Matiu 9:22 - Vato Vari Vakameka Voru Ia Batu Ne

²² Jesu i tabali i mia qole ne i sine ne ia, “Kasi sareki qole, Aro qo velaka napu to tanego vaogoto aro i va velaki go.” Torana nae qole ne i velaka to.

Matiu 9:22 ပူးပေါင်းရင်းမြစ်များ

Matiu 15:28

Iago Jesu i sine ne ia, “Aro qo kakia qole i karaputa vaogoto aro! Pata qo soko go aro era tuna teke nigo.” Mana torana to nae sale qole ne i velaka to.

Matiu 17:18

Gonae Jesu i seko lavate manuru sakata ne, gonae i kasi ne sale valeke ne, mana torana so nae sale ne i velaka to.

Matiu 8:13

Gonae Jesu i sine ne batu ria vano soldia, “Gado ule za komala aro, tanego qo vaogote God, mana valeke zazu aro tina tavoisi.” Torana so nae valeke zazu ia batu ria vano soldia ne i tavoisi to.

Matiu 9:2

Kakia ro basoero iri pala me dekoe Jesu kaki valeke i makure vizu tokamana mana valeke ne i kekele so vesu ia. Jesu i mia dego vaogoto ria gonae i sine ne valeke i makuru go vizu na tokamana, “Kula, sale era, vasakata pataro aro iri talupasa.”

Matiu 9:29

Gonae Jesu i siba mataqiru igo, “Tanego qaburu vaogoto, pata qaburu soko go nara tekene qaburu.”

Maka 10:52

Jesu i vane dena, “Ule zato aro, vaogoto aro i va velaki go nae.” Kameka goso nae valeke ne i mimia to mana i lulu ne zeto Jesu zuka ne.

Maka 5:34

Jesu i sine ne ia, “Sale qole era, vaogoto aro iva velaki go, mana kasi ara maqata napu tanego mokoso aro i lupo to.”

Luka 17:19

Mana Jesu i sine ne ia, “Degere mana zaza to aro, vaogoto aro iva velaki go.”

Luka 18:42

Jesu i sine ne ia, “Mimia to aro! Vaogoto aro iva velaki go.”

Luka 7:50

Do Jesu i sine ne qole ne, “Vaogoto aro i va kaveli go, ono za loborona dalo.”

Luka 8:48

Jesu i sine ne ia, “Sale qole era vaogoto aro iva velaki go, za loborona dalo mana kasi ara maqata napu.”

Tarama Velaka Ia Jesu Kristo I Karo Go Jon 4:53

Tamana sale ne i nanao ule zaqe, torana to nae Jesu i sine ne ia, “Sale valeke aro i tavoisi.” Gonae tanuma mana vano iri koego pade ia iri vaogote Jesu.

Zazu Ria Apostoloro 14:9

I koloku mana i gatagata seko ro i sine go Pol. Pol i mia valeke ne i kone vaogoto, mana i tora tina va velake ia, iago Pol i reṉa vale ne ia,

Zazu Ria Apostoloro 16:18

Qole seka ne, i sine tarua so seko ro dena, osina ro musaqara, Pol gonae i vasasakate to gata na seko ni sine go qole ne, i tabali mana i sine ne manuru ne, “Loborona vitoṉo na Jesu Kristo, qa sine nigo ono siporo kasi ne qole nae!” Torana so nae manuru sakata ne i siporo kasi ne qole ne.

Iburu 4:2

Ita qata gata bana Tarama Velaka ne, gere na ria iri gata bana go. Ria iri gata bana go tarama ne, do tarama nae iki tavisi ne qira kaega, tanego iriki toqe ne kaega vaogoto na ṉalu iri gata go.