Matiu 8:20 - Vato Vari Vakameka Voru Ia Batu Ne

²⁰ Jesu i sine ne ia, “Sika piru ro i ko de kamukamu ria mana pale ro i ko kubasa ria, do Tuna Basoe i kaega kade tina zakoe go tina ziṉo velake go.”

Matiu 8:20 ပူးပေါင်းရင်းမြစ်များ

Matiu 12:32

Mana ka basoe i seko sakata va era Tuna basoe, God i mazala nanao ule ne ia. Do ka basoe i seko sakate zazu ia Spirit tabo, God iki mazala to kaega nanao ule ne ia, pasi ninidena ba ṉalu iara ko mego.”

Matiu 12:40

Loborona kapisa musaqara mana kuse Zona i koe loborona sopana kameka iṉana lavata, tina gere napu ava era Tuna basoe, tuna koe loborona pua kapisa musaqara mana kuse go.

Matiu 12:8

Tanego era Tuna basoe qa batu ne go musaqara Sabat.”

Matiu 13:37

Jesu i vataule ne qira igo, “Basoe i leba go paturu velaka ne iato era Tuna basoe.

Matiu 16:13

Ṉalu Jesu i za dokae kena i garogaro komala Kaesaria Pilipae, i tana ne qira disipoloro ia, “Avigo, basoero ne iri nanao akena tane era Tuna basoe?”

Matiu 16:27

Tanego era Tuna basoe tuna ule me loborona karaputa mazala ia Mamae mana ria aqeloro iago, ṉalu nae tuna voli qira basoero ne lulua so pataro iri zazu ne go.

Matiu 17:9

Goto nae iri qoqoro ule me tepa kubolo ne, mana Jesu i sine vamoqere ne qira, igo, “Muniki sine ne ka basoe sauna pata qamu mia go, go na doka so ṉalu era Tuna basoe tuna too ule napu me tepa le ne.”

Matiu 19:28

Jesu i vataule ne qira, “Ma sine ne qamu pata ogoto, ṉalu God tina va voru lupo osina pata, era Tuna basoe tuna koloku e de koko batubatu ne mana vatovato e loborona karaputa ia God. Ṉalu nae ramu manoga karua qamu lulu ava go era, tamuna koloku napue de kolokoloku batubatu mana kenaqa ne qira manoga karua sinaqe na Izirel go.

Maka 8:38

Basoero na ṉalu ninidena iri zazu ne soso adoadona pata sakata mana iriki soti ze kaega tanuqira de ikoego God. Iago, ṉalu ka basoe i agava nava era, era tuna agava napu ne so ia, ṉalu tuna lamae go karaputa na tatavata ia Mamae mana aqeloro tabo ia ne go.”

Luka 12:8

Jesu i sine napu ne qira, “Ma sine ne qamu, ka basoe i sine vasadaka ze de iri koego basoero topu, igo i ke rera, era Tuna basoe na vagere napu ze so ia, de iri koego aqelo ro ia God.

Luka 18:8

Ma sine ne qamu. Ia tina tavisi katikili ne qira va totoloṉo na makuru ro ria. Do era Tuna basoe, avigo tuna soba ze kolabana pua dena vano iri vaogoto go, ṉalu tuna za lama go?”

Luka 2:12

Iato dena lala go tamuna za mia rove ze go ia, muna za mia sale medara ne, iri kade ze poga ne, i kekele go loborona moki iri ura go.”

Luka 2:16

Gonae iri katikili za mana iri za soba qiru Maria mana Josepo, mana iri mia sale medara ni kekele go loborona moki iri ura go.

Luka 2:7

Gonae i vapodo sale valeke kenaqa ia, i kade ze poga ne mana iva kekele ze ia moki iri ura go, tanego i kaega to kade tataqalana ka pade, go tarina za koego.

Luka 21:36

Ko dogara taru so mana pene osina ṉalu, go tamuna pala karaputa go tamuna mazala go zaza va velakae loborona pataro tina sadaka go. Go tamuna mazala go degere na tarakenaqa qu era Tuna basoe.”

Luka 8:3

Joana qole ia kaki kameka valeke batu na pade ia Erode vitoṉo na Tuza, mana Suzana, kakiaro napu ria go. Iri va zazua so pataro iri toṉove go tanuqira go mara tavisi ne Jesu mana disipoloro ia iri go.

Luka 9:58

Do Jesu i sine ne ia, “Sika piru ro iko de koko ria, palero iko kubasa ro ria, do Tuna basoe i kaega ne kade tina kekele mana kamukue go.”

Tarama Velaka Ia Jesu Kristo I Karo Go Jon 1:51

Mana i sine napu ne qira igo, “Ma sine ne qamu pata ogoto, tamuna mia zakazaka ne tina papaqa mana aqelo ro ia God tarina popoka za rani mana qoqoro me de qa koego era, Tuna Basoe.”

Tarama Velaka Ia Jesu Kristo I Karo Go Jon 12:34

Basoero ne, iri go de, “Do Tamana remu igo, Kristo tiniki rove kaega le. Iago avigo tane qo sine go Tuna basoe tarina vaidoko ne go? Akena tane i Tuna go basoe ne?”

Tarama Velaka Ia Jesu Kristo I Karo Go Jon 13:31

Ṉalu Jiudas i siporo kasi nego pade ne, Jesu igo de, “Ninidena karaputa mazala ia Tuna basoe ne tina sadaka me, mana karaputa mazala ia God, tina sadaka me, de ikoego iago.

Tarama Velaka Ia Jesu Kristo I Karo Go Jon 3:13

Tanego i kaega ka basoe i za banae go rani ne, do tanuqu so era Tuna basoe qa qoqoro mego tepa rani go.

Tarama Velaka Ia Jesu Kristo I Karo Go Jon 3:14

Ṉalu bana ne loborona ulana ne Mosese i pala kameka dole iri zazu ne ze aeana mana i vaidoko vazakazaka ne, de qa koego era Tuna basoe ne tina gere napua so, basoero tarina vaidoko vazakazaka va,

Tarama Velaka Ia Jesu Kristo I Karo Go Jon 6:27

Iago muniki zazu vokara ne patagege i sakata katikili go, do muna zazu vokara ne patagege i mazala go tekene qamu go too iki rove go kaega za lupo. Era Tuna basoe na tekene qamu patagege igogo ne, tanego God Tamaqita i vasadaka bana, i soko ava era.”

Tarama Velaka Ia Jesu Kristo I Karo Go Jon 6:53

Jesu i sine ne qira igo, “Ma sine ne qamu pata ogoto, ṉalu qamuki go go kaega tokamaqu ba besia kaega parasaqu gogo ne, ramu tina kaega ne qamu too ogoto de qa koego era.

Tarama Velaka Ia Jesu Kristo I Karo Go Jon 6:62

Ṉalu igogo nae nanao qamu, ava tamuna go ṉalu tamuna mia va era Tuna basoe na popoka ule za go de qa ko banae go?

Zazu Ria Apostoloro 7:56

“Mia!” igo Sitivini, “Era qa mia rani ne i papaqa mana Tuna basoe, i degere tepa matauna God!”

Karua Korinti 8:9

Qamu rove bana Mana ia Batu ita Jesu Kristo de qata koego, i lete vavagado sivala, do i vaqoqore tanuna tanego i sauqamu ramu, i zazu ne pata dena go ramu tamuna pala vavagado ia.