za doka ego lala ne.

Pilipae 3:3

Iki ria kaega, do ita to qata pala go vari kosi ogoto, tanego qata vazaka God loborona Spirit ia, mana qata kula ne too ita loborona vari vakameka ita de koe Jesu Kristo. Ita qatiki ara vaogote kaega kaki zazu i sadaka mego tokama.

Pilipae 3:8

Iki pata nae so kaega, do osina to pataro qa zazu bana nego, qa vana lupo neto, go tuna toṉove go pata ni lete lavata sivala go volina, iato tarove ia Jesu Kristo Batu era. I sauna ia, era qa vana lupo ne osina pata qa nanao iki tora to kaega babanane na, iago qa nanao va gere ze uzaka osina pata, go era qa mazala pala na Kristo.

Kameka Tesalonika 1:1

Era Pol, Saelas, mana Timoti, qimu karo ne qamu ramu vano lotu qamu koego Komala Tesalonika, qamu basoero ia God Tamana, mana Batu ita Jesu Kristo. Go Mana ia God ina teke ne qamu dalo mana mamaligara iago.

Kameka Tesalonika 2:2

Ramu qamu rove bana ko qivae go remu komala Pilipae tarakenaqana go qimu ara garetue go Tesalonika, basoero ne iri vasakata qemu, mana seko sakata qamu go, do God remu iteke ne qemu nanao karaputa go timuna garetu sine vasadaka ne qamu ramu Tarama Velaka ia.

Karua Tesalonika 1:1

Era Pol, Saelas mana Timoti qimu karo ne qamu ramu vano lotu qamu koe go komala Tesalonika qamu basoero ia God Tamaqita mana Batu ita Jesu Kristo.

Karua Tesalonika 1:10

Ṉalu ia tina lama go musaqara nae, Osina basoero ia tarina vazaka ia, mana basoero iri vaogote go ia tarina lete va batua ia, ṉalu nae. Mana ramu napu to go tamuna ko tavisi qira ria, tanego qamu vaogote Tarama Velaka ro qimu sine ne qamu go.

Kameka Timoti 1:2

de qo koego aro Timoti loborona vaogoto, aro qo gere sale ogoto era, qa pene, go God Tamaqita mana Jesu Kristo Batu ita mara Mana nigo mana, mara teke nigo manava ia mana ko bulebule ia.

Kameka Timoti 3:8

Vano iri vari vatatavise loborona lotu ne, mara vasadake too mana vatovato totoloṉo ria, mara lulua pataro iri sine go, mara kasi poqepoqe, poro ge loka, ba soko na kesa go.

Taetusi 1:1

Era Pol qa basoe zazu ia God mana qa apostolo ia Jesu Kristo. God i turi nava era go tuna tavisi ne qira basoero ia i vine bana qira go, go tarina vaogoto ia mana go tarina rove velake vari vatatana na vaogoto ita go.

Taetusi 1:7

Basoe i batu lotu go, basoe nae i miasoka zazu ia God. Iato go too ia tina totoloṉo. Tiniki vazaka napu kaega, muma katikili kaega poro ge loka kaega vari varitara kaega, ba soka na topu kesa go.

Pilimon 1:1

Era Pol qa koe loborona bara ne, tanego qa basoe zazu ia Jesu Kristo. Mana vakitaka ita Timoti qaru karo vagaretua leta dena, de qo koego aro vakitaka raru Pilimon qata kameka zazu go,

Iburu 13:23

Qa soko va rove qamu e, vakitaka ita Timoti iri vasiporo zeto ia bara ne. Ṉalu tina lama doka katikili e de qa koego era ia tina lulu ava era, ṉalu tuna garetu mia qamu go.

Jemisi 1:1

Era Jemisi kameka basoe zazu ia God mana Batu ita Jesu Kristo qa seko kula atu de qamu koego ramu basoero topu ia God qamu repe go osina dia vudu pua.

Kameka Pita 2:25

Ramu qamu gere qira sipi ro iri rore, iri va rore go zuka ria, do ninidena ramu qamu ule napu me de ikoego valeke miasoka sipi, mana i miasoka madau qamu go.

Karua Pita 1:1

Era Saimon Pita qa basoe zazu mana apostolo ia Jesu Kristo. Qa karo ne qamu ramu i teke ne qamu go God va ogoto, i gere go vaogoto reremu, tanego Jesu Kristo ia i God, i vakavele qita i lete velaka sivala.

Judi 1:1

Era Judi kameka basoe zazu ia Jesu Kristo mana qa kaena Jemisi. Qa karo ne qamu ramu basoero ikoru bana qamu go God, qamu koe go mamaligara ia God Tamaqita mana vari miasoka ia Jesu Kristo.

Revaleson 1:1

Zazaona buka dena, i vasadaka me pataro iri kokopika bana me go, do Jesu Kristo i vasadaka me. God i teke ne Jesu Kristo go tina vamia qirae basoero iri zazu nego ia, sauna pataro tiniki umata kaega tina lama doka go. Iago Kristo iturine me aqelo iago tina vamia ze Jon, valeke zazu ia.

Revaleson 1:20

Qo mia kavitu domiri qa pala taru zego karisi matauqu mana kavitu pazi qolu dena gogo ne, iri pata ko pipika bana so mana i ko talupasana ro go. Kavitu domiri dena iri talukase kavitu aqelo na kavitu eklesia ro dena.”

Revaleson 19:10

Era qa koloku tutuṉu mana qa vabatua aqelo ne, do i sine nava, “Oniki vabatu ava era, tanego era qa basoe zazu gere go so aro, mana ria turamu ro iri pala taru vanadua go seko ogoto ni vasadake go Jesu. Iago ono vabatua so God.” Tanego seko ogoto i vasadake go Jesu, iato nae karaputa i tavisi ne qira go propetaro ne.

Revaleson 2:12

Ia i seko, igo napu de, “Ono karo napu ne zaqe Aqelo na eklesia na Peqamam. Iato dena seko era, valeke qa pala tarua go pegi loda i zogoto go karua tepana ne.

Revaleson 2:8

Ia i seko, igo napu dena, “Ono karo ne zaqe aqelo na eklesia na simina. Iato dena seko era, valeke qa kenaqana mana lupolupo nago osina ro pata. Qa le bana mana qa too napu mana tuniki ara le kaega go.

Revaleson 22:9

Do ia i sine nava, igo, “Oniki vabatu ava era! Era qa basoe zazu gere go so aro, mana ria turamu ro, vano propetaro, mana ria iri vaogote go seko na buka dena, iago, ono vabatua so God!”