Matiu 9:28 - Vato Vari Vakameka Voru Ia Batu Ne

²⁸ Ṉalu Jesu i za keba e pade ne, karua valeke kodo ne iru za mia ia. Gonae Jesu i tana ne qiru, “Avigo qaburu vaogote era qa mazala va mimia napu qaburu?” Iru go, “Batu raru qaru vaogote aro qo mazala.”

Matiu 9:28 ပူးပေါင်းရင်းမြစ်များ

Matiu 13:1

Kameka musaqara na so nae Jesu i kasi ne pade ne mana iza kolokue rikisina na masi pipika mana i vatatana qira basoero ne.

Matiu 13:36

Gonae Jesu i kasi ne qira basoero ne, mana i keba ule za loborona pade ne, disipoloro ia iri lama go de, “Sine ne qemu remu talupasana seko vapadapada na seuseu sakata na barue ne.”

Matiu 13:58

Iago, Jesu iki zazu ne ze kaega zazu vari va poloso komala ia nae, tanego basoero ne iriki vaogote kaega ia.

Matiu 8:14

Jesu i zae pade ia Pita mana iza mia qole ravana Pita i pala mokoso poloqotoro mana i kekele vesu ia.

Matiu 8:2

Gonae kaki valeke i pala mokoso voremake i lamae, de ikoego Jesu. I koloku tutuṉue tarakenaqana Jesu igo, “Batu, ṉalu aro qo soko go, qo mazala va velakava era.”

Matiu 9:22

Jesu i tabali i mia qole ne i sine ne ia, “Kasi sareki qole, Aro qo velaka napu to tanego vaogoto aro i va velaki go.” Torana nae qole ne i velaka to.

Matiu 9:27

Ṉalu Jesu i kasi ne dego, karua valeke kodo iru kale muzi ne ia, mana iru koru me, “Ke nanao qaru to Sale ia Davita” iru go.

Matiu 9:29

Gonae Jesu i siba mataqiru igo, “Tanego qaburu vaogoto, pata qaburu soko go nara tekene qaburu.”

Tarama Velaka Ia Jesu Kristo I Karo Go Jon 11:26

mana basoe too i vaogoto ava go era, tiniki ara le kaega. Avigo qo vaogote seko dena?”

Tarama Velaka Ia Jesu Kristo I Karo Go Jon 11:40

Jesu i vane de Mata, “Era qa sine bana nigo, ṉalu go qo vaogoto, qo mazala to mia na karaputa mazala ia God.”

Zazu Ria Apostoloro 14:9

I koloku mana i gatagata seko ro i sine go Pol. Pol i mia valeke ne i kone vaogoto, mana i tora tina va velake ia, iago Pol i reṉa vale ne ia,