Matiu 9:13 - Vato Vari Vakameka Voru Ia Batu Ne

¹³ Za muna za toere velake talupasana seko i sine go Buka tabo igo, ‘Vari nanao tane qa soko go era dekoe basoero, do sosovolomo kaega.’ Ma sine ne qamu, era qaki lama ne kaega koru qira basoero iri vatovato velaka, do qa lama ne qira basoero iri vasakata pata go.”

Matiu 9:13 ပူးပေါင်းရင်းမြစ်များ

Matiu 12:3

Gonae Jesu i vataule ne qira, “Avigo, qamuki toere kaega pata i zazu nego Davita, ṉalu tanuna mana basoero ia i pala qira go saqo?

Matiu 12:5

Avigo qamuki toere ze kaega Tamana ne sauqira patere ro? Osina musaqara Sabat patere ro iri zazue go pade tabo nae iri vae Tamana na Sabat, do iriki kebu kaega.

Matiu 12:7

Buka tabo igo de, ‘Era qaki soko kaega komakoma, do qa soko basoero ne mara ria vari nanao mana manava sakata ne vasakata pata ro ria.’ Iato dena seko qamuki rove velake go kaega talupasana. Ṉalu go tamu rove velake go talupasana seko dena, i makuru tamu zazu ne ze vivine de ikoego basoe iki kebu go kaega.

Matiu 19:4

Jesu i vataule, igo, “Avigo qamu toere Buka tabo ne i sine go, ‘Kokoso vatupiana na me God i va zaria valeke mana qole’?

Matiu 21:42

Jesu i sine ne qira, “Avigo qamuki toere so kaega pata i sine go Buka tabo ne? ‘Ipaka iriki soko go kaega vano zazu pade ne, iato i ipaka mazala sivala go. Pata dena to i zazu ne God, mana i lete mimia velake mata qita ita go.’

Matiu 3:2

Igo, “Manava sakata mana kavale vatovato sakata ro ramu, tanego de ikoego vari miasoka ia God i lama garogaro!”

Matiu 3:8

Muna zazu ne pataro go i mazala vasadake na, go ramu qamu manava sakata ne vasakata pataro ramu.

Matiu 4:17

Torana ṉalu nae Jesu iva tupiana ne tamana qira basoero, “Muna manava sakata ne vasakata pataro ramu, tanego vari miasoka ia God i lama garogaro.”

Maka 12:26

Sauqira vano iri le mana too napu me tepa le ne, avigo qamuki toere ze kaega buka ia Mosese ni pepeua go nako ni subia go sasaniqa ne? God i sine ne Mosese, ‘Era God ia Abra-am, God ia Aisak mana God ia Jekop.’

Maka 12:33

Iago basoe mara mamaligara neze God osina nanao na mana osina puṉuna, osina madauna, osina karaputa ia mana mara mamaligara napu ne qira vano kakavata gerena i mamaligara ne go tanuna. Luluna karua Tamana dena i lete sivala ne komakoma ro qata tavatavara ne zaqe go God.”

Maka 2:17

Ṉalu Jesu igata go seko dena i vane qira dena, “Vano iriki mokoso go kaega iriki soko kaega valeke vari vole, do vano mokoso tane iri soko go valeke vari vole. Iago era qaki lama ne kaega koru qira vano iri totoloṉo bana go, do qa lama ne koru qira vano iri vasakata pata go.”

Luka 10:26

Jesu i vataule ne ia igo, “Avana i sine go Buka tabo ne? Avana igo nanaomu ṉalu qo toere go?”

Luka 19:10

Era Tuna basoe ne, qa lama zaz ne tuna taqia mana va kavele ka basoe ton i rore go.”

Luka 24:47

Mana loborona vitoṉo na ia, seko na nanao maqata na vasakata pata ro, mana nanao ule na vasakata pata gogo ne, tina vari vatatana ze osina dia kolabana pua ne, tina tupi e Jerusalema.

Luka 5:31

Jesu i vataule ne qira igo dena, “Vano iri velaka go iriki soko kaega valeke vari vole, do ria iri mokoso go tane iri soko go valeke vari vole.

Luka 5:32

Era qaki lama ne kaega koru qira vano velaka, do qa lama ne koru qira vano vasakata pata, go mara ria nanao ule ne vasakata pataro ria.”

Tarama Velaka Ia Jesu Kristo I Karo Go Jon 10:34

Jesu ivataule ne qira, “I karo banae go Tamana ramu, ‘God i go, ramu qamu god ro’.

Zazu Ria Apostoloro 11:18

Ṉalu iri gata go seko ia Pita ne, iri mamanava to vari valegu. Iri vazaka God mana iri go dena, “Pata ogoto, God iteke napu ne qira so vano iriki Jiu go kaega nanao uleule mana too voru go!”

Zazu Ria Apostoloro 2:38

Pita i vane qira dena, “Muna nanao vana ne vasakata pata ro ramu mana bapitemae loborona vitoṉona Jesu Kristo, go ia tina vatalukase go vasakata pata ramu.

Zazu Ria Apostoloro 20:21

De qamu koego ramu vano Jiu mana vano iriki Jiu go kaega, qa sine va moqere ne qamu, muna vanane vasakata pata ro ramu mana tabali za de ikoego God, mana taru ze ruruqe ramu de ikoego Jesu Batu ita go.

Zazu Ria Apostoloro 3:19

Muna manava sakata ne vasakata pata ro ramu, mana tabali za de ikoego God, go God tina nanao ule ne qamu go.

Zazu Ria Apostoloro 5:31

God i pala vapopoka ze ia tepa matauna, mana i Batu na vari vakavele, go tina teke qira vano Izirel kavala, go tarina nanao ule mana vasakata pata ro ria tina talupasa.

Karua Pita 3:9

Kakiaro basoe iri nanao, God i valosia so pui ia, go tina lama ogoto go, do iki go kaega nae, God iki soko kaega vasakatena kakia basoe, do i soko basoero ne mara vana ne too sakata ro ria, mana lamae de i koego tanuna igo.